Kwidzulitsa 12:5 - KITABU KITAKATIFU

⁵ Navutswa ha Yahova Nyasaye wenyu a tovola ku tsihiri tsyenyu tsyosi, a vike ho lieta lilye, ha veye hokumenya hehe, mu yekidze tsimoni tsyenyu ha zana, nokutsia ho;

Kwidzulitsa 12:5 Iomraidhean Croise

1 Avami 12:27

avandu yavo ni va va ni vanegira kuhaana vihaanwa mu inyumba ya Yahova ha Yerusa lemi, hene yaho mwoyo gwavandu gu lirana ku munene wavo, livola li veye, ku Rehoboam mwami wa Yuda: ma va la nziita, nokwirana ku Rehoboam mwami wa Yuda.

1 Avami 14:21

Na Rehoboam mwana wa Solo moni yameha mu Yuda. Rehoboam ya li nemihiga makumi gane na mulala lwa ya tanga kwameha, na yameha mihiga likumi na gyitano na gyiviri mu Yerusalemi, lidala lya Yahova ya tovola mu tsihiri tsyosi tsya Israeli, a duke kuvika lieta lilye mu: nelieta lya mama wewe lya li Naama makana wa Muamon.

1 Avami 8:16

Kutwula lidiku yilyo lya nda twulidza avandu vange Israeli mu kivala kya Egepeti, si nda tovola lidala mu tsihiri tsyosi tsya Israeli nyombake mu inyumba, lieta lyange li ve ho; navutswa nda tovola Daudi a ve igulu wa vandu vange Israeli.

1 Avami 8:20

Na Yahova ya dinyeridza likuva lilye lya ya vola; kigira inze singiye ha bugono bwa dada wange Daudi, ma nzikaye ku intebe yobwa mi ya Israeli, kuli Yahova ya laga, na nyombakiye lieta lya Yahova, Nyasaye wa Israeli, inyumba yiyi.

1 Avami 8:27

Navutswa ligali Nyasaye a la menya ku lirova? Henza, ligulu kinga ligulu lyomigulu si li ku duki; na sindi inyumba yiyi ya nyombaki

1 Avami 8:29

tsimoni tsitsyo tsi duke kuva ku inyumba yiyi ubudiku nombasu, tsi yeke ha wa vola, Lieta lyange li la va ho; kuhulira lisaala lyomutumekiri wowo a saalanga, lyokuhenza ha zana.

2 Avami 18:22

Navutswa ni i va mu volera inze, Kwinye ku suuvira ku Yahova Nyasaye wetu; si a li niye, wa Hezekia ya twulidza hadiguluku ho bwali bwibwe, na a volera Vayuda na Yerusalemi, Mu la sigamira imbiri wobwali yibu mu Yerusalemi?

1 Kyetsinyinga 22:1

Ma Daudi ya vola, Inyumba ya Yahova Nyasaye ni yiyi, na yibu nobwali bwekihaanwa kyokusambwa bwa Israeli.

2 Kyetsinyinga 7:12

Ya hova ya loleka ku Solomoni mbudiku, na a mu volera, Mbuliye lisaala lilyo, ntovoye hano ha ve inyumba yange yevihaanwa.

Ezara 3:2

Hene yaho Jeshua mwana wa Jozadaku, ya singira navamwavo veve avasalisi, na Zeru babeli mwana wa Shealitieli, nava mwavo veve, ni vombaka bwali bwa Nyasaye wa Israeli, va duke kuhaana kubwo vihaanwa vyokusambwa, kuli ga ng'odwa mu lilaga lya Musa mundu wa Nyasaye.

Ezara 6:12

na Nyasaye u viki lieta lilye li menya ha zana u tung'aminye avami vosi netsihiri tsyavandu vosi, ava li nyira makono gavo kugirunkannya iikuva yili, nokwononnya inyumba ya Nyasaye i veye Yerusalemi. Inze Dario mbaani lilaga; na inkuva yiyi i kolwe bwangu.

Ezara 7:17

kunangwa ku vindu yivi u la gula bwangu, tsing'ombe, namagondi makole, navana vamagondi, halala nevihaanwa vyavo vyobusie, nevi haanwa vyavo vyokunwa, na u la vi haana ku bwali bwenyumba ya Nyasaye wenyu i veye Yerusalemi.

