Kwidzulitsa 13:3 - KITABU KITAKATIFU

³ u ta hulira amakuva gomuprofeti zana mba, kinga muloti wamaloto: kigira Yahova Nyasaye wenyu a mu geridzanga, a duke kumanya ni mu va ni mu yanzanga Yahova Nyasaye wenyu nomwoyo gwenyu gwosi naroho gyenyu gyosi.

Kwidzulitsa 13:3 Iomraidhean Croise

1 Avami 13:19

Ma yirana halala naye, na a lagira mu inyumba yeye, nokunwa madzi.

Zaburi 119:2

Va veye nobugasu yavo ava gumiranga lilolekidza lilye, Yavo ava mwenyanga nomwoyo gwosi.

Zaburi 66:10

Kigira ive, O Nyasaye, u ku geridzi: U kumanyeridzi kuli ifetha i manyeridzangwa.

Zaburi 81:7

Mu kivi wanira, na inze nda ku honnya; Nda ku tivulira mbuvisi bwenkupa; Nda ku geridza ha amadzi ga Meriba. [Selaha

Kutwula 20:20

Na Musa ya volera avandu, Mu ta tia mba: kigira Nyasaye a duki ku minye kumugeridza, kandi litibwa lilye li ve imbiri wenyu mu vule kukola ubwoni.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Matayo 24:24

Kigira va la twula vakristo vobubehi navaprofeti vobubehi, kandi va ia leta vilolekidzu vinene, nevyokugennya vinene; kuduka kugotidza kali ava tovoleywi, ni va nyala kuvagada.

Vikolwa 17:11

Yava va li kukuminywa kuvita ava Tesalonike, kigira va bugirira likuva bwangu, ni venya kazozo mu mang'oda kulola amakuva ga ve ageligali naho.

1 Vakorintho 11:19

Kigira si ga vula kuva li la va lyavukana hagati henyu, ava bugirirwa va duke kulang'aminywa hagati henyu.

2 Vakorintho 8:8

Si mbola kuhaana munwa, navutswa ku bugulu bwavandi ngeridza kandi ubulungi bwobuyanzi bwenyu.

Vafeso 4:14

ku ta va kandi avana vadoto ava viting'anywa yiyi neyiyi nokuvodonkanywa netsimbuudza tsyosi tsyamegidzo, ku busegetiri bwavandu mu bugeeri bwobugadi, ku lilonda ubugadi bwobugotidzi.

Kwidzulitsa 6:5

na u yanze Yahova Nyasaye wowo nomwoyo gugwo gwosi, naroho gugwo gwosi, netsingulu tsitsyo tsyosi.

Kwidzulitsa 8:16

wa ku lageridza maana mu kyangalangwi, ya vaguga venyu va vula kumanya; a duke kukugehidza, a duke kukugeridza, a duke kukukolera bulahi mu kiheri kikyo:

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

2 Vatesalonike 2:11

Kandi kigira yaga Nyasaye a va letera ubugadi bwetsingulu, va duke kusuuvira ububehi:

1 Yohana 2:19

Va twula ku kwinye, navutswa si va li ku kwinye; kigira ni va veye ku kwinye, nkano va menya nekwinye: navutswa va twula ku kwinye va lolekidzwe vosi si va li ku kwinye.

1 Yohana 4:1

Avayanze, mu ta suuvira roho gyosi, navutswa mu geridze roho, ni gyi va ni gyi twula ku Nyasaye; kigira avaprofeti avobubehi avanyingi va twuli kutsia mu kivala.

1 Yohana 4:4

Mwinye mu veye ava twula ku Nyasaye, avana vakekeke vange, kandi mwa va guuta: kigira u veye mu mwinye, a veye munene kuvita u veye mu avomkivala.

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Vakalagi 2:22

nduke kugeridza Israeli navo, ni va va ni va gumira inzira ya Yahova kugenda muyo, kuli avaguga vavo va gi gumira, naho.

1 Samweli 26:19

Kunangwa kalunu, nku saala, munene wange mwami u hulire makuva gomutumwa wowo. Na a va na a veye Yahova u vukidzi ive ku inze, a vugule kihaanwa: navutswa ni va va ni va veye avana vavandu, va laamwe imbiri wa Yahova; kigira va nkungi lero, mbule kuhambana nemiyandu gya Yahova, ni va vola, Tsia u tumekire avanyasaye vandi.