Kwidzulitsa 20:1 - KITABU KITAKATIFU

¹ Lwa u twula kutsia mbulwani navasigu vovo, nokulola tsiparasi, namagari, navandu vanyingi kuvita ive, u ta va tia mba; kigira Yahova Nyasaye wowo a veye halala nive, wa kwanegeridza kutwula mkivala kya Egepeti.

Kwidzulitsa 20:1 Iomraidhean Croise

Litanga 26:3

wikale mu kivala yiki, na inze nda va halala nive, na nda ku gasidza kigira nda ha ive na kisukululwi kikyo, vivala yivi vyosi, kandi nda singeridza lyesuha lyange lwa ndisuhira Abrahamu dada wowo;

2 Kyetsinyinga 14:10

Hene yaho Asa ya tsia kuye, ni va singeridza ubulwani mivona lya Zefatha ha Meresha.

2 Kyetsinyinga 14:11

Na Asa yanira Yahova Nyasaye wewe, na a vola, Yahova, si ha veye nowundi u nyala kukonya navutswa ive, hagati ha uyu u veye wetsingulu, na uyu u ta li wetsingulu: u ku konye, O Yahova Nyasaye wetu; kigira kwese demi ku ive, kandi ku twuliye kiduma yiki nelieta lilyo. O Yahova, ni ive Nyasaye wetu; mundu a ta guuta ive mba.

2 Kyetsinyinga 20:12

O Nyasaye wetu, si u la kalaga kuvo? Kigira kwinye si ku veye nobunyali ku kiduma yiki kinene kidzanga ku kwinye; kandi si ku ma nya kya ku kola: navutswa tsimoni tsyetu tsi veye ku ive.

2 Kyetsinyinga 20:15

na a va volera, Mu hulire, mwinye Vayuda vosi, na ava menya Yerusalemi, na ive mwami Jehoshafatu: Yahova a mu volera yaga, Mu ta tia mba, kandi mu ta kudza mwoyo kigira kiduma kinene yiki; kigira ubulwani si bu veye bwenyu, navutswa bu veye bwa Nyasaye.

Zaburi 118:6

Yahova a veye halala ninze; si nda tia mba: Mundu a nyala kunkolera ki?

Zaburi 20:7

Avalala va suuvira magari, navalala va suuvira tsiparasi; Navutswa kwinye ku la tala lieta lya Yahova Nyasaye wetu.

Zaburi 23:4

Yee, ni mbe kugenda mu kivanda kyekiriri kyelikudza, Si nda tia kivi; kigira u veye ninze halala; Impimbo yoyo na lusala lulwo tsi nkiring'annya.

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:7

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Zaburi 46:8

Udze, u lole vikolwa vya Yahova, Kuli a kolanga ubwoneku mu lirova.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Isaya 41:10

u ta tia mba, kigira mbeye halala na ive; u ta genya mba, kigira mbeye Nyasaye wowo; nda ku vika tsingulu; yee, nda ku konya; yee, nda ku gu mira nomukono mulungi gwobulungi bwange.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Jeremia 16:14

Kigira yaga, henza, madiku gadza Yahova a vola, mmadiku gene yago iikuva yili si li la volwa kandi mba, Kuli Yahova a veve mwoyo, wa leta avana va Israeli kwanegira kutwula mu kivala kya Egepeti;

Zekaria 10:5

Na va la va kuli avobunyali, va duvaga vasigu vavo mbudohi bwoku mahasi mbulwani; va la lwana kigira Yahova a veye halala navo; navo ava nina ku tsiparasi va la genya.

Livalidza 10:9

Na lwa mu tsia mu bulwani mu kivala kyenyu ku avasigu venyu ava mu dambidza, hene yaho mu la kupa mwoyo gwelivukidza nevisiliva; na mu lidzulitswa imbiri wa Yahova Nyasaye wenyu, na mu la honywa ku avasigu venyu.

Livalidza 23:21

Si a loli ubudamano mu Yakobo; Kandi si a loli ubukyamu mu Israeli: Yahova Nyasaye wewe a veye halala naye, Na lihanzuka lyomwami li veye hagati havo.

Varumi 8:31

Kunangwa ku vola ndi ku vindu yivi? Nyasaye na a reve ku luvega lwetu, ibwaha a veye musigu wetu?

Kwidzulitsa 1:29

Hene yaho nda mu volera, Mu ta va nobutii, kinga mu ta va tia.

Kwidzulitsa 2:7

Kigira Yahova Nyasaye wowo u ku gasidzi mmiyinzi gyosi gyamakono gogo; ya manya ligenda lilyo mu kyangalangwi kinene yiki: mihiga makumi gane yigyi Yahova Nyasaye wowo ya li halala nive; si wa daka kindu.

Kwidzulitsa 20:2

Na ga la va, lwa mwisunda ku bulwani, umusalisi yesunde himbi, nokuvolera vandu,

Kwidzulitsa 20:3

a va volere, Mu hulire, O Israeli lero mwisundanga ku bulwani ku vasigu venyu: myoyo genyu gyi ta kudza mba; mu ta tia mba, mu ta degera mba, kandi mu ta timuka inkolo kigira yavo mba;

Kwidzulitsa 31:6

Mu ve avagulu navaluviriri, mu ta va nobutii, kandi mu ta va tia: kigira Yahova Nyasaye wowo, niye u tsitsanga halala nive; si a la ku gehera, kandi si a la ku leka mba.

Kwidzulitsa 31:8

Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.

Kwidzulitsa 7:1

Lwa Yahova Nyasaye wowo a ku leta mu kivala kya u tsitsanga kukigumira, nokukunga tsihiri tsinyingi imbiri wowo, Vahiti, na Vagirigashi, na Vaamori, na Vakanani, na Vaperizi, na Muhivi na Vajebusi, tsihiri tsitano na tsiviri tsinene tsyetsingulu kuvita ive;

Kwidzulitsa 7:18

U ta va tia mba: widzulitse ligali Yahova Nyasaye wowo, kuli ya kola Farao, na Egepeti yosi;

Kwidzulitsa 7:21

U ta va tia mba; kigira Yahova Nyasaye wowo a veye hagati hoho, Nyasaye munene welitihidza.

Kwidzulitsa 9:3

Kunangwa u manye lidiku lya lero, Yahova Nyasaye wowo niye wimirira kwambuka imbiri wowo kuli muliru gu sambanga; a la va dividza, kandi a la va gehidza imbiri wowo: na ndiyo u la va kunga, na u la va dividza bwangu, kuli Yahova ya ku volera.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 11:9

Na Joshua ya va kolera kuli Yahova ya mu laga, ya kalaga amaki getsiparasi tsyavo, na magari gavo va samba nomuliru.

Vakalagi 6:12

Na ingelosi wa Yahova ya loleka kuye, na a mu volera, Yahova a veye halala nive, ive wetsingulu nobuluviriri.

Vakalagi 6:16

Yahova ya mu volera, Ligali inze nda va halala nive, na u la kuya Vamidiani kuli umundu mulala.

1 Samweli 17:32

Na Daudi ya volera Saulo, Ku vosi mundu a ta kudza mwoyo mba kigira uyu; inze mutumekiri wowo nda tsia kulwana no Mufilisiti uyu.