Nehemia 1:9

navutswa ni mwirana ku inze, nokugumira lilagana lyange nokuli kola, kali yavo ava kungwa ni va veye ku luvega lwekiheri kyeligulu, nda va vungidza kutwula ha va veye nokuvaleta ha ntovoye, nduke kuvika ho lieta lyange.

Zaburi 78:68

Navutswa ya tovola ihiri ya Yuda, Kigulu kva Zioni kya ya yanza.

Kutwula 15:2

Yahova a veye tsingulu tsyange nolwimbu lwange, Kandi u gweye ubuhonnyi ku inze: Uyu a veye Nyasaye wange, na nda mwidzominya; A veye Nyasaye wa vaguga vange, nda mu kuminya.

Kutwula 20:24

U la nombera ubwali bwamarova, na u liitira tsisadaka tsyvokusambwa kubwo, na tsisadaka tsyemirembe tsitsyo, magondi, na tsing'ombe tsitsyo: hosi ha mbika lidzulitswa lyelieta lyange, hene yaho nda duka ku ive na nda ku gasidza.

Kutwula 25:22

Na inze nda vugana nive ha zana, kandi nda volerana nive ha zana, ni mbeye igulu wentebe yetsimbabasi, hagati ha vakerubi vaviri va veye ku lisanduku lyelilolekidza, ku vindu vyosi vya ndi ku lagira ku avana va Israeli.

Jeremia 26:2

Yahova a vola: Singira mu mgidzi gwenyumba ya Yahova, na u volere amadala gosi ga Yuda, aga yavo avadza kusigamira mu inyumba ya Yahova, u va volere makuva yaga gosi aga nkulaganga; u tigalira likuva kali lilala.

Jeremia 7:12

Navutswa kalunu mu tsie hango harge ha li mu Shilo, ha nda mennya lieta lyange ku matsyambiri, mu lole kya nda kola ho kigira ubudamano bwa avandu vange Israeli.

Jeremia 7:14

kigira yaga nda kolera inyumba yiyi i langwa ku lieta lyange, ya mu suuvira ku, na hango hano ha nda ha mwinye navaguga venyu, kuli nda kolera Shilo.

Kyavalevi 17:4

na a vuli kugileta ha kiliango kyelihema lyokuvuganira mu, kugihaana kuva kihaanwa ku Yahova imbiri welihema lya Yahova: a la validzwa kuva nekisalya kyamasahi; u sunduye masahi; na mundu uyu a la twulidzwa mu avandu veve:

Livalidza 7:89

Na lwa Musa yingira mu lihema lyokuvuganira mu kuvolerana naye, nene yaho ya hulira Mwoyo gu mu volera kutwula igulu wentebe ye tsimbabasi ya li igulu welisanduku lyelilolekidza, kutwula hagati ha vakerubi vaviri: na ya mu volera.

Kwidzulitsa 12:11

inyinga yeyo ga la vaha Yahova Nyasaye wenyu a la tovola, a vike ho lieta lilye, ha zana yaho mu la hila ho vyosi vya nda mu laga: vihaanwa vyenyu vyokusambwa, nevisyuviriru vyenyu, netsizaka tsyenyu, nevihaanwa vyokudigululwa vyamakono genyu, nevyokulagana vyenyu vyosi vi tovole vya mwa vika ku Yahova.

Kwidzulitsa 12:13

Welinde ive mwene, gase u la haana vihaanwa vivyo vyokusambwa hosi ha u lolanga;

Kwidzulitsa 12:18

navutswa u la vi liira imbiri wa Yahova Nyasaye wowo ha Yahova Nyasaye wowo a la tovola, ive, navayai vovo, navakana vovo, navatugwa vovo vayai, navakana, no Mulevi u veye mu viribwa vivyo: u la va u sangale imbiri wa Yahova Nyasaye wowo mu vyosi vya u vika ku mukono gugwo.

Kwidzulitsa 12:4

Mu ta kolera ndiyo Yahova Nyasaye wenyu.

Kwidzulitsa 14:23

Na u lie imbiri wa Yahova Nyasaye wowo, ha a li tovola, lieta lilye li menya ho, izaka yobuswage bubwo, newaini yoyo, na maguta gogo, nevyokutanga kwivulwa vyekyayo kikyo, tsing'ombe na magondi; u duke kweyegidza kutia Yahova Nyasaye wowo kazozo.

Kwidzulitsa 14:24

Nolugendo ni lu va ni lu veye lutambi, nu u ta nyala kuviginga, kigira ha zana ha Yahova Nyasaye wowo a li tovola, a vike ho lieta lilye ha veye ihale, lwa Yahova Nyasaye wowo a ku gasidza;

Kwidzulitsa 15:20

U la ki lia imbiri wa Yahova Nyasaye wowo muhiga nomuhiga, ha Yahova a la tovola, ive navenyumba yoyo.

Kwidzulitsa 16:11

na u sangale imbiri wa Yahova Nyasaye wowo, ive, nomwana wowo, nomukana, nomutugwa muyai wowo, nomukana, no Mulevi u veye mu viribwa vivyo, nomugeni, nombisandu, nomukunzakali, ava veye hagati hoho, ha Yahova Nyasaye wowo a la tovola, kuvika lieta lilye li menye ho.

Kwidzulitsa 16:15

Madiku gatano na gaviri u la kola lilia ku Yahova Nyasaye wowo, ha Yahova a la tovola; kigira Yahova Nyasaye wowo a la ku gasidza mu linyola lilyo lyosi, na mu miyinzi gyosi gya makono gogo, na u ve nelisangala ligali.

Kwidzulitsa 16:2

Na wiite lipasaka lya Yahova Nyasaye wowo, ku kyayo kyamagondi kinga kyetsing'ombe, ha Yahova a la tovola, kuvika lieta lilye li menya ho.

Kwidzulitsa 16:6

navutswa ha Yahova Nyasaye wowo a la tovola, a vike lieta lilye kumenya ho, ha zana u liire ho lipasaka inyinga ya mgolova, mu liyera lyeliuva, ku inyinga kuli ya wa twula Egepeti.

Kwidzulitsa 16:7

U gyuminye na u liire ha Yahova Nyasaye wowo a la tovola, na mugamba wirane ku mahema gogo.

Kwidzulitsa 17:8

Ni li va ni li twula likuva lidinyu kutama ive mu likalaga, hagati ha masahi namasahi, na hagati hekiyalo nekiyalo, na hagati heliduya neliduya, nago ga veye lihangalidzana mu viribwa vivyo; hene yaho u singire, wanegire u tsie ha Yahova Nyasaye wowo a la tovola;

Kwidzulitsa 18:6

Mulevi na a va ni yadza u twulanga mu kilala ku viribwa vivyo mu Israeli mwosi ha a menyanaga, ni yadza nobuyanzi bwosi bwelyenya lilye ha Yahova ya la tovola;

Kwidzulitsa 26:2

u vugule ku makuyu gokutanga gosi agekivala, aga u vungidza mu kivala kikyo kya Yahova Nyasaye wowo a ku ha; u ga vike mu kihinda, u tsie ha Yahova Nyasaye wowo a la tovola a mennye ho lieta lilye.

Kwidzulitsa 31:11

lwa Israeli vosi vadza kwemannya imbiri wa Yahova Nyasaye wowo, ha a li tovola, u some lilaga yili imbiri wa Israeli vosi mmatu gavo.

Vakolosai 2:9

Kigira ubudukiru bwosi Obwanyasaye bu menya muye ku mubiri,

Vahebraina 12:22

Navutswa mwinye mu duki ku kigulu Zioni, noku lidala lya Nyasaye welivamwoyo, Yerusalemi lyomigulu, noku mahe ga ta valika getsingelosi,

Joshua 18:1

Ni livugana lyosi lya avana va Israeli vevungidza halala ha Shilo, ni va singiridza lihema lyokuvugana mu ha zana: nekivala zana kya guutwa imbiri wavo.

Joshua 22:11

Navana va Israeli va hulira ni ga volwa, Henzi, avana va Rubeni navana va Gadi nenusu yehiri ya Manase va mali kwombaka ubwali ku luvega lwembiri lwekivala kya Kanani, mu kivala ki veye himbi Yordani, ku luvega lwavana va Israeli.

Joshua 9:27

Na lidiku zana yilyo Joshua ya va kola avokwasyaga tsinku na vokusomba madzi velivugana, navo ubwali bwa Yahova, kuduka lidiku lya lero, ha zana ha a li tovola.

Likunula 14:1

Kandi nda lola, henza, Mwana Weligondi na a singiye ku kigulu kya Zioni, kandi halala naye avandu tsielfu mia na makumi gane na tsine, ava li nelieta lilye kandi lieta lya Dada wewe li ng'odeywi mu bweni bwavo.