Kwidzulitsa 13:16 - KITABU KITAKATIFU

¹⁶ Nevilanye vyalyo vyosi u vi vungidze hagati henzira yalyo, na u sambe lidala zana nomuliru, nevilanye vyalyo vyosi, ha ve kihaanwa ku Yahova Nyasaye wowo: na li la va kitumi mihiga nemihiga; li la vula kwombakwa kandi.

Kwidzulitsa 13:16 Iomraidhean Croise

Kutwula 22:19

Ku vosi mundu na a gona nomutugu ligali a liitwa.

Isaya 17:1

Ubuliduhu bwa Damasko. Henza, Damasko li twulidzeywi li vule kuva lidala, li la va kitumi kyevyanyi.

Isaya 25:2

Kigira wa kola lidala kuva kitumi nelidala lyetsingulu kuva kyanyi, inyumba yobwami yavageni i vuli kuva lidala; li la vula kwombakwa kandi mihiga nemihiga.

Jeremia 49:2

Kigira yaga, henza, amadiku gadzanga, Yahova a vola, mu madiku yago nda kola muliviti gwobulwani gu hulirwe ku Raba lyavana va Amoni; na li la gwa kitumi kyevyanye, navakana veve va la sambwa nomuliru: hene yaho Israeli a la gumira yava ava li ni va mu gumira Yahova a vola.

Ezekieli 26:14

Na nda kola ive u ve ulwanda lwere: u la va hokuvagala miluvo gyavaluvi; si u lombakwa kandi mba: kigira inze Yahova mmali kuvola likuva yili, Mwami Nyasaye a vola.

Mika 1:6

Kigira yaga nda kola Samaria kuva kuli kitumi mu mulimi, na hokusimika mizabibu; na nda syuva magina galyo mwivona, nda kunula mise gyalyo gyi ve ku bulavu.

Kwidzulitsa 7:25

Vifwananyi vya vadzwa vya vanyasaye vavo u la samba nomuliru: u ta kayirwa ifetha kinga ithahabu i veye kuvyo, kinga u ta vi vugula vi ve vivyo, gase vi la ku hamba; kigira vi veye livihiriridza ku Yahova Nyasaye wowo.

Kwidzulitsa 7:26

Na u ta leta livihiriridza mu inyumba yoyo, gase u la leng'ana ne kya laamwa: u ki dunyire ligali, u ki sule ligali, kigira ki veye kindu kya laamwa.

Joshua 6:21

Navo va dividza ligali vyosi vya li mu lidala, vasatsa na vakali, avana na vasakulu, ing'ombe na ligondi, nesukiri, va viita vyosi nobwogi bwekivavi.

Joshua 6:24

Ma lidala va li samba nomuliru, nevindu vyosi vya li mulyo; navutswa ifetha, na ithahabu, neviju vyomugasa nevyekivya, va vi vika mu livika lyakiba mu inyumba ya Yahova.

Joshua 6:26

Na Joshua ya visuhidza lyesuha inyinga yeyo, na a va volera, A laamwe imbiri wa Yahova, mundu uyu ku vosi u singira kwombaka kandi lidala yili lya Yeriko: a la tema muse gwalyo neligota lyomwana wewe wa tanga kwivulwa, na a la singiridza viribwa vyalyo nomwana wewe muyai mukogoti.

Joshua 8:28

Ni ndiyo Joshua ya samba lidala lya Ai, na a li kola kitumi kyemihiga nemihiga, ha gwa hatswa kuduka lero.