Kwidzulitsa 13:10 - KITABU KITAKATIFU

¹⁰ U la mu lasa magina a kudze, kigira yenya kukuhinula kutwula ku Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kwidzulitsa 13:10 Iomraidhean Croise

2 Avami 11:18

Na vandu vosi vekivala va tsia ku inyumba ya Baal, na va gi sambula; nobwali bwibwe bwosi, nevifwananyi vivye va vyatanya ligali, ni viitira Matan musalisi wa Baal imbiri wo bwali. Kandi musalisi ya vika avanene ku inyumba ya Yahova.

2 Kyetsinyinga 24:21

Na va mwekiruka ni va mu lasa magina ku lilaga lyomwami mu mumugidzi gwenyumba ya Yahova.

Kutwula 20:2

Inze mbeye Yahova Nyasaye wowo, wa ku twulidza mu kivala kya Egepeti, mu inyumba yobutugwa.

Kutwula 32:27

Na a va volera, Yahova, Nyasaye wa Israeli a vola ndi, Mwebohe sa mulala kivavi kikye mu kikenge kikye, na mu vite yiyi na yiyi kutwula ku kiribwa yiki kuduka mu kiribwa kindi hagati hokusosa, na mwiite sa mulala amwavo wewe, na sa mulala wakye wewe, na sa mulala mutende w ewe.

Kyavalevi 20:2

Kandi u volere avana va Israeli, Ku vosi mundu ku avana va Israeli, kinga ku avageni ava menyanga hagati ha Israeli, u haana lwivulu lwilwe ku Moleku; ligali a liitwa: avandu vekivala va la mu lasa magina.

Kyavalevi 20:27

Musatsa kandi mukali u veye nomwoyo gwokulagula, kinga u veye muvimbuli, ligali a liitwa: va la va lasa magina; masahi gavo ga la va kuvo avene.

Kyavalevi 24:23

Na Musa ya volera avana va Israeli; navo va leta uyu wa laama ni va tsia naye kyova wa hokusosa, nokumulasa namagina. Na avana va Israeli va kola kuli Yahova ya laga Musa.

Kwidzulitsa 13:5

Kandi muprofeti uyu, kinga muloti wamaloto, uyu a liitwa, kigira ya vola agobukyamu ku Yahova Nyasaye wenyu, wa mu twulidza mu kivala kya Egepeti, na a mboholola mu inyumba yobutugwa, a duke kumuhinula ku inzira ya Yahova Nyasaye wowo a ku laga kugenda muyo. Ni ndiyo u la twulidza ubudamano bu twule hagati hoho.

Kwidzulitsa 17:5

hene yaho u lete kyova musatsa uyu kinga mukali uyu, wa kola inkuva imbi yiyi, ha kiribwa kikyo, kuduka musatsa uyu kinga mukali uyu; va laswe magina va duke kukudza.

Kwidzulitsa 17:7

Amakono gavaloli ga tange kuva kuye kumwiita, ma makono gavandu vosi ga londe. U twulidze ndiyo ubudamano hagati hoho.

Kwidzulitsa 21:21

Navasatsa vosi avelidala lilye va mu lase magina, a duke kukudza: na ndiyo u twulidze ubudamano hagati hoho; na Israeli vosi va hulire, va tie.

Kwidzulitsa 4:19

kandi gase u la ginga tsimoni tsitsyo migulu, na inyinga u lola liuva nomweli netsing'ereng'ani, kali lihe lyosi lyomigulu u la gotidzwa na u la vi sigamira, nokuvitumekira, yivi vya Yahova Nyasaye wowo ya gavanya ku tsihiri tsyosi tsi veye isi weligulu lyosi.

Joshua 7:25

Na Joshua ya vola, Kigira ki ive u viki ku kwinye kivi? Yahova a la vika ku ive kivi lero ndi. Na Israeli vosi va mu lasa magina; ni va va snmba nomuliru, na va va lasa magina.