Joshua 9:11 - KITABU KITAKATIFU

¹¹ Kandi vakulundu vetu na avandu ve kivala kyetu vosi va volera kwinye, nokuvola, Lero mu vugule vyokulia mmakono genyu vyolugendo, mu tsie kwagana navo, nokuvavolera, Kwinye ku veye avatumekiri venyu: kalunu mu lombe lilagana na kwinye.

Joshua 9:11 Iomraidhean Croise

Litanga 43:12

na mu hile ifetha i duka hali kaviri mu mukono gwenyu; kandi mu hile mu mukono gwenyu ifetha yiranywa mu tsimuya tsyenyu; mbula va vula kugilola:

2 Avami 10:5

Na uyu wa li munene ku avandu venyumba, kandi uyu wa li munene ku lidala, na vakulundu, nava virukidza va tuma avatumwa kutsia ku Jehu, ni va vola, Kwinye ku veye avatumekiri vovo, na ku la kola vyosi vya u ku laga; si ku la kola mundu kali mulala mwami: kola ga u lola kuva malahi mu tsimoni tsitsyo.

Esther 8:17

Na mu tsiprovinse tsyosi sendala, na mmadala gosi sa lilala, na hosi ha lilaga lyomwami lya duka, Avayuda va li nobuyanzi nobusangali, nelilia neli diku lilahi. Na vanyingi ku vandu vekivala va gwa Avayuda; kigira litihidza lya Avayuda lya va gwira.

Luka 9:3

Na a va volera, Mu ta vugula kindu kyokugendera, kinga impimbo, kinga imuya, kinga ubukima, kinga ifetha; kandi mu ta va namakoti gaviri.

Joshua 1:11

Mu vite hagati hokusosa, mu lage avandu mu vole, Mu tegekidze vyokuiia; kigira ku madiku gavaka mu lambuka mugera yigu gwa Yordani, mu duke kwingira ku gumira kivala kya Yahova Nyasaye wenyu a mu hedzanga, mu duke kukigumira.

Joshua 9:10

na gosi aga ya kolera avami vaviri va Vaamori, ava li engereka ya Yordani Sihon mwami wa Heshibon, na Ogu mwami wa Bashan, wa li ha Ashitarothu.

Joshua 9:12

Ubukima bwetu yibu kwa bu vugula ni bu kikiri ubuhyu, mu tsinyumba tsyetu, lidiku lya kwa twula kuudza ku mwinye; navutswa kalunu, henza, bwumi kandi bu kupi luguku:

Joshua 9:8

Navo va volera Joshua, Kwinye ku veye avatumekiri vovo. Na Joshua ya va teva, Mwinye mu veye vaha? Na mu twuli haliha?