Kwidzulitsa 26:8 - KITABU KITAKATIFU

⁸ na Yahova ya ku twulidza Egepeti nomukono gwetsingulu, nomukono gwanyirika, nelitihidza linyingi, nelilolekidza, nevyokugennya;

Kwidzulitsa 26:8 Iomraidhean Croise

Kutwula 12:37

Na avana va Israeli va tsia lugendo kutwula Ramesese kuduka Sukothu, livalidza lyavo lya li kuli avandu avasatsa tsielfu tsimia tsitano na indala, na avana halala navo.

Kutwula 12:41

Kunangwa, inyinga yemihiga tsimia tsine nemihiga makumi gavaka, kali ku lidiku zana yili, ga duka amahe gosi ga Yahova ga twula mu kivala kya Egepeti.

Kutwula 12:51

Kunangwa lidiku zana yili, Yahova ya twulidza avana va Israeli mu kivala kya Egepeti na amahe gavo.

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 6:6

Kunangwa u volere avana va Israeli, Inze mbeye Yahova, na nda twulidza mwinye mu twule ku misigo gya Avaegepeti, na nda mu honnya ku butugwa bwavo, nda mu boholola nomukono gwa nyirwa, nelikalaga linene:

Isaya 63:12

Uyu wa gendidza mukono gwigwe gwobukumi ku mukono mulungi gwa Musa? Uyu watannya amadzi imbiri wavo a duke kwelombera mwene lieta lyemiihiga nemihiga?

Jeremia 32:21

na wa twulidza avandu vovo Israeli kutwula mu kivala kya Egepeti nevyokulolekidza nevyokugenya nomukono gwetsingulu, nomukono gwa nyirwa, nelitihidza linene;

Kwidzulitsa 34:11

ku vilolekidzu vyosi nevyokugennya, vya Yahova ya mu tuma kukola mu kivala kya Egepeti, ku Farao, no ku vatumekiri veve vosi, noku kivala kikye kyosi,

Kwidzulitsa 34:12

noku mukono gwosi gwetsingulu, nelitihidza lyosi linene, lya Musa ya kola mu tsimoni tsya Israeli vosi.

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Kwidzulitsa 5:15

Na widzulitse wa li mutugwa mu kivala kye Egepeti, na Yahova Nyasaye wowo ya ku twulidza yo nomukono gwetsingulu nomukono gwa nyirika: kunangwa Yahova Nyasaye wowo ya ku laga u gumire lidiku lyelisabato.