Kwidzulitsa 10:12 - KITABU KITAKATIFU

¹² Na ive kalunu, Israeli, Yahova Nyasaye wowo yenya ki ku ive, ni li ta li kutia Yahova Nyasaye wowo, u gende ku tsinzira tsitsye tsyosi, nokumuyanza, nokutumekira Yahova Nyasaye wowo nomwoyo gugwo gwosi naroho gugwo gwosi,

Kwidzulitsa 10:12 Iomraidhean Croise

1 Avami 3:3

Na Solomoni ya yanza Yahova, na a genda mu amalago ga Daudi dada wewe, navutswa ya haana vihaanwa na a samba vimuli ha diguluku.

2 Avami 10:31

Navutswa Jehu si yelinda kuduka kugenda mu lilaga lya Yahova, Nyasaye wa Israeli, nomwoyo gwigwe gwosi mba: si yavukana ku bwoni bwa Jeroboam, bwa ya gotidzera ku Israeli.

2 Avami 18:3

Ya kola ubulungi imbiri wa Yahova, kuli gosi ga Daudi guga wewe ya kola.

2 Avami 18:6

Kigira uyu ya hambana na Yahova; si ya leka kumulonda mba, navutswa ya gumira malago gege, ga Yahova ya laga Musa.

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

2 Kyetsinyinga 15:12

Na vingira mu lilagana kwenya Yahova, Nyasaye wa vaguga vavo, nemyoyo gyavo gyosi na roho gyavo gosi;

Ayubu 36:11

Ni va hulira nokumutumekira Va la tsitsagil'la madiku gavo mu ligasidzwa Nemihiga gyavo mu vindu vi yanzidzanga.

Zaburi 119:2

Va veye nobugasu yavo ava gumiranga lilolekidza lilye, Yavo ava mwenyanga nomwoyo gwosi.

Zaburi 128:1

A veye nobugasu uyu u tidzanga Yahova, Uyu u gendanga mu tsinzira tsitsye.

Zaburi 145:20

Yahova a lindanga yavo vosi ava mu yanzanga; Navutswa ala dividza avadamano vosi

Zaburi 18:1

Nyanza ive, O Yahova, u veye tsingulu tsyange.

Zaburi 34:9

O mu tie Yahova, mwinye avatakatifu veve; Kigira ava mu tidzanga si va geheranga kindu.

Zaburi 81:13

O nkano avandu vange va mbulire, Na Israeli nkano va gende mu tsinzira tsyango

Zaburi 81:14

Inze nkano nda guuta avasigu vavo bwangu, Nokwirannya mukono gwange ku vadambidzi vavo.

Kutwula 23:25

Na mu la tumekira Yahova Nyasaye wowo, naye a la ku gasidzira vyokulia vivyo na amadzi gogo; kandi nda twulidza ulukudzo iu ta va hagati hoho.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Ezekieli 11:20

va duke kugenda mu malago gange, nokugumira miima gyange nokugyikola: na va la va avandu vange, na inze nda va Nyasaye wavo

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Zefania 3:9

Kigira inyinga yeyo nda galukidzira avandu ululimi lulahi, vosi va duke kwanira lieta lya Yahova, va mu tumekire neliva lilala.

Matayo 22:37

Naye ya mu volera, U yanze Mwami Nyasaye wowo nomwoyo gugwo gwosi, neliva mwoyo lilyo lyosi, nobugeeri bubwo bwosi.

Luka 10:27

Naye ya tivula na a vola, U yanze Mwami Nyasaye wowo nomwoyo gugwo gwosi, na roho gugwo gwosi, netsingulu tsitsyo tsyosi nobugeeri bubwo bwosi; kandi u yanze mutende wowo kuli wiyanza.

Luka 11:42

Mwinye Avafarisayo, O bayaye bu veye ku mwinye kigira mu tunga lizaka lyenaana nesadhabu? Netsingutsa tsyosi, na mu leka amakuva gobulungi nagobuyanzi bwa Nyasaye: navutswa nu bulahi kukola yivi, kandi kuvu la kuleka yivi vindi.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Varumi 1:9

Kigira Nyasaye, wa ntumekira mu mwoyo gwange mu ivangeli yo Mwana wewe, a veye mulolekidzi wange kuli mbongera kumutala mu lisaala lyange kazozo,

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

Kwidzulitsa 10:11

Na Yahova ya mbolera, Vuka, u gumire lugendo lulwo imbiri wa avandu; navo va lingira kugumira kivala, kya ndisuhira avaguga vavo nda va ha.

Kwidzulitsa 10:13

nokugumira malago ga Yahova, na miima gyigye, gya nku laganga lero gyi ve ku ive ubugasu?

Kwidzulitsa 11:1

Kigira yaga u yanze Yahova Nyasaye wowo, nokugumira lyeganehidza lilye, miima gyigye, nelikalaga lilye, namalago gege, kazozo.

Kwidzulitsa 11:13

Kandi ga la va, ni mu va ni mu hulira ligali malago gange ga mmu laganga lero, kuyanza Yahova Nyasaye wenyu, nokumutumekira nomwoyo gwenyu gwosi, naroho gwenyu gwosi,

Kwidzulitsa 26:16

Lero ndi Yahova Nyasaye wowo a ku lage kukola amalago yaga, nemiima gyigye; kunangwa u ga gumire nokugakola nomwoyo gugwo gwosi, naroho gugwo gwosi.

Kwidzulitsa 27:10

Kunangwa u hulire mwoyo gwa Yahova Nyasaye wowo, u kole malago gege nemiima gigye, ga nku laganga lero.

Kwidzulitsa 30:16

kuli nku laganga lero kuyanza Yahova Nyasaye wowo, nokugenda ku tsinzira tsitsye, nokugumira malago gege nemiima gyigye nelikalaga lilye, u duke kuva mwoyo nokumedeka, Yahova Nyasaye wowo a duke kukugasidza mu kivala kya wingira mu kukigumira.

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Kwidzulitsa 4:29

Navutswa kutwula ha zana u lenya Yahova, Nyasaye wowo, u la mu nyola, inyinga u mwenya nomwoyo gugwo gwosi na roho gugwo gwosi.

Kwidzulitsa 5:29

Nkano va veye nomwoyo kuli yigu muvo, madiku gosi, gwo kuntia, nokugumira amalago gange gosi madiku gosi, ga duke kuva ubulahi kuvo, noku avana vavo mihiga nemihiga

Kwidzulitsa 5:33

Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Kwidzulitsa 6:13

U tie Yahova Nyasaye wowo; u mu tumekira, na u lisuha ku lieta lilye.

Kwidzulitsa 6:2

u duke kutia Yahova Nyasaye wowo, kugumira miima gyigye gyosi, namakalago gege, ga nku laga, ive, namwana wowo, nomisukulu wowo, madiku gosi gelimenya lilyo; madiku gogo ga kolwe manyingi.

Kwidzulitsa 6:24

Na Yahova ya ku laga kukola amalago yaga gosi, nokutia Yahova Nyasaye wetu, bu duke kuva ubulahi ku kwinye madiku gosi, a ku honnye ku ve mwoyo, kuli ga veye lero.

Kwidzulitsa 6:5

na u yanze Yahova Nyasaye wowo nomwoyo gugwo gwosi, naroho gugwo gwosi, netsingulu tsitsyo tsyosi.

1 Timoteo 1:5

Na vutswa ubudukiru bwelilaga bu veye ubuyanzi bu twula mu mwoyo mulahi, nomu tsiganagani tsindahi, nomu lisuuvira li ta li nobugadi:

Vahebraina 12:28

Kigira yaga, ni ku vugula ubwami bu ta nyala kudegeridzwa, ku ve netsimbabasi kutsyo ku duke kukolera Nyasaye, ubutumiki bwa mu yanzidza, nelitibwa nelyegehidza:

Joshua 22:5

Navutswa mweguluhidze ligali kukola malago na miima gya Musa mutumekiri wa Yahova ya mu laga, kuyanza Yahova Nyasaye wenyu, nokugenda mu tsinzira tsitsye tsyosi, nokugumira amalago gege, nokuhambana naye, nokumutumekira nomwoyo gwenyu gwosi, na roho gwe nyu gwosi.

Joshua 24:14

Kunangwa kalunu mu tie Yahova, nokumutumekira mu libugirira nomu geligali; na mu vike ihale avanyasaye ava vaguga venyu va tumekira engereka ya Mugera, nomu Egepeti; na mu tumekire Yahova.

1 Yohana 2:15

Mu ta yanza kivala, kinga vindu vyomkivala. Mundu na a va na a yanza kivala, ubuyanzi bwa Dada si bu veye muye.

1 Yohana 5:5

Kandi ibwaha uyu u guuta vyomkivala navutswa u suuvira Yesu nu Mwana wa Nyasaye?

1 Samweli 12:20

Na Samweli ya va volera, Mu ta tia mba: ligali mu koli ubudamano yibu bwosi; navutswa mu ta leka Yahova, nokugirunkana kuvula kumulonda, navutswa mu tumekire Yahova nomwoyo gwenyu gwosi: