Kwidzulitsa 11:9 - KITABU KITAKATIFU

⁹ na mu duke kukola madiku genyu kuva manyingi mu kivala, kya Yahova yesuhira avaguga venyu a la va ha nevisukululwi vyavo, kivala ki gangalukanga amaveere nobwuki.

Kwidzulitsa 11:9 Iomraidhean Croise

Kutwula 20:12

Widzominye dada wowo na mama wowo, madiku gogo ga ve manyingi mu kivala kya Yahova Nyasaye wowo a ku ha.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Tsing'ano 10:27

Litia lya Yahova li meda madiku; Navutswa mihiga gya avadamano gyi la gehidzwa.

Tsing'ano 3:16

Ubutambi bwamadiku bu veye mmukono gwigwe mulungi; Na mu mukono gwigwe mmosi a veye nobutugi na lidzominywa.

Tsing'ano 3:2

Kigira butambi bwamadiku na mihiga gyelivamwoyo, Na mirembe ga la ku medera.

Tsing'ano 9:11

Kigira ku inze, madiku gogo ga la medeka, Na mihiga gyelimenya lilyo gyi la medeka.

Ezekieli 20:6

ku lidiku yilyo nda visuhira, kuvatwulidza mu kivala kya Egepeti vingire mu kivala kya nda va lutira, ki gangulukanga amaveere nobwuki, ki veye ubukumi bwevivala vyosi.

Kwidzulitsa 1:8

Henza, mbiki kivala imbiri wenyu; mwingire mu gumire kivala kya Yahova yesuhira avaguga venyu, Abrahamu, na Isaka, na Yakobo, kuhaana kuvo, noku visukululwi vyavo inyima wavo.

Kwidzulitsa 11:10

Kigira kivala, kya mwingira kukigumira, si ki fwanana ne kya Egepeti, kya mwa twula mu, ha wa midza bugutsa bubwo, na wa bu sama amadzi nekirenge kikyo, kuli mulimi gwetsingutsa;

Kwidzulitsa 11:21

madiku genyu ga kolwe manyingi, na gavana venyu, ku kivala kya Yahova yesuhira vaguga venyu kuvaha, kuli madiku geligulu ku lirova.

Kwidzulitsa 4:40

Na u gumire amalago gege, nelilagana lilye, lya nku laganga lero, bu ve bulahi ku ive, noku avana vovo inyima wowo, u nyole madiku gogo ga ve manyingi ku kivala, kya Yahova Nyasaye wowo a ku ha, mihiga nemihiga.

Kwidzulitsa 5:16

Widzominye dada wowo na mama wowo, kuli Yahova Nyasaye wowo ya ku laga; madiku gogo ga duke kuva manyingi, kandi bu ve bulahi ku ive, mu kivala kya Yahova Nyasaye wowo a ku ha.

Kwidzulitsa 5:33

Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Kwidzulitsa 6:18

Na u kole aga veye malungi namalahi mmoni mwa Yahova; bu duke kuva bulahi ku ive, na u duke kwingira nokugumira kivala kilahi kya Yahova yesuhira vaguga vovo,

Kwidzulitsa 6:2

u duke kutia Yahova Nyasaye wowo, kugumira miima gyigye gyosi, namakalago gege, ga nku laga, ive, namwana wowo, nomisukulu wowo, madiku gosi gelimenya lilyo; madiku gogo ga kolwe manyingi.

Kwidzulitsa 6:3

Kunangwa Israeli, u hulire, u henze na u ga kole; bu duke kuva ubulahi ku ive, u duke kumedeka ligali, kuli Yahova, Nyasaye wa vaguga vovo, ya ku suuviridza, mu kivala ki gangulukanga maveere nobwuki.

Kwidzulitsa 8:7

Kigira Yahova Nyasaye wowo u ku viki mkivala kilahi, kivala kyemigera gya madzi, nevisenukiru, nevidaho, vi senukanga mmavona na mu vigulu;

Kwidzulitsa 9:5

Si ga li kigira butakatifu bubwo, kinga bulungi bwomwoyo gugwo, ive wingira kugumira kivala kyavo; navutswa ga veye kigira ubudamano bwetsihiri yitsi Yahova Nyasaye wowo a va kunganga kutwula imbiri wowo, a duke kusingeridza makuva ga Yahova yisuhira vaguga vovo, Abrahamu, na Isaka, na Yakobo.