Joshua 8:2 - KITABU KITAKATIFU

² na u la kolera lidala lya Ai nomwami walyo, kuli wa kolera Yeriko nomwami walyo: navutswa vilanye vyalyo, nemitugu gyalyo, mu la vugula kuva vilanye vyenyu avene: u vike iluku inyima welidala.

Joshua 8:2 Iomraidhean Croise

2 Kyetsinyinga 13:13

Navutswa Jeroboam ya lomba avaseti va kumbiridze inyima wavo navo va duka kuva imbiri wa Vayuda na vaseti inyima wavo.

2 Kyetsinyinga 20:22

Na lwa va tanga kwimba nokwidzominya, Yahova ya vika avaseti ku avana va Amon, na Moabu, na veki gulu kya Seiru, avadza ku Yuda: navo va kuywa.

Zaburi 39:6

Ligali sa mulala a gendanga na a veye kiriri vutswa; Ligali va henda mwoyo vutswa: A vungidzanga ubutugi na si a manya ibwaha a la bu vugula.

Tsing'ano 13:22

Mundu mulahi a lekera avisukulu veve miyandu; Na ubutugi bwomwoni bu vikeywi avalungi.

Tsing'ano 28:20

Musuuvirifu a la va nobugasu bunyingi; Navutswa uyu u kola bwangu kunyola ubutugi si a la vula kukalagirwa.

Jeremia 17:11

Kuli inkwari i goneranga mabuyu amasiru nokuvula kwalula, ni ndiyo a veye uyu u nyola ubutugi, navutswa si bu veye ku bulungi; bu la mu leka hagati ha madiku gege, na mu kiheri kikye a la va umusiru.

Jeremia 51:12

Mu singeridze ibendera ku madigi ga Babuloni, mu kole bulindi bwetsingulu, mu vike avalindi, mu lombe ava goneki: kigira Yahova u saaviye, nokukola aga ya vola ku yavo ava menyanga Babuloni.

Kwidzulitsa 2:35

navutswa tsing'ombe tsyavo kwa vugula kuva vilanye vyetu, halala nelilanya lya madala ga kwa vugula.

Kwidzulitsa 20:14

navutswa avakali, navana, nemitugu gyelidala, ne vi veye mu lidala lyosi, vilanye vyalyo vyosi, u vi vