Kwidzulitsa 30:3 - KITABU KITAKATIFU

³ hene yaho Yahova Nyasaye wowo a la girunkanya lilanywa lilyo, na a la ku vera tsimbabasi, kandi a lirana kukuvungidza mu tsihiri tsyosi, ha Yahova Nyasaye wowo ya ku salanya.

Kwidzulitsa 30:3 Iomraidhean Croise

Litanga 28:15

Kandi henza, mbeye halala na ive, na nda ku linda hosi ha u tsitsanga, kandi nda ku leta kandi ku kivala yiki; kigira si nda ku leka mba, kuduka nduhe nku kolere gosi ga nda ku volera.

Litanga 48:21

Na Israeli ya volera Yosefa, Henza, nkudzanga: navutswa Nyasaye a la va halala nemwinye, naye a la mu hila kumuvika kandi mu kivala kya avaguga venyu.

1 Kyetsinyinga 16:35

Mu vole, U ku honnye, O Nyasaye wobuhonnyi bwetu Na u ku vungidze halala kuku honnya ku tsihiri, Ku duke ku santidze lieta lilyo litakatifu Nokwekuminya mu lieta lilyo.

Nehemia 1:9

navutswa ni mwirana ku inze, nokugumira lilagana lyange nokuli kola, kali yavo ava kungwa ni va veye ku luvega lwekiheri kyeligulu, nda va vungidza kutwula ha va veye nokuvaleta ha ntovoye, nduke kuvika ho lieta lyange.

Ayubu 42:10

Na Yahova ya girunkanya ubuhambe bwa Ayubu, lwa ya saalira avalina veve: Yahova ya ha Ayubu hali kaviri kuvita vya ya li navyo ku matsyambiri.

Zaburi 107:3

Nokuvavungidza kutwula mu vivala vyosi, Kutwula ivugwe na madioli, Na kasikasini na kusini.

Zaburi 147:2

Yahova yombakanga Yerusalemi; A vungidzanga ava salanywa va Israeli.

Isaya 27:12

Na ga la va mu lidiku yilyo, Yahova a la hula amakuyu galyo kutwula ku kisenukiru kyo Mugera kuduka ku mugera gwa Egepeti; na mu la vungidzwa sa mulala, O mwinye avana va Israeli.

Isaya 43:5

U ta tia mba; kigira inze mbeye halala nive: nda leta kisukululwi kikyo ki twule ivugwe, na nda ku vungidza kutwula madioli;

Isaya 54:7

Ku idakika inkekeke nda ku leka; navutswa ku tsimbabasi tsinene tsyemihiga nemihiga nda ku vungidza.

Isaya 56:8

Yahova Nyasaye wa vungidza halala yavo avatebwa va Israeli, a vola, Halala na yaga nda vungidza avandu kuye, ukuvita yavo aveve va vungidzwa.

Jeremia 12:14

Yahova a vola ndi ku vakye vange vadamano vosi, ava diranga miyandu gya nda ha vandu vange Israeli kugumira: Henza, nda viha va twule mu kivala kyavo, kandi ndiha inyumba ya Yuda i twule hagati havo.

Jeremia 23:3

Na nda vungidza li tigala lyekyavo kyange kutwula vivala vyosi ha mba hili, na nda va leta kandi mu kego kyavo, na va livulana nokumedeka.

Jeremia 29:14

Kandi nda nyoleka ku mwinye, Yahova a vola, nda girunkannya ubuhambe bwenyu, nda vungidza mwinye, mu twule mu tsihiri yitsyo tsyosi, nokutwula hosi ha nda mwadikidzira, Yahova a vola; nda mu leta kandi ha nda mu kola kutwula ho kuhilwa mbuhambe.

Jeremia 31:10

Mu hulire likuva lya Yahova O mwinye avetsihiri tsyosi, nokulilandidza mu visulu vye ihale; mu vole, Uyu wa salannya Israeli a la mu vungidza, nokumulinda, kuli mwayi a lindanga kyayo kikye.

Lisyoma lya Jeremia 3:22

Ga veye ku tsimbabasi tsya Yahova tsi kiranga ni ku vula kuheridzwa, kigira tsimbabasi tsi tsye si tsi gehanga mba.

Lisyoma lya Jeremia 3:32

Kigira kali na a vereridza, naye kandi a la vera kuli ubunene bwetsimbabasi tsitsye.

Ezekieli 11:17

Kunangwa, u vole, Mwami Nyasaye a vola ndi: Nda mu vungidza mu twule mu avandu, nda mu vugannya halala mu twule mu vivala vya mwa salannywa mu, na nda mu ha kivala yiki kya Israeli.

Ezekieli 36:24

Kigira nda vugula mwinye hagati hetsihiri, na nda mu vungidza kutwula mu vivala vyosi, na nda mu leta mu kivala kyenyu avene.

Ezekieli 39:28

Navo va la manya inze mbeye Yahova Nyasaye wavo, kigira nda vadikidza va tsie mbutugwa hagati hetsihiri, kandi mmali kuvavungidza virane mu kivala kyavo; si nda leka yo mulala kuvo kandi mba;

Mika 7:19

A lirana nokukuvererera; a la duvagira ubudamano bwetu isi wevirenge; na u la syuva ubwoni bwavo bwosi mu luliva lweinyanza.

Zekaria 10:9

Nda va midza hagati ha avandu; na va lidzulitsa inze mu vivala vyehale; na va la menya halala na avana vavo, na va la galuka.

Varumi 11:23

Navo kandi ni va ta menya mu livula kusuuvira lyavo, va la hambanywa: kigira Nyasaye a nyala kuvahambannya kandi.

Varumi 11:26

ndiyo Israeli yosi i la honnywa: kuli wa ga ng'odwa, Muhonnyi a la twula Zioni A la twulidza ku Yakobo livula kutia Nyasaye:

Varumi 11:31

na ndiya kandi kalunu yava va vula kutia, ku liverererwa lyenyu navo va duke kuverererwa.

Kwidzulitsa 13:17

Si ki la handa ku mukono gugwo kindu ku vyosi kya laamwa; Yahova a girunkane kutwula ku ubululu bwobutima bwibwe, a ku vererere, a ku kolere tsimbabasi, na a ku kole kuva avanyingi, kuli yesuhira avaguga vovo;

Kwidzulitsa 4:27

Na Yahova a la mu salannya hagati ha avandu, na mu la tigala vakekeke livalidzwa lyenyu hagati hetsihiri, ha Yahova a la mu hila.