Kohelethu 3:3 - KITABU KITAKATIFU

³ inyi nga yokwiita, nenyinga yokuhonnya; inyinga yokusambula, nenyinga yo kwombaka;

Kohelethu 3:3 Iomraidhean Croise

Litanga 9:6

Ku vosi uyu u tahidza masahi gomundu, amasahi gege ga la tahidzwa na mundu: kigira ya lomba mundu mu lifwanana lya Nyasaye.

Isaya 44:26

u dinyiridzanga likuva lyomutumekiri wewe, nokudukidza makuva gavatumwa veve; u voleranga ku makuva ga Yerusalemi, Li la menywa: noku madala ga Yuda, Ga lombakwa, nda singeridza tsing'anye;

Isaya 6:10

Mwoyo gwavandu yava u gu kole mukomero, namatu gavo u ga kole maliduhu, netsimoni tsyavo u hane; gase va la lola netsimoni tsyavo, na va la hulira namatu gavo, na va la manya nemyoyo gyavo, na veganire, va honywe.

Jeremia 1:10

henza, lidiku lya lero nku viki u ve igulu wetsihiri, na igulu wobwami, tsing'ano netsing'ano, u duke kwiha, nokusambula, nokudivi dza, nokutung'aminya; kwombaka, nokusimika.

Jeremia 31:28

Na ga la duka, kuli nda va henza nduke kwiha, nokusambula, nokutung'aminya, nokudividza, nokudambidza; ni ndiyo ndi va henza kwombaka, nokusimika, Yahova a vola.

Jeremia 33:6

Henza, nda leta kulyo ubulamu nobuhonnyi, nda va honnya, nda va lang'aminyira ubunyingi bwemirembe nobwa geligali.

Jeremia 45:4

U mu volere likuva yili, Yahova a ku volera: Henza, vya nzombaki nda vi sambula, na vya nsimiki ndiha; uindu yivi vi la va mu kivala yikyo kyosi.

Ezekieli 13:14

Ni ndiyo ndi sambula lidigi lya mwa buula ubudohi bwa vula kuduvulwa bulahi, nokulyalira hasi, kuduka imise gyalyo gyi la va milavu; li la gwa, na mwinye mu la dividzwa ligali hagati halyo: na mu la manya inze mbeye Yahova.

Haggai 1:2

Yahova wa mahe a vola ndi, na a vola, Avandu yava va vola, Yiyi si i veye inyinga i dukira kwinye kuudza, si i veye inyinga yenyumba ya Yahova kwombakwa mba.

Haggai 1:4

Inyinga yiyi i dukiranga mwinye kumenya mu tsinyumba tsyenyu tsya vikwa tsimbao nenyumba yiyi i menyanga mu lisambuka?

Zekaria 1:12

Hene yaho ingelosi wa Yahova ya tivula na a vola, O Yahova wa mahe, kuduka inyinga ki ive u la sula kuvererera Yerusalemi na madala ga Yuda, aga u veye nobutima kugo mihiga yigyi makumi gatano na gaviri?

Kwidzulitsa 32:39

Henzi kalunu, Inze, ligali mbeye lye, Si ha veye nomunyasaye halala ninze: Nziitanga nokusimugukidza; Nzatanga lugoma, nokuhonnya; Na si ha veye nowundi u nyala kuhonnya mmukono gwange.

1 Samweli 2:25

Mundu na a va na a kola ubwoni ku wundi, Nyasaye a la mu kalagira; navutswa mundu na a va na a kola bwoni ku Yahova, bwaha a la mu saavira? Navutswa, si va hulira umwoyo gwa dnda wavo, kigira Yahova ya saavira kuviita.

1 Samweli 2:6

Yahova yiitanga, kandi a kolanga kuva mwoyo: Yikidzanga kuduka mkilindwa, na a letanga igulu.