Kwidzulitsa 13:4 - KITABU KITAKATIFU

⁴ Mu gende kulonda Yahova Nyasaye wenyu, mu mu tie, nokugumira malago gege, nokuhulira mwoyo gwigwe, na mu mu tumekire, nokuhambana naye.

Kwidzulitsa 13:4 Iomraidhean Croise

2 Avami 23:3

Na mwami ya singira himbi netiru, na ya kola lilagana imbiri wa Yahova, kulonda Yahova, nokugumira malago gege, nelilolekidza lilye, nemegidzo gege nomwoyo gwosi, na roho gwosi, nokudinyeridza makuva gelilagana yili lya ng'odwa mu kitabu yiki: navandu vosi va singerira lilagana yilyo.

2 Kyetsinyinga 34:31

Na mwami ya singira mbugono bwibwe, na ya lomba lilagana imbiri wa Yahova, kulonda Yahova inyima wewe, nokugumira lilagana lilye, nelilolekidza lilye, na malago gege, nomwoyo gwigwe gwosi, naroho gwigwe gwosi, nokukola ma kuva gelilagana lya ng'odwa mkitabu yiki.

Jeremia 7:23

navutswa nda va laga inkuva yiyi, ni mbola, Mu hulire mwoyo gwange, na nda va Nyasaye wenyu, na mwinye mu la va avandu vange: mu gende mu inzira yosi ya mmu laga, bu duke kuva bulahi ku mwinye.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Varumi 6:13

Kandi mu ta hila vivero vyenyu mu bwoni, kuli viju vyobwoneku; navutswa mwihile ku Nyasaye, kuli ava veye mwoyo kutwula mu vakudzu, ne vivero vyenyu vi ve kuli viju vyobulungi ku Nyasaye.

1 Vakorintho 6:17

Navutswa uyu u ha mbanywa no Mwami a veye roho mulala naye.

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Kwidzulitsa 11:1

Kigira yaga u yanze Yahova Nyasaye wowo, nokugumira lyeganehidza lilye, miima gyigye, nelikalaga lilye, namalago gege, kazozo.

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Kwidzulitsa 6:13

U tie Yahova Nyasaye wowo; u mu tumekira, na u lisuha ku lieta lilye.

Kwidzulitsa 6:5

na u yanze Yahova Nyasaye wowo nomwoyo gugwo gwosi, naroho gugwo gwosi, netsingulu tsitsyo tsyosi.

Vakolosai 1:10

nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.

2 Yohana 1:6

Kandi yibu bu veye ubuyanzi, ku gende kuii lilaga lilye. Yili nelilaga, kuli lya mwa hulira kutwula mu litanga, mu gende mu yilyo.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.