Kwidzulitsa 1:44 - KITABU KITAKATIFU

⁴⁴ Na Vaamori, ava menya mkivala kyevigulu yikyo, va mu twulira, na va mu kunga, kuli tsinzuki tsi kunganga, va mwononyira Seiru, kuduka Horma.

Kwidzulitsa 1:44 Iomraidhean Croise

Zaburi 118:12

Va nkumbiridza kuli tsinzuki, va simi kuli muliru gwamafwa: Mu lieta lya Yahova nda va guuta.

Isaya 7:18

Na ga la duka mu lidiku yilyo Yahova a la langira ingi i veye ku kiheri kyemigera gya Egepeti, nenzuki i veye mu kivala kya Asuria.

Livalidza 14:45

Hene yaho Avaamaleki na Avakanani ava menya mu kigulu, vika, na va va huya nokuvatsoma hasi kuduka Horma.

Livalidza 21:3

Na Yahova ya hulira mwoyo gwa Israeli, na ya vika Avakanani mu makono gavo; na va vononya halala na madala gavo ligali: na ha zana ha gulikwa Horma.

Kwidzulitsa 28:25

Yahova a la ku kola u duywe imbiri wavasigu vovo; u la va twulira ku inzira indala, u liruka imbiri wavo ku tsinzira tsitano na tsiviri: na u la sikiswa yiyi ne yiyi mu ubwami bwosi bwo mu lirova.

Kwidzulitsa 32:30

Mulala a nyala ndi kukunga elfu N a vaviri va nyala ndi kukunga tsielfu likumi, Ni ga ta li Lwanda lwavo lwa va gulidza, Na Yahova ku va leka havulavu?

Joshua 7:5

Na vasatsa va Ai va duya kuvo avandu ava duka makumi ga vaka na vatano na mulala; na va va kunga kutwula imbiri wekiribwa kyelidala kuduka Shebarim, na va va duya ha kisulungutu: nemyoyo gyavandu gya yenguka ni gyi gwa kuli amadzi.