Kwidzulitsa 12:12 - KITABU KITAKATIFU

¹² Kandi mu la sangala imbiri wa Yahova Nyasaye wenyu, mwinye, navayai venyu, navakana venyu, navatugwa venyu avayai navakana, no Mulevi u veye mu viribwa vyenyu, kigira ya vula kuva nekidieli kinga nemiyandu halala nemwinye.

Kwidzulitsa 12:12 Iomraidhean Croise

1 Avami 8:66

Noku lidiku li kola gatano na gavaka ya sendukidza vandu va tsie; navo va gasidza mwami, na va tsia mmahema gavo nobusangali nobuyanzi mu mwoyo gwavo kigira ubulahi bwosi bwa Yahova ya kolera mutumekiri wewe Daudi, na Israeli avandu veve.

2 Kyetsinyinga 29:36

Na Hezekia ya sangala, navandu vosi, kigira ku yaga ga Nyasaye ya lombera avandu: kigira inkuva yiyi ya lombeka nonoho.

Nehemia 8:9

Na Nehemia, wa li mwamehi, na Ezara musalisi, mung'odi, na Valevi avegidzanga avandu, va volera ava ndu vosi, Lidiku lya lero yili li veye lidiku litakatifu lya Yahova Nyasaye wenyu; mu ta syoma, kinga kulira mba. Kigira avandu vosi va li ni va liranga, lwa va hulira makuva geli laga.

Zaburi 147:1

Mwidzominye Yahova; Kigira nubulahi kwimbira Nyasaye wetu tsyokwidzominya; Kigira li veye lyokuyanzidza, na lidzominya li veye lilahi.

Kyavalevi 23:40

Ku lidiku lyokutanga mu la vugula makuyu gemisala milahi, na amatu gamakindu, na tsisya tsyemisala tsindindanu, na misala gyi meranga ku visenukiru vya amadzi; na mu la sangala imbiri wa Yahova Nyasaye wenyu madiku gatano na gaviri.

Livalidza 18:20

Na Yahova ya volera Haruni, Ive u la vula kuva nemiyandu mu kivala kyavo, kandi u la vula kuva nekidieli kali kilala muvo: inze mbeye kidieli kikyo na miyandu gyigyo mu avana va Israeli.

Livalidza 18:26

Kandi u la volera Avalevi, nokuvavolera, Lwa mu vugula izaka ku makono ga avana va Israeli ya mmali kuha mwinye kuva miyandu gyenyu, hene yaho mu la haana kihaanwa kyokudigululwa ku Yahova, ki ve izaka yezaka.

Yohana 13:8

Petro ya mu volera. Si u li savidza virenge vyange mihiga nemihiga Yesu ya mu tivulira, Ni nta ku savidza si u veye nelisanga ninze.

Vikolwa 8:21

Ive si u veye nelisanga kinga ikura ku likuva yili, kigira mwoyo gugwo si gu veye mulahi imbiri wa Nyasaye.

Kwidzulitsa 10:9

Kigira yaga Levi u vuli kuva nekidieli kinga miyandu halala navamwavo veve; Yahova niye miyandu gyigye, kuli Yahova Nyasaye wowo ya mu volera.)

Kwidzulitsa 12:18

navutswa u la vi liira imbiri wa Yahova Nyasaye wowo ha Yahova Nyasaye wowo a la tovola, ive, navayai vovo, navakana vovo, navatugwa vovo vayai, navakana, no Mulevi u veye mu viribwa vivyo: u la va u sangale imbiri wa Yahova Nyasaye wowo mu vyosi vya u vika ku mukono gugwo.

Kwidzulitsa 12:19

Welinde mwene u ta leka Mulevi madiku gosi ga u veye mwoyo mu kivala kikyo.

Kwidzulitsa 12:7

mu liire ha zana imbiri wa Yahova Nyasaye wenyu, nokusangala mu gosi aga mu vika ku makono genyu, mwinye navenyumba yenyu, ava Yahova Nyasaye wowo ya ku gasidzira.

Kwidzulitsa 14:29

na uyu Mulevi, kigira si a veye nekidieli kinga miyandu halala nive, nomugeni, nombisandu, nomukunzakali, ava veye mu viribwa vivyo, vadze kulia vi gute; Yahova Nyasaye wowo a duke ku kugasidza ku miyinzi gyosi gyomukono gugwo gu kolanga.

Kwidzulitsa 16:11

na u sangale imbiri wa Yahova Nyasaye wowo, ive, nomwana wowo, nomukana, nomutugwa muyai wowo, nomukana, no Mulevi u veye mu viribwa vivyo, nomugeni, nombisandu, nomukunzakali, ava veye hagati hoho, ha Yahova Nyasaye wowo a la tovola, kuvika lieta lilye li menye ho.

Kwidzulitsa 16:14

na u sangale mu lilia lilyo, ive, nomwana wowo muyai, nomukana, nomutugwa wowo, muyai, nomukana, na Mulevi, nomugeni, nombisandu, nomukunzakali ava veye mu viribwa vivyo.

Kwidzulitsa 18:6

Mulevi na a va ni yadza u twulanga mu kilala ku viribwa vivyo mu Israeli mwosi ha a menyanaga, ni yadza nobuyanzi bwosi bwelyenya lilye ha Yahova ya la tovola;

Kwidzulitsa 26:11

na u sangalire ubulahi bwosi bwa Yahova Nyasaye wowo ya ku ha, noku avenyumba yoyo, ive, no Mulevi, no mumenyi u veye hagati hoho.

Kwidzulitsa 26:12

Lwa u mali ku haana izaka ku tsizaka tsyosi tsyelimedeka lilyo ku muhiga gwekivaka, ugu veye muhiga gwelihaana izaka, u he Mulevi izaka zana, nommenya, nombisandu, nomukunzakali, va duke kulagira mu viribwa vivyo, nokwiguta.

Kwidzulitsa 27:7

kandi u lombe vihaanwa vyemirembe, u liire ho, na u sangale imbiri wa Yahova Nyasaye wowo.

Joshua 13:14

Navutswa si ya haana ku ihiri ya Levi miyandu kali mulala; vihaanwa vya Yahova, Nyasaye wa Israeli, vya lombwa nomuliru vi veye miyandu gyigye, kuli ya mbolera.

Joshua 13:33

Navutswa ku ihiri ya Levi Musa ya vula kuvaha miyandu: Yahova, Nyasaye wa Israeli, a veye miyandu gyavo, kuli ya va volera.

Joshua 14:4

Kigira ihiri ya Yosefa ya li tsihiri tsiviri, Manase ne Efiraim: na si va haana ku Valevi kidieli mu kivala, ni ga ta li va haana kuvo amadala kumenya mu, halala nekyayiru kyemitugu gyavo, kandi ku butugi bwavo.