Joshua 8:33 - KITABU KITAKATIFU

³³ Na Israeli vosi, na avakulundu vavo, na vanyampara vavo, na vakalagi vavo, va singira ku luvega yilu lwelisanduku na ku luvega yilwo imbiri wavasalisi Valevi, ava ginga lisanduku lyelilagana lya Yahova, u veyo mumenya nomwene luhya vombi; inusu kuvo va singira imbiri wekigulu kya Gerizim, na inusu va singira imbiri wekigulu kya Ebali; kuli Musa mutumekiri wa Yahova ya tanga kulaga, va duke kugasidza avandu va Israeli.

Joshua 8:33 Iomraidhean Croise

Kutwula 12:49

Lilaga lilala li la va ku uyu wivulwa ku mwinye, noku mumenya u menyanga hagati henyu.

Kyavalevi 24:22

Mu la va nelilaga lilala lyeng'ine, ku uyu u veye mugeni, kuli ku uyu wivulwa ku mwinye: kigira inze mbeye Yahova Nyasaye wenyu.

Livalidza 15:15

Mu livugana li la va mulyo, lilaga lilala ku mwinye noku mugeni u menyanga halala na mwinye, li veye lilaga lyokuhindira mihiga gyosi mu visukululwi vyenyu: kuli mwinye mu veye, mugeni a la va ndiyo imbiri wa Yahova.

Livalidza 15:16

Li la va lilaga lilala na mwinna mulala ku mwinye, noku mugeni u menyanga halala nemwinye.

Livalidza 15:29

Mu la va nelilaga lilala lya uvu u kolanga kindu bugira kumanya, lya uyu wivulwa ku mwinye hagati ha avana va Israeli, kandi lya uyu mugeni u menyanga hagati havo.

Yohana 4:20

Vaguga vetu va li ni va kola miluka mu kigulu yiki, navutswa mwinye mu vola mu Yerusalemi nu bulahi avandu va kole miluka.

Kwidzulitsa 11:29

Na ga la duka, lwa Yahova Nya; saye wowo a ku leta nokukuvika mu kivala kya u tsitsanga kukigumira, u la vika ubugasu ku kigulu kya Gerizim, nevilaamo u vi vike ku kigulu kya Ebali.

Kwidzulitsa 31:12

U vugannye avandu, avakali navasatsa navana, na mugeni wowo u veye mu viribwa vivyo, va duke kuhulira, kandi va duke kweyegidza, nokutia Yahova Nyasaye wenyu, nokulinda kukola amakuva gosi gelilaga yili;

Kwidzulitsa 31:25

hene yaho Musa ya laga Valevi, ava ginganga lisanduku lyelilagana lya Yahova, na a va volera,

Kwidzulitsa 31:9

Na Musa ya ng'oda lilaga yili, na a ha avasalisi avana va Levi, ava ginganga lisanduku lyelilagana lya Yahova, noku vakulundu va Israeli vosi.

Joshua 23:2

Joshua ya langa Israeli vosi, vakulundu vavo, nemitwe gyavo, navakalagi vavo na vanyampara vavo, na a va volera, Inze mbeye musakulu na ntsitsanga bwimbi nabutambi mmihiga gyange:

Joshua 24:1

Kandi Joshua ya vungidza tsihiri tsyosi tsya Israeli ha Shekem, na a langa avakulundu va Israeli, nemitwe gyavo, navakalagi vavo, navanyampara vavo; na vevungidza avene imbiri wa Nyasaye.

Joshua 3:14

Na ga duka, lwa vandu yavo va twula mmahema gavo, va duke kwambuka Yordani, avasalisi ava ginga lisanduku lyelilagana va li imbiri wavandu;

Joshua 3:3

ni va laga avandu, ni va va volera, Lwa mu lola lisanduku lyelilagana lya Yahova Nyasaye wenyu, na vasalisi Valevi va li gingi, hene yaho mu la twula ha mu veye, nokulilonda.

Joshua 3:6

Kandi Joshua ya volera vasalisi, nokuvola, Mu gingi lisanduku lyelilagana, mu tange kwambuka. Navo va ginga lisanduku lyelilagana, na vimirira avandu.

Joshua 4:10

Kigira vasalisi va ginga lisanduku va singira hagati ha Yordani, kuduka lwevindu v yosi vya Yahova ya laga Joshua a volere avandu vya dukidzwa, kuli gosi ga Musa ya laga Joshua: na avandu va kola bwangu ni vambuka.

Joshua 4:18

Na ga duka, lwa vasalisi ava ginga lisanduku lyelilagana lya Yahova lwa vanegira kutwula mu Yordani, netsinduvatiru tsyavasalisi lwa tsya gingwa nokuvikwa ku marova amumu, hene yaho amadzi ga Yordani girana mbugono bwago, nokwizula nokuvita tsinzako tsyago, kuli lwa ga li ku matsyambiri.

Joshua 6:6

Na Joshua mwana wa Nuni ya langa avasalisi, na a va volera, Mu ginge lisanduku lyelilagana, kandi avasalisi vatano na vaviri va ginge, visiliva vitano na viviri vyetsinziga tsyamagondi makole va tsie natsyo imbiri welisanduku lya Yahova.