Kwidzulitsa 11:16 - KITABU KITAKATIFU

¹⁶ Mwelinde mwinye avene, gase myoyo gyenyu gyi la gadwa, nokugirunkana, nokutumekira avanyasaye vandi, nokuvasigamira;

Kwidzulitsa 11:16 Iomraidhean Croise

1 Avami 8:35

Inyinga migulu mu bofwa, ha vule kuva nembula, kigira va koli ubwoni imbiri wowo; ni va saala kuhenza hano, nokweyama lieta lilyo, nokweganira kuleka ubwoni bwavo, inyinga u va dambidza:

Ayubu 31:27

Nomwoyo gwange gu goonyangwa makiriri, Neminwa gyange gyi busanga mukono gwange:

Isaya 44:20

Uyu a litsanga ligoke; mwoyo gwa gadwa gu mu girunkannyi haluvega; si a nyala kwehonnya mwene, kandi si nyala kuvola, Inze si mbeye nobubehi mmukono gwange mulungi?

Luka 21:34

Navutswa mwinye mu gelihe gase myoyo gyenyu gyi la minika nobuhuvali nobuhambiki nobunyankani bwelivamwoyo yili, kandi lidiku yilyo li la mu nyola bwangu kuli mutego:

Luka 21:36

Navutswa mwinye mu linde kazozo, mu saale, mu duke kunyola tsingulu kuhona mu vindu yivi vyosi vi li duka, nokusingira imbiri wo Mwana wa Adamu.

Luka 21:8

Ya vola, Mu gelihe, mu ta gadwa: kigira vanyingi va ladza mu lieta lyange, ni va vola, Inze niye; kandi inyinga i veye himbi: mu ta va londa.

Kwidzulitsa 12:30

welinde ive mwene gase u la tegwa nokuvalonda, inyima welyononywa lyavo imbiri wowo; kandi gase u la teva amakuva ga vanyasaye vavo nokuvola, Tsihiri yitsi tsi sigamiranga ndi avanyasaye vavo? Nduke kukola ndiyo.

Kwidzulitsa 13:3

u ta hulira amakuva gomuprofeti zana mba, kinga muloti wamaloto: kigira Yahova Nyasaye wenyu a mu geridzanga, a duke kumanya ni mu va ni mu yanzanga Yahova Nyasaye wenyu nomwoyo gwenyu gwosi naroho gyenyu gyosi.

Kwidzulitsa 17:3

na a tsia kutumekira avanyasaye vandi, nokuvasigamira, kinga liuva, kinga mweli, kinoa vi veye mu lihe lyomigulu, vya inze nda vula kulaga,

Kwidzulitsa 28:14

ni mu vula kugirunkana kuleka amakuva gosi aga mu laga lero, kutsia ku mukono mulungi kinga ku mmosi, kulonda avanyasaye vandi kuvatumekira.

Kwidzulitsa 29:17

na mwa lola livihiriridza lyavo, nekifwananyi kyavo, misala namagina, if etha nethahabu, vya li kuvo);

Kwidzulitsa 29:18

gase ha la va nomundu hagati henyu musatsa, kinga mukali, kinga venyumba, kinga ihiri, womwoyo gwigwe gu girunkana lero kutwula ku Yahova Nyasaye wetu, kutsia kutumekira avanyasaye vetsihiri yitsyo; gase ki la va hagati henyu kitinya kivulanga ubululu nabisintho,

Kwidzulitsa 30:17

Navutswa mwoyo gugwo ni gu girunkana kuyeka haluvega, nokusula kuhulira, kandi u kweswa ha luvega, kusigamira avanyasaye vandi, nokuvatumekira;

Kwidzulitsa 31:20

Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Kwidzulitsa 4:23

Mwelinde avene, gase mu livirira lilagana lya Yahova Nyasaye wenyu, lya ya lagana na mwinye, nokulomba kifwananyi kya vadzwa nelifwana lyekindu ku vyosi kya Yahova Nyasaye wenyu ya ku gaya.

Kwidzulitsa 4:9

Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Kwidzulitsa 5:7

U ta va na v anyasaye vandi imbiri wange mba.

Kwidzulitsa 8:19

Navutswa ga la va, nu wivirira Yahova Nyasaye wowo, nokulonda avanyasaye vandi, nokuvatumekira, nokuvasigamira, ndolekidza ku mwinye lero, mu la diva ligali.

Vahebraina 12:15

mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;

Vahebraina 2:1

Kigira yaga ga ku dukira ku huliridze ligali kuvita amakuva aga hulirwa, gase ku la ga ng'aala.

Vahebraina 3:12

Henzi, avamitu, gase mwoyo mudamano gwelivula kusuuvira gu la va mu mulala ku mwinye, ku ligirunkana nokuleka Nyasaye u veye mwoyo.

Vahebraina 4:1

Kunangwa, lwa lisuuviridza lyelingira mu bwelemeridza bwibwe li tigala, ku tie, gasi mbula, mulala ku mwinye a vula kwingira.

Yakobo 1:26

Mundu ni yeganagana a veye wedini, naye na a ta boha lulimi lwilwe nelijamu, navutswa a gada mwoyo gwigwe, mundu uyu, idini yeye neya vutswa.

1 Yohana 5:21

Avana vakekeke vange, mwelinde avene ku misambwa.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 20:4

Kandi nda lola tsintebe, navo avikala kutsyo, va hebwa likalaga; kandi nda lola myoyo gya yavo ava kalagwa mitwe kigira lilolekidza lya Yesu, kandi kigira likuva lya Nyasaye, kandi gya yavo ava vula kusigamira inyama, kinga kifwananyi kikye, kandi va vula kuvugula kyokumanyirwa mu bweni bwavo, kinga mu makono gavo; navo va veye mwoyo, nokwameha halala na Kristo mihiga elfu.

1 Samweli 12:20

Na Samweli ya va volera, Mu ta tia mba: ligali mu koli ubudamano yibu bwosi; navutswa mu ta leka Yahova, nokugirunkana kuvula kumulonda, navutswa mu tumekire Yahova nomwoyo gwenyu gwosi:

1 Samweli 12:21

mu ta girunkana ha luvega; kigira inyinga yeyo mu la londa vindu vya vutswa, vi ta nyala kumukonya, kinga kumuhonnya, kigira ni vya vutswa.