Kwidzulitsa 22:9 - KITABU KITAKATIFU

⁹ U ta taga mulimi gugwo gwemizabibu tsingano tsiviri tsyobugutsa, gase makuyu gosi ga lononywa, bugutsa bwa wa taga, nelimedeka lyamazabibu gogo.

Kwidzulitsa 22:9 Iomraidhean Croise

Kyavalevi 19:19

Mu la gumira malago gange. U ta leka mitugu kwivulana netsinyama tsyolugano nolugano: U ta midza mu mulimi gugwo bugutsa ku tsing'ano tsiviri: kandi u tivika ingubo yetsing'ano tsiviri tsyatsukanywa halala.

Matayo 6:24

Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

Matayo 9:16

Ka ndi si ha veye nomundu u nava kilave kyengubo imbisi kungubo i kunguhi; kigira yikyo kya vikwa kuhanera ki tandula i kunguhi, kunangwa litandula li daswa.

Varumi 11:6

Navutswa ni li va ni li veye ku tsimbabasi, si li veye ku likola kandi: ni ga va ndiyo tsimbabasi si tsi veye tsimbabasi kandi.

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

Kwidzulitsa 22:8

Lwa wombaka inyumba impya, u lombe lugaga ku, gase u la leta kisahi kuduka ku inyumba yoyo, mundu na a va ni yaguluka.

Yakobo 3:10

ligasidza nelilaama li twula ku munwa mulala. Avamitu, si bu li bulahi vindu yivi vi ve ndiyo.