Kwidzulitsa 2:7 - KITABU KITAKATIFU

⁷ Kigira Yahova Nyasaye wowo u ku gasidzi mmiyinzi gyosi gyamakono gogo; ya manya ligenda lilyo mu kyangalangwi kinene yiki: mihiga makumi gane yigyi Yahova Nyasaye wowo ya li halala nive; si wa daka kindu.

Kwidzulitsa 2:7 Iomraidhean Croise

Litanga 12:2

na nda kola Ive u ve ihiri inene, na nda ku gasidza, na nda kola lieta lilyo li ve linenena ive u ve ubugasu:

Litanga 24:35

Na Yahova u gasidzi mwami wange ligali, naye u duki kuva munene ligali: kandi u mu heye imitugu gyamagondi na tsing'ombe, na ifetha, na thahabu, na vatugwa vayai, na vatugwa vakana, na tsing'amia, na tsisukiri.

Litanga 26:12

Na Isaka ya taga mulimi mu kivala zana, na a gesa ku muhiga yigwo kilala kya leta mia: na Yahova ya mu gasidza.

Litanga 30:27

Na Labani ya mu volera, Ni mba ni nyoye tsimbabasi imbiri wowo, u menye: kigira ndoli Yahova u ngasidzi kigira ive.

Litanga 39:3

Na mwami wewe ya lola Yahova a veye halala naye, na Yahova ya gasidza vyosi vya li mu makono gege.

Litanga 39:5

Kunangwa kutwula inyinga ya ya mu kola mulindi wenyumba yeye, kandi wevindu vyosi vya ya li navyo, Yahova ya gasidza inyumba ya Muegepeti kigira Yosefa; na ubugasu bwa Yahova bwa li ku vyosi vya ya li navyo, mu inyumba nomu mulimi.

Nehemia 9:21

Yee ku mihiga makumi gane wa va dukidza mu kyangalangwi, si va gehera kindu kali kilala mba; tsingubo tsyavo si tsya kunguha mba, netsi nduvatiru tsyavo si tsya vimba mba.

Ayubu 23:10

Navutswa a manya inzira ya ntsitsa ku; Na a mali kungeridza nda twula kuli ithahabu.

Zaburi 1:6

Kigira Yahova a manya inzira ya avalungi; Navutswa inzira ya avoni i la diva.

Zaburi 107:4

Va gendagenda mwigendanyama, inzira yekyangalangwi; Si va nyola lidala lyokumenya mu;

Zaburi 31:7

Nda yanza nokusangalira mu tsi mbabasi tsyobuyanzi bubwo; Kigira ive u loli lidambidzwa lyange: Ive u manyi mwoyo gwange mu kivi kyagwo;

Zaburi 90:17

Na ubulahi bwo Mwami Nyasaye wetu bu ve ku kwinye; Na u singeridze miyinzi gyamakono getu ku kwinye; Yee, miyinzi gyamakono getu u gyi singeridze.

Kutwula 16:35

Na avana va Israeli va lagira mana mihiga makumi gane, kuduka inyinga va duka mu kivala ki veye navandu; va lagira mana, kuduka inyinga ya vingira mu tsinzako tsye kivala kya Kanani.

Jeremia 2:2

Tsia, u hanzuke mu amatu ga Yerusalemi, kuvola, Yahova a volanga he, Ndzi dzulitsanga ku makuva gogo amalahi agobusoleli bubwo, nobuyanzi bweli kwebwa lilyo; kuli wa nonda mu kyangalangwi, mu kivala ki ta tagangwa mu ubugutsa.

Hosea 13:5

Nda ku manyira mwigendanyama, mu kivala kyobulu hu bunene.

Amosi 2:10

Kandi nda mwanegeridza kutwula Egepeti, na nda mwimirira mihiga makumi gane mwigendanyama, mu duke kugumira kivala kya Vaamori.

Livalidza 1:1

Na Yahova ya volera Musa mu kyangalangwi kya Sinai, mu lihema lyokuvuganira mu, ku lidiku lyokutanga mweli gwa kaviri, mu muhiga gwa kaviri inyima wokutwula mu kivala kya Egepeti, na a vola,

Livalidza 14:33

Na avana venyu va la va avavavi mu kyangalangwi mihiga makumi gane, na va la ginga musigo gwobuheyi bwenyu, kuduka mibiri mikudzu gyenyu gyi la diva mu kyangalangwi.

Livalidza 14:34

Kuli livalidza lyamadiku ga va luta kivala, kali madiku makumi gane, lidiku lilala li volangwa kuva muhiga, mu la ginga ubudamano bwenyu, mihiga makumi gane, na mu la manya lyononya lyelilagana lyange.

Livalidza 22:12

Na Nyasaye ya volera Balaam, U ta tsia halala navo, u ta laama avandu yava; kigira va gasidzeywi.

Livalidza 32:13

Na ubutima bwa Yahova bwaaka ku Israeli, na a va kola kugendagenda yiyi na yiyi mu kyangalangwi tsinyinga tsyemihiga makumi gane, kuduka likula yili lyosi lya kola ubwoni imbiri wa Yahova, lya dividzwa.

Luka 22:35

Kandi ya va volera, Lwa nda mu tuma kutsia bugira isyaho nemuya, nevilatu, mwa daka kindu? Navo va mu volera, Auwa.

Yohana 10:27

Magondi gange ga hulira mwoyo gwange, kandi inze nga manya, kandi ga nonda:

Kwidzulitsa 1:19

Ma kwa samula kutwula Horebu, ni ku vita hagati he kyangalangwi kinene yikyo kyosi kyokutihidza kya mwa lola, ku inzira yekivala kyevigulu kya Vaamori, kuli Yahova Nyasaye wetu ya ku laga; kwa duka Kadesh-barnea.

Kwidzulitsa 1:46

Kunangwa mwa menya Kadesh madiku manyingi, kuli madiku ga mwa menya yo.

Kwidzulitsa 2:14

Namadiku ga kwa tsitsanga kutwula Kadesh-barnea, kuduka lwa kwambuka mugera gwa Zeredi, ga li mihiga makumi gavaka na gyitano na gyivaka; kuduka likula lyosi lyavasatsa avelihe lya dividzwa, kuli Yahova ya visuhira.

Kwidzulitsa 2:6

Mu la gula kuvo vyokulia nefetha yenyu, mu duke kulia; namadzi mu la gula kuvo nefetha yenyu, mu duke kunwa.

Kwidzulitsa 29:4

navutswa Yahova si ya mu ha mwoyo kumanya, kinga tsimoni kulola, kinga amatu kuhulira, kuduka lero.

Kwidzulitsa 29:5

Na inze nda mwimirira mihiga makumi gane mu kyangalangwi: tsingubo tsyenyu si tsya kunguha ku mwinye mba, kinga kilatu kikyo si kya kunguha mu kirenge kikyo.

Joshua 5:6

Kigira avana va Israeli va genda mihiga makumi gane mu kyangalangwi, kuduka ihiri yosi, avandu vasatsa va tsitsanga mu lihe ava twula Egepeti, va li va mala kudiva, kigira si va hulira mwoyo gwa Yahova: navo nivo ava Yahova yisuhira si a la va leka va duke kulola kivala kya Yahova yisuhira vaguga vavo a la ku ha, kivala ki gangulukanga amaveere nobwuki.