Joshua 8:31 - KITABU KITAKATIFU

³¹ kuli Musa mutumekiri wa Yahova ya laga avana va Israeli, kuli ga ng'odwa mu kitabu kyamalago ga Musa, bwali bwamagina ga vula kuvadzwa, agomundu kali mulala a vula kutumika ku kiju kyekivya: na va haana kubwo vihaanwa vyokusambwa ku Yahova, nevihaanwa vyemirembe.

Joshua 8:31 Iomraidhean Croise

2 Avami 14:6

navutswa avana va valumindi yavo si ya viita mba; kuli ga ng'odwa mu kitabu kyelilaga lya Musa, kuli Yahova ya laga, na a vola, Avadada si va liitwa kigira avana, kandi avana si va liitwa kigira vadada; navutswa mundu sa mulala a la kudza kigira ubwoni bwibwe mwene.

2 Avami 22:8

Na Hilikia musalisi munene ya volera Shafan mung'odi, Nyoye kitabu kyelilaga mu inyumba ya Yahova. Na Hilikia ya ha Shafan kitabu zana, naye ya ki soma.

2 Kyetsinyinga 25:4

Navutswa avana vavo si ya viita mba, navutswa ya kola kuli ga ng'odwa mu kitabu kyelilaga lya Musa, kuli Yahova ya laga, na a vola, Vadada va ta kudza kigira avana, kandi avana va ta kudza kigira vadada; navutswa mundu sa mulala a kudze kigira bwoni bwibwe.

2 Kyetsinyinga 35:12

Na va twulidza vihaanwa vyokusambwa, va duke kuvaha kuli vidieli vyetsinyumba tsyavaguga vavana vavandu, va duke kuhaana ku Yahova, kuli ga ng'odwa mu kitabu kya Musa. Na va kola ndiyo ku tsing'ombe.

Ezara 6:18

Va vika vasalisi mu tsikura tsyavo, na Valevi va va vika mu litovoka lyavo, va ve avobutumwa bwenyumba ya Nyasaye, ya li mu Yerusalemi; kuli ga ng'odwa mu kitabu kya Musa.

Nehemia 13:1

Ku lidiku yilyo va soma mu kitabu kya Musa, mu amatu gavandu; na ga nyoleka makuva ga ng'odwa mu, Muamon na Mumoabu si a veye nomunwa kwingira mu livu gana lya Nyasaye mihiga nemihiga,

Kutwula 18:12

Na Jethro, navizala wa Musa, ya vugulira Nyasaye kihaanwa kyokusambwa netsisadaka: na Haruni ya tsia, na vakulundu vosi va Israeli, kulagira ubu kima halala na navizala wa Musa, imbiri wa Nyasaye.

Kutwula 24:5

Naye ya tuma avandu avasoleli ku avana va Israeli, ava haananga tsisadaka tsyokusambwa, na va viitira Yahova tsisadaka tsyemirembe tsyetsing'ombe.

Matayo 12:26

kandi Setani na a twulidza Setani, yavukana mwene; kunangwa ubwami bwibwe bu la singira ndi?

Kwidzulitsa 27:2

Na ga la va ku lidiku lya mu lyambuka Yordani kutsia mu kivala kya Yahova Nyasaye wowo a ku ha, u la simika amagina manene, nokugabuula nobudohi:

Kwidzulitsa 27:8

Na u ng'ode ku magina makuva gelilaga yili lyosi habulavu ligali.

Joshua 1:8

Kitabu yiki kyelilaga si ki la twula mmunwa gugwo, navutswa u la ganagana kukyo mbasu nobudiku, u duke kulinda kukola kuli gosi aga ng'odwa mu: kigira inyinga zana u la gasidza inzira yoyo, na inyinga zana u la kola nobugeeri.