Kwidzulitsa 11:12 - KITABU KITAKATIFU

¹² ki veye kivala kya Yahova Nyasaye wowo a lindanga: kazozo tsimoni tsya Yahova Nyasaye wowo tsi veye kukyo, kutwula ku litanga lyomuhiga kuduka ku kiheri kyomuhiga.

Kwidzulitsa 11:12 Iomraidhean Croise

1 Avami 9:3

Yahova ya mu volera, na a vola, Mbuliye lisaala lilyo nelihomba lilyo, lya wa kola imbiri wange: mmali kutakasa inyu mba, ya wombaki, nduke kuvika muyo lieta lyange mihiga nemihiga; netsimoni tsyange nomwoyo gwange gu la va ho kazozo.

2 Avami 18:32

kuduka lwa ndidza nokumwadikidzira mu kivala ki fwanana nekivala kyenyu, kivala kyobuswage newaini impya, kivala kyevyokulia nemilimi gyemizabibu, kivala kyamaguta gyemizeituni nekyobwuki, mu duke kuva mwoyo, mu vule kukudza; kandi mu ta hulira Hezekia, lwa a mu gada, na a vola, Yahova a la ku honnya.

Ezara 5:5

Navutswa imoni ya Nyasaye wavo ya li ku vakulundu va Vayuda, na si va va gayidza, kuduka lwa likuva lya duka ku Dario, nokwiranyirwa litivula lyebaruwa ku makuva yaga.

Zaburi 33:18

Henza, imoni ya Yahova i veye ku yavo ava mu tidzanga, I veye ku yavo ava suuviranga tsimbabasi tsitsye

Zaburi 34:15

Tsimoni tsya Yahova tsi veye ku avobulungi, Na amatu gege ga yeki ku lilira lyavo.

Zaburi 65:11

U vika ku muhiga itaji yobulahibubwo; Tsinzira tsitsyo tsi tonyanga maguta.

Isaya 36:17

kuduka lwa nduka ku muhila mu kivala ki veye kuli kivala kyenyu avene, ni kivala kyobuswage newaini, nekivala kyevyokulia nemi limi gyemizabibu.

Jeremia 24:6

Kigira nda vumika nobulahi, na nda va leta vingire mu kivala yiki kandi; na nda vombaka, si nda va sambula mba; nda va simika, si nda viha mba.