Kwidzulitsa 18:2 - KITABU KITAKATIFU

² Va ta va nemiyandu hagati ha vamwavo vavo: Yahova niye miyandu gyavo, kuli ya va volera.

Kwidzulitsa 18:2 Iomraidhean Croise

Litanga 15:1

Inyima wevindu yivi likuva lya Yahova lya duka ku Abram mu malola, kuvola, U ta tia, Abram: Inze mbeye inkingiru yoyo, na madanyi gogo manene ligali.

Zaburi 119:57

Yahova a veye kidieli kyange: Mboye nda gumira makuva gogo

Zaburi 16:5

Yahova a veye kidieli kyemiyandu kyange, na kye kisanda kyange: Ive u lindanga vindu vyange.

Zaburi 84:11

Yahova Nyasaye a veye liuva na ingavo: Yahova a la haana tsimbabasi na ubukumi Si a la vima kindu kilahi, yava ava gendanga mbulungi.

Isaya 61:6

Navu tswa mwinye mu la langwa avasalisi va Yahova; avandu va la langa mwi nye avatumekiri va Nyasaye wetu: mu la lia ubutugi bwa vetsihiri, rnu leyidzominya nobukumi bwavo.

Lisyoma lya Jeremia 3:24

Yahova a veye kidieli kyange mwoyo gwange gu vola, kigira yaga nda suuvira kuye.

Ezekieli 44:28

Na va la va nemiyandu: inze mbeye miyandu gyavo; mu la vula kuvaha miyandu mu Israeli; inze mbeye miyandu gyavo.

Livalidza 18:20

Na Yahova ya volera Haruni, Ive u la vula kuva nemiyandu mu kivala kyavo, kandi u la vula kuva nekidieli kali kilala muvo: inze mbeye kidieli kikyo na miyandu gyigyo mu avana va Israeli.

Livalidza 18:7

Na ive na avana vovo halala na ive mu la linda ubusalisi bwenyu ku Vindu vyobwali sa kilala, kandi ku yikyo ki veye musi mwengubo yokukinga; na mu la tumika: inze mmali kumuha ubusalisi kuva ubutumiki bwekihaanwa: na mugeni wesunda himbi a liitwa.

Kwidzulitsa 10:9

Kigira yaga Levi u vuli kuva nekidieli kinga miyandu halala navamwavo veve; Yahova niye miyandu gyigye, kuli Yahova Nyasaye wowo ya mu volera.)

Joshua 13:14

Navutswa si ya haana ku ihiri ya Levi miyandu kali mulala; vihaanwa vya Yahova, Nyasaye wa Israeli, vya lombwa nomuliru vi veye miyandu gyigye, kuli ya mbolera.

1 Petro 2:5

kandi mwinye, kuli amagina ga veye mwoyo, mwombakeywi kuva inyumba ya roho, kuva ubusalisi butakatifu, mu haane visyuviriru vya roho, vi bugirirangwa ku Nyasaye kigira Yesu Kristo.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: