Joshua 8:22 - KITABU KITAKATIFU

²² Na avandi, va twula ku lidala ku va twulira inyima; na ndiyo va li hagati ha Israeli, avalala ku luvega yilu, na avandi ku luvega yilu: navo va va kuya, kuduka si va leka kali mulala kuvo wa tigala, kinga wa hona.

Joshua 8:22 Iomraidhean Croise

Ayubu 20:5

Ubusangali bwavadamano bu heranga bwangu, Ubuyanzi bwa va ta tia Nyasaye bu veye bwedagika indala vutswa?

Kwidzulitsa 7:2

na lwa Yahova Nyasaye wowo a la va vika havulavu imbiri wowo, kuvaguuta; hene yaho u la va duya: na u la i vononya ligali: u ta kola lilagana navo, kinga ku va vererera;

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

Joshua 10:28

Na Joshua ya vugula lidala lya Makeda ku lidiku yilyo, na a li duya nobwogi bwekivavi, nomwami walyo: na a va dividza ligali na vosi ava veye mwoyo mulyo; si ya leka kali mulala wa tigala; na ya kolera mwami wa Makeda kuli ya kolera mwami wa Yeriko.

Joshua 6:21

Navo va dividza ligali vyosi vya li mu lidala, vasatsa na vakali, avana na vasakulu, ing'ombe na ligondi, nesukiri, va viita vyosi nobwogi bwekivavi.

Joshua 8:21

Na lwa Joshua na Israeli vosi va lola va kola iluku va mali kugumira lidala, nomwoki gwelidala gu dumanga igulu, navo va girukana kandi, no kwiita avasatsa va Ai.

Joshua 8:23

Na va gumira mwami wa Ai na a veye mwoyo, na va mu leta ku Joshua.

Joshua 8:8

Na ga la va, lwa mu vugula lidala, mu la hambidze lidala muliru: mu la kola kuli likuva lya Yahova; henzi, mmali ku mu laga.