Kwidzulitsa 13:6 - KITABU KITAKATIFU

⁶ Ni i va amwavo wowo, mwana wa mama wowo, kinga mwana wowo muyai, kinga mukana, kinga mukali womukiritu kikyo, kinga mulina wowo, u veye kuli mwoyo gugwo, na a ku goonya makiriri, na a ku volera, Genda ku tsie kusigamira avanyasaye a v andi, ava u ta manya, ive, kinga vaguga vovo;

Kwidzulitsa 13:6 Iomraidhean Croise

Litanga 16:5

Na Sarai ya volera Abram, Lihyolo lyange li ve ku ive: nda ku ha mukana mutugwa wange, nokumbika mkiritu kikyo; na lwa ya lola u vereki, ndegwa mu tsimoni tsitsye: Yahova a kalage hagati hange nive.

2 Samweli 1:26

Inze mbeye nobuvereri bunene kigira ive, Jonathan amitu wange: Ive wa nyanzidza ligali: Ubuyanzi bubwo bwa wa li bwokugenya, Bwa vita ubuyanzi bwa vakali va yanzanga.

1 Avami 18:40

Elija ya va volera, Mu gumire avaprofeti va Baal; mu ta leka a hone kali mulala mba. Navo va va gumira, na Elija ya va sulungutidza kuduka ku mugera gwa Kishon, na a viitira yo.

2 Avami 11:18

Na vandu vosi vekivala va tsia ku inyumba ya Baal, na va gi sambula; nobwali bwibwe bwosi, nevifwananyi vivye va vyatanya ligali, ni viitira Matan musalisi wa Baal imbiri wo bwali. Kandi musalisi ya vika avanene ku inyumba ya Yahova.

2 Kyetsinyinga 15:13

noku vosi wa vula kwenya Yahova, Nyasaye wa Israeli, kwiitwa, kutwula ku muke kuduka ku munene, na a va musatsa na a va mukali.

2 Kyetsinyinga 23:17

Navandu vosi va tsia ku inyumba ya Baal, ni va gi sambula va sambula kandi bwali bwibwe nevi fwananyi vivye va vi donyannya, na viita Matan musalisi wa Baal imbiri wobwali.

Ayubu 31:27

Nomwoyo gwange gu goonyangwa makiriri, Neminwa gyange gyi busanga mukono gwange:

Kutwula 13:3

Na Musa ya volera avandu Mwidzulitse lidiku yili lya mwa twula mu kivala kya Egepeti, ku inyumba yobutugwa; kigira Yahova ya mu twulidza hano netsingulu tsyomukono gwigwe: mu ta lagira ubukima bwa mamera.

Kutwula 32:27

Na a va volera, Yahova, Nyasaye wa Israeli a vola ndi, Mwebohe sa mulala kivavi kikye mu kikenge kikye, na mu vite yiyi na yiyi kutwula ku kiribwa yiki kuduka mu kiribwa kindi hagati hokusosa, na mwiite sa mulala amwavo wewe, na sa mulala wakye wewe, na sa mulala mutende w ewe.

Tsing'ano 18:24

Uyu welomberanga avalina vanyingi a kola ku budivi bwibwe mwene; Navutswa a veye ho mulina u hambana kuvita amwavo.

Tsing'ano 5:20

Kigira ki, mwana wange, u gota inzira halala nomukali mugeni, Nokukumberera kiritu kyornugeni?

Jeremia 28:15

Hene yaho muprofeti Jeremia ya volera Hanania muprofeti, Hulira kalunu, ive Hanania; Yahova si ya tuma ive mba: navutswa ive u suuviridzanga avandu yava va suuvire ububehi.

Jeremia 28:16

Kunangwa, kigi ra yaga Yahova a vola, Henza, nda ku twulidza mu mmoni mwelirova; mmuhiga yigu u la kudza, kigira wa vola likuva lyokwebaala ku Yahova.

Jeremia 44:3

kigira ubudamano bwavo bwa va kola ku mbihiriridza, mu litsia lyavo kuvuyidza vimuli, nokutumekira ava nyasaye vandi, ava va vula kumanya, yavo, kinga mwinye, kinga vaguga venyu.

Zekaria 13:3

Kandi ga la duka ku vosi u profeta, hene yaho dada wewe na mama wewe ava mwivula va la mu volera, Ive si u la va mwoyo mba; kigira u voye makuva gobubehi ku lieta lya Yahova: na dada wewe na mama wewe va mwi vula va la mu tumita lwa a profeta.

2 Vakorintho 5:16

Kunangwa kutwula kalunu kwinye si ku manya mundu kali mulala ku lugano lwomubiri: kali kwa manya Kristo ku lugano lwomubiri, navu tswa kalunu si ku mu manya kandi ndiyo.

Vagalatia 2:4

navutswa kigira avamitu vobubehi ava letwa makiriri, avingira makiriri kuluta libohololwa lyetu lya ku veye nalyo mu Kristo Yesu, va duke kukuvika mu butugwa:

Vafeso 4:14

ku ta va kandi avana vadoto ava viting'anywa yiyi neyiyi nokuvodonkanywa netsimbuudza tsyosi tsyamegidzo, ku busegetiri bwavandu mu bugeeri bwobugadi, ku lilonda ubugadi bwobugotidzi.

Kwidzulitsa 11:32

Mu henze mu kole miima nelikalaga lyosi lya mbikanga imbili wenyu lero.

Kwidzulitsa 13:2

ne ki loleka kilolekidzu kinga kyokugennya kya ya ku volera, na a vola, Genda ku londe avanyasaye vandi, ava u ta manya, ku va tumekire;

Kwidzulitsa 13:7

mu vanyasaye avetsihiri tsi kumbiridza mwinye, tsi veye himbi ku ive, kinga ihale ku ive, kutwula kiheri kilala kyelirova kuduka ku kiheri kindi kyelirova;

Kwidzulitsa 17:12

Nomundu u kolanga lihindageridza, kuvula kuhulira musalisi u singiranga kutumekira Yahova Nyasaye wowo, kinga mukalagi, mundu uyu a kudze: na u la twulidza ubudamano mu Israeli.

Kwidzulitsa 18:20

Navutswa mprofeti, u vola kindu ku lihindageridza ku lieta lyange, vya nda vula kumulaga kuvola, kinga u vola ku lyeta lya vanyasaye vandi, muprofeti uyu a kudze.

Kwidzulitsa 19:19

hene yaho mu mu kolere, kuli ya ganagana kukolera amwavo wewe; ni ndiyo u la twulidza ubudamano hagati hoho.

Kwidzulitsa 21:21

Navasatsa vosi avelidala lilye va mu lase magina, a duke kukudza: na ndiyo u twulidze ubudamano hagati hoho; na Israeli vosi va hulire, va tie.

Kwidzulitsa 22:21

va hile mukana zana ha kiliango kyenyu mba ya dada wewe, navasatsa velidala lilye va mu lase magina a kudze, kigira ya kola busiru mu Israeli, ku likolera ubuheyi mu inyumba ya dada wewe: na ndiyo u la twulidza ubudamano hagati hoho.

Kwidzulitsa 24:7

Mundu na a va na a nyolererwa ni yivanga mulala ku vamwavo veve mu avana va Israeli, kumukola kuli mutugwa, kinga kumugulidza; mwivi uyu a kudze: na ndiyo u la twulidza ubudamano hagati hoho.

Kwidzulitsa 28:54

Musatsa hagati henyu u veye muyesereru, nomusiyeku, imoni yeye i la va indamano ku amwavo wewe, noku mukali womu kiritu kikye, noku vatigala ku avana veve avatigala naye;

Kwidzulitsa 29:18

gase ha la va nomundu hagati henyu musatsa, kinga mukali, kinga venyumba, kinga ihiri, womwoyo gwigwe gu girunkana lero kutwula ku Yahova Nyasaye wetu, kutsia kutumekira avanyasaye vetsihiri yitsyo; gase ki la va hagati henyu kitinya kivulanga ubululu nabisintho,

Kwidzulitsa 8:14

hene yaho mwoyo gugwo gu liginga, na u livirira Yahova Nyasaye wowo, wa ku twulidza mkivala kya Egepeti, mu inyumba yobutugwa;

Vakolosai 2:4

Mbola yaga ku vosi, mundu kali mulala a ta duka kumugada namakuva madoto.

Joshua 7:13

Vuka, u takase avandu, u va volere, Mwetakase avene ku mugamba: kigira Yahova, uyu Nyasaye wa Israeli, a vola, Ha veye nekindu kya gimwa hagati hoho, O Israeli; si u nyala kusingira imbiri wavasigu vovo, kuduka lwa mu twulidza kindu kya gimwa ki twule hagati henyu.

2 Petro 2:1

Navutswa kandi va singira avaprofeti avobubehi va twula mu vandu, kuli ndiyo va la va ho mu mwinye avegidzi vobubehi, ava li leta kalaha lyekala vidieli vyobugotidzi ni vambakana Mwami wa va gula nokweletera avene ubudivi bwa bwangu.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 20:3

nokumuvika mu bogo, na a bu kunika, na a vika kuye muhuri, a vule kugada tsihiri kandi kuduka mihiga elfu gyi fweye: inyima wagyo ga mu dukira a bohololwe inyinga inkekeke.

Vakalagi 10:6

Navana va Israeli va kola ubudamano kandi imbiri wa Yahova, na va tumekira Vabaal, na Ashitarothu, navanyasaye va Siria, navanyasaye va Sidone, navanyasaye va Moabu, navanyasaye vavana va Amon, navanyasaye va Vafilisiti; na va leka Yahova, va vula kumutumekira.

Vakalagi 2:13

Na va leka Yahova, ni va tumekira Baal na Ashitarothu.

Vakalagi 20:13

Kunangwa kalunu mu twulidze avandu yava, avadamano, va veye mu Gibea ku duke kuviita, nokutwulidza ubudamano mu Israeli. Navutswa Benjamini si va bugirira kuhulira mwoyo gwavamwavo vavo avana va Israeli.

Vakalagi 5:8

Va tovola avanyasaye avahya; Hene yaho ha li nobulwani ha kiliango: Ingavo kinga litimu vya loleka Mu avandu tsielfu makumi gane tsya Israeli?

1 Samweli 18:1

Na ga duka, lwa ya mala kuvolerana na Saulo, mwoyo gwa Jonathan gwa hambana nomwoyo gwa Daudi, Jonathan ya mu yanza kuli yeyanza mwene.

1 Samweli 18:3

Hene yaho Jonathan na Daudi va lomba lilagana, kigira ya mu yanza kuli yeyanza mwene.

1 Samweli 20:17

Na Jonathan yesuhidza Daudi hali kaviri, kigira ubuyanzi bwa ya mu yanza; kigira ya mu yanza kuli yeyanza mwene.