Kwidzulitsa 13:5 - KITABU KITAKATIFU

⁵ Kandi muprofeti uyu, kinga muloti wamaloto, uyu a liitwa, kigira ya vola agobukyamu ku Yahova Nyasaye wenyu, wa mu twulidza mu kivala kya Egepeti, na a mboholola mu inyumba yobutugwa, a duke kumuhinula ku inzira ya Yahova Nyasaye wowo a ku laga kugenda muyo. Ni ndiyo u la twulidza ubudamano bu twule hagati hoho.

Kwidzulitsa 13:5 Iomraidhean Croise

1 Avami 13:19

Ma yirana halala naye, na a lagira mu inyumba yeye, nokunwa madzi.

1 Avami 18:40

Elija ya va volera, Mu gumire avaprofeti va Baal; mu ta leka a hone kali mulala mba. Navo va va gumira, na Elija ya va sulungutidza kuduka ku mugera gwa Kishon, na a viitira yo.

2 Kyetsinyinga 34:31

Na mwami ya singira mbugono bwibwe, na ya lomba lilagana imbiri wa Yahova, kulonda Yahova inyima wewe, nokugumira lilagana lilye, nelilolekidza lilye, na malago gege, nomwoyo gwigwe gwosi, naroho gwigwe gwosi, nokukola ma kuva gelilagana lya ng'odwa mkitabu yiki.

Jeremia 14:15

Kigira yaga Yahova a vola ku makuva ga vaprofeti va profeta ku lieta Ivange, bugira inze kuvatuma, navutswa va vola, Si ki la va ho kivavi kinga inzala mu kivala yiki: avaprofeti yava va la diva ku kivavi nenzala.

Jeremia 29:32

kigira yaga Yahova a vola, Henza, nda haana mageli ku Shemaia Munehelami, nekisukululwi kikye; si a la va nomundu u menya mu avandu yava, kandi si a la lola ubulahi, bwa ndi kolera avandu vange, Yahova a vola, kigira ya vola bwebaali ku Yahova.

Jeremia 50:6

Avandu vange va li amagondi ga gota: avayi vago va ga gotidzi; ga tsie kugendagenda; va ga girunkannyi ga tsie mu vigulu: ga tsiye kutwula mkigulu kuduka mu kagulu; giviriye hango hago hokusosa.

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Zekaria 13:3

Kandi ga la duka ku vosi u profeta, hene yaho dada wewe na mama wewe ava mwivula va la mu volera, Ive si u la va mwoyo mba; kigira u voye makuva gobubehi ku lieta lya Yahova: na dada wewe na mama wewe va mwi vula va la mu tumita lwa a profeta.

Vikolwa 13:8

Navutswa Elirna, musegetiri (kigira lieta lilye li veye ndiyo kugirunkanywa) ya hangalidzana navo, yenya kutwulidza munyampara ku lisuuvira.

1 Vakorintho 5:13

Navutswa ava veye kyova, Nya saye a va kalagira. Mu twulidze mundu mudamano a twule ku mwinye.

Kwidzulitsa 13:10

U la mu lasa magina a kudze, kigira yenya kukuhinula kutwula ku Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kwidzulitsa 13:15

ligali u kuye avamenyi mu lidala yili nobwogi bwekivavi, kuvadividza ligali, halala na vyosi vi veye mu, ne mitugu gyi veye mu, nobwogi bwekivavi.

Kwidzulitsa 13:9

u mwiite ligali; mukono gugwo gu ve gwokutanga kuye kumwiita, nenyima makono gavandu vosi.

Kwidzulitsa 17:5

hene yaho u lete kyova musatsa uyu kinga mukali uyu, wa kola inkuva imbi yiyi, ha kiribwa kikyo, kuduka musatsa uyu kinga mukali uyu; va laswe magina va duke kukudza.

Kwidzulitsa 17:7

Amakono gavaloli ga tange kuva kuye kumwiita, ma makono gavandu vosi ga londe. U twulidze ndiyo ubudamano hagati hoho.

Kwidzulitsa 18:20

Navutswa mprofeti, u vola kindu ku lihindageridza ku lieta lyange, vya nda vula kumulaga kuvola, kinga u vola ku lyeta lya vanyasaye vandi, muprofeti uyu a kudze.

Kwidzulitsa 19:19

hene yaho mu mu kolere, kuli ya ganagana kukolera amwavo wewe; ni ndiyo u la twulidza ubudamano hagati hoho.

Kwidzulitsa 22:21

va hile mukana zana ha kiliango kyenyu mba ya dada wewe, navasatsa velidala lilye va mu lase magina a kudze, kigira ya kola busiru mu Israeli, ku likolera ubuheyi mu inyumba ya dada wewe: na ndiyo u la twulidza ubudamano hagati hoho.

Kwidzulitsa 22:24

hene yaho mu va hile vombi ha kiribwa kyelidala zana, mu va lase magina, va kudze; mukana, kigira si ya kupa tsikwili, naye a veye mu lidala; nomusatsa, kigira u legannyi mukali womutende; ni ndiyo u la twulidza ubudamano hagati hoho.

Kwidzulitsa 24:7

Mundu na a va na a nyolererwa ni yivanga mulala ku vamwavo veve mu avana va Israeli, kumukola kuli mutugwa, kinga kumugulidza; mwivi uyu a kudze: na ndiyo u la twulidza ubudamano hagati hoho.

Kwidzulitsa 26:14

ku vindu yivi si ndiye ku inyinga lwa nda menya ku mai genga, kinga si nda li haana, ni mbeye nobudamano, kinga si mbaani kigira avakudzu: mbuliye mwoyo gwa Yahova Nyasaye wange, na nkoli kuli gosi ga ive u ndaga.

Kwidzulitsa 4:19

kandi gase u la ginga tsimoni tsitsyo migulu, na inyinga u lola liuva nomweli netsing'ereng'ani, kali lihe lyosi lyomigulu u la gotidzwa na u la vi sigamira, nokuvitumekira, yivi vya Yahova Nyasaye wowo ya gavanya ku tsihiri tsyosi tsi veye isi weligulu lyosi.

Kwidzulitsa 6:13

U tie Yahova Nyasaye wowo; u mu tumekira, na u lisuha ku lieta lilye.

Kwidzulitsa 7:4

Kigira a la girunkanya mwana wowo muyai a vule kunonda, va luhe va tumekire avanyasaye vandi: hene yaho ubutima bwa Yahova bu laaka ku mwinye, na a la kwononya bwangu.

Joshua 23:8

navutswa mu hambane na Yahova Nyasaye wenyu, kuli mwa kola kuduka lero.

Likunula 19:20

Kandi inyama ya gumirwa, no muprofeti wobubehi wa kola vilolekidzu imbiri wewe, vya ya gadira yavo ava vugula kyokumanyirwa kyenyama, navo ava sigamira kifwananyi kikye: navo vaviri va tebwa, na va veye mwoyo, mu inyanza yomuliru yaakanga nekibiridi:

Vakalagi 20:13

Kunangwa kalunu mu twulidze avandu yava, avadamano, va veye mu Gibea ku duke kuviita, nokutwulidza ubudamano mu Israeli. Navutswa Benjamini si va bugirira kuhulira mwoyo gwavamwavo vavo avana va Israeli.

1 Samweli 12:14

Ni mu va ni mu tia Yahova, nokumutumekira, nokuhulira mwoyo gwigwe, ni mu yula kutinguha ku lilaga lya Yahova, kandi ni mwinye halala nomwami wamehanga ku mwinye ni mu va avalondi va Yahova Nyasaye wenyu, nobulahi: