Kwidzulitsa 14:2 - KITABU KITAKATIFU

² Kigira u veye ihiri intakatifu ku Yahova Nyasaye wowo, na Yahova ya ku tovola kuva ihiri yahulwa kuva yeye, kuvita tsihiri tsyosi tsi veye ku lirova.

Kwidzulitsa 14:2 Iomraidhean Croise

Ezara 9:2

Kigira va vugula avakana vavo kuva avakali vavo navakali vavana vavo, kali kuduka yava ava veye kisukululwi kitakatifu vetsugannyi avene navandu vevivala yivyo: yee, na makono gavanene, navo avamehi gimiriye mu mahyolo yaga.

Isaya 41:9

ive wa ng'umiye kutwulaku tsindulu tsyelirova, nokukulanga kutwula ku tsikona tsyalyo nokukuvolera, Ive u veye mutumekiri wange inze nku tovoye na si nku syuvi mba,

Isaya 6:13

Navutswa ni ki nyoleka kidieli kyelikumi mu kivala, ki la libwa kandi: kuli muvinde, na kuli mugandi gwekitinya kyagwo kya tigala, ha gwa temwani ndiyo kisukululwi kitakatifu ki veye kitinya muvo.

Isaya 62:12

Na va la va langa Avandu vata katifu, Ava Yahova ya tungira: na ive u la langwa Wenyangwa, Lidala li vula kulekwa.

Jeremia 2:3

Israeli va li vata katifu ku Yahova, ubuhya bwelimedeka lilye: vosi ava li mu mira va la validzwakuva ne lihyolo; budamano bu la duka kuvo, Yahova a vola.

Ezekieli 21:2

Ive mwana womundu, u henzidze mmoni mumwo ku luvega lwa Yerusalemi, u tsome likuva lilyo ku luvega lwa hatakatifu, u profete ku kivala kya Israeli;

Danyeli 12:7

Kandi nda hulira mundu wevika ingubo yekatani wa li ku madzi gomugera igulu, lwa ya ginga mukono gwigwe mulungi, nomukono mmosi kugyihenzidza migulu, nokwisuha ku uyu u veye mwoyo mihiga nemihiga, ha la va nenyinga, netsinyinga, ne nusu yenyinga; kandi lwa va male kudonyannya vidonye tsingulu tsyavandu avatakatifu, vindu yivi vyosi vi la twekidzwa.

Danyeli 8:24

Na tsingulu tsitsye tsi la va tsinene ligali, navutswa si tsi la va netsingulu tsitsye mwene; na a la dividza neligennya, na a la menya bulahi nokukola ubulaliri buibwe; kandi a la dividza avetsingulu na avandu vatakatifu.

Kyavalevi 11:45

Kigira inze mbeye Yahova wa mwanegiridza kutwula mu kivala kya Egepeti, nduke kuva Nyasaye wenyu: kunangwa mu la va avatakatifu, kigira inze mbeye mutakatifu.

Kyavalevi 19:2

U volere livugana lyosi lya avana va Israeli, nokuvavolera, Mu ve avatakatifu; kigira inze Yahova Nyasaye wenyu mbeye mutakatifu.

Kyavalevi 20:24

Navutswa mmu voleve, Kivala kyavo ki la va miyandu gyenyu, na nda mu ha kivala kizula amaveere nobwuki kuva kyenyu: inze mbeye Yahova Nyasaye wenyu, wa mwahula ku tsihiri.

Kyavalevi 20:26

Na mwinye mu la va avatakatifu vange: kigira inze, Yahova mbeye mutakatifu, wa mu twulidza mu tsihiri, mu duke kuva avange.

Varumi 12:1

Kunangwa mmu goonya ligali avamitu, kigira tsimbabasi tsya Nyasaye, mu haane mibiri gyenyt gyi ve isadaka i veye mwoyo, kand intakatifu, kandi i yanzidza Nyasaye yibu nibwo ubutumiki bwenyu bwo bugeeri.

Kwidzulitsa 14:21

Mu ta lia ikindu kyekudziye kyene mba u nyala kuha mugeni u veye mu kiribwa kikyo, a lie; kinga kugulidza mugeni: kigira u veye ihiri intakatifu ku Yahova Nyasaye wowo. U ta dekera kimeme mmaveere ga nnya.

Kwidzulitsa 28:9

Yahova a la ku kola kuva ihiri imakatifu kuye, kuli ya kwisuhira; nu u va nu u gumira malago ga Yahova Nyasaye wowo, nokugenda mu tsinzira tsitsye.

Kwidzulitsa 33:3

Ligali a yanza tsihiri tsyavandu; Avatakatifu veve vosi va veye mmukono gugwo; Navo vikala ha virenge vivyo; Sa mulala va la vugula amakuva gogo.

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Kwidzulitsa 7:6

Kigira ive u veye ihiri intakatifu ku Yahova Nyasaye wowo: Yahova i Nyasaye wowo ya ku tovola u ve ihiri yahulwa i ve yeye, kuvita avandu vosi ava veye ku lirova.

Kwidzulitsa 7:7

Yahova si ya vika ubuyanzi bwibwe ku mwinye, kinga si ya mu tovola, kigira mwa vita ihiri yindi ku tsyosi nobunyingi; kigira mwa li vakekeke kuvita avandu vosi:

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

1 Petro 2:9

Navutswa mwinye mu veye likula li tovoleywi ubusalisi bwobwami, ihiri intakatifu, avandu va veye ava Nyasaye mwene mu duke kulang'aminya ubulahi bwibwe, uyu wa mu langa mu twule mu kisundi mu duke mu bulavu bwibwe obweligenya: