Kohelethu 2:3 - KITABU KITAKATIFU

³ Nda henzeridza mu mwoyo gwange kuli nnyala kusangalidza mubiri gwange na iwaini, nomwoyo gwange gwa li ni gu nyimirira nobugeeri, kandi kuli ng'umiri ubusiru, nduhe ndole ni kindu ki ki konya avana vavandu va duka kugikola isi weligulu amadiku gosi gelimenya lyavo.

Kohelethu 2:3 Iomraidhean Croise

Litanga 47:9

Na Yakobo ya volera Farao, Madiku gemihiga gyeligenda lyange gyi veye mihiga mia na makumi gavaka: madiku gyemihiga gyobuhindiri bwange gyi veye mikekeke na midamano, kandi si gyi duki kuli madiku gemihiga gyobuhindiri bwa avaguga vange mu madiku geligenda lyavo.

Ayubu 14:14

Mundu na a kudza, a la va mwoyo kandi? Nkano nda ka linda madiku gosi gobulwani bwange Kuduka libohololwa lyange li duke ku inze.

Zaburi 104:15

Na iwaini i yanzidza mwoyo gwomundu, Na maguta gokunihidza mmoni mwimwe, Na ubukima bu konyanga mwoyo gwomundu.

Tsing'ano 20:1

Lwaini i veye yekihenyahenye, kyokunwa kilulu ki kola liyoga; Na uyu u gadwa mu vindu yivi si a veye nobugeeri.

Kohelethu 1:17

Nda vika mwoyo gwange ku limanya ubugeeri, nokumanya ubulalu nobusiru kuli vi veye: na nda lola miyinzi yigyo gyi veye kudidikanira imbuudza.

Kohelethu 10:19

Lisavo li kolangwa kigira lisangala, na iwaini i sangalidzanga livamwoyo; nefetha i letanga litivula lyevindu vyosi.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Kohelethu 2:24

Si ha veye nobulahi ku mundu kuvita yaga, a lie kandi a nwe, noku sangalidza mwoyo gwigwe mu bulahi, mu lididikana lilye. Kandi nda lola yaga ga twula mukono gwa Nyasaye.

Kohelethu 5:18

Henza, yaga aga ndola kuva malahi agokukonya mundu, a lie nokunwa, nokusangalira vindu vilahi mu lididikana lilye lyosi, lya a didikananga mu isi weliuva, madiku gosi gelivamwoyo lilye lya Nyasaye ya mu ha: kigira yiki ni kidieli kikye.

Kohelethu 6:12

Kigira ni bwaha u manya ni kindu ki ki konya mundu mu limenya lilye, madiku gosi gelimenya lilye lya vutswa ga a menyanga kuli kiriri vutswa? Kigira ni bwaha u nyala kuvolera mundu makuva ga li mu londa inyima isi weliuva?

Kohelethu 7:18

Nobu lahi u gumire likuva yili; yee, u ta twulidza mukono gugwo ku likuva yili: kigira uyu u tidzanga Nyasaye a la twula mu yaga gosi.

Kohelethu 7:25

Nda vodonkana, nomwoyo gwange gwa vikwa ku limanya nokuvangula, nokwenya ubugeeri na kivune kyevindu, nokumanya ubudamano ni bwobusiru, nobusiru nibwo ubulalu.

Kohelethu 8:15

Ma nzidzominya ubusangali, kigira mundu si a veye nekindu kilahi isi weliuva, kuvita kulia, nokunwa, nokusangala: kandi yaga ga la menya halala naye mu lididikana lilye madiku gosi gelivamwoyo lilye ga Nyasaye ya mu ha isi weliuva.

Matayo 6:24

Si ha li nomundu a nyala kutumekira avami vaviri: kigira a la dunyira mulala, na a yanza wundi; kinga a la yanza mulala nowundi a mlega. Si mu nyala kutumekira Nyasaye nobutugi.

Vafeso 5:18

Kandi mu ta hambika iwaini i veye nekivihiri, navutswa mwizuye Roho.

Vakalagi 9:13

Namuzabibu gwa gyi volera, Ndeke iwaini yange indoto, i yanzidzanga Nyasaye navandu, ntsie kwameha ku misala?

1 Samweli 25:36

Na Abigaili yirana ku Nabali; na, henza, ya lomba lilia mu inyumba yeye, kuli lilia lyomwami; nomwoyo gwa Nabali gwa li nobusangala muye, kigira ya hambika ligali: kigira yaga mukali wewe ya vula kumuvolera kindu, ku bukekeke kinga ku bunyingi, bwa luha bwa kya.