Kwidzulitsa 32:2 - KITABU KITAKATIFU

² Amegidzo gange ga la sunduka kuli imbula; Namakuva gange ga la tonyatonya kuli lime, Kandi kuli lumanyangoko ku ubulimu buvisi, Na kuli ulunyirira ku tsingutsa.

Kwidzulitsa 32:2 Iomraidhean Croise

2 Samweli 23:4

A la ra kuli ubulavu bwomugamba, lwa liuva li tonganga, Mugamba gu ta li namalesi, Lwa bunyasi budoto bu sebukanga mu kivala, Ku ling'ereng'ana lyabwo inyima yembula.

Zaburi 65:10

U samanga makindi galyo ligali; Nokubaminya bwegingu bwago: U, ga dotidza nembula yolwerera; U gasidza limera lyalyo.

Zaburi 72:6

A lika ku lirova kuli imbula i kupanga ku ubulimu bu kalageywi, Kuli imbula yamadzi mavovo ku lirova.

Tsing'ano 4:2

Kigira mmu hedzanga megidzo malahi; Mu ta leka megidzo gange.

Hosea 14:5

Nda va kuli lime ku Israeli; a la lavidza vimuli kuli vimuli vyelidanya, nokulandidza imiri gyigye kuli Le banon.

Hosea 6:4

O Efiraim, nda ku kolera ki? O Yuda, nda ku kolera ki? Kigira ububwenyu bu veye kuli lilesi lyomugamba, na kuli lime li kamanga mabwebwe.

Amosi 7:16

Kunangwa kalunu u hulire likuva lya Yahova: Ive u mboleranga, U ta profeta ku Israeli, kandi u ta haana likuva lilyo ku inyumba ya Isaka;

Mika 5:6

Navo va lononnya ki vala kya Asuria nekivavi, nekivala kya Nimirodi mu bwingiriru bwakyo: na a la kuhonnya ku Muasuria, lwa yingira mu kivala kyetu, lwa a duvaga mu tsinzako tsyetu.

Mika 5:7

Na avatigala va Yakobo va la va hagati ha avandu vanyingi kuli lime li twulanga ku Yahova, kuli lunyirira ku bunyasi, vi ta lindiriranga umundu, kinga kulindirira avana vavandu.

Zekaria 10:1

Mu saale imbula ku Yahova ku inyinga yembula yekyubwi, uyu Yahova u lombanga uluheni; naye a la va ha lunyirira lwembula, mundu sa mulala a la hebwa bunyasi mmulimi.

Vahebraina 6:7

Kigira lirova li nwedzanga imbula i kupanga hali kanyingi kulyo, kandi li meranga tsingutsa tsi dukiranga yava ava limirangwa, li nyolanga ubugasu bwa Nyasaye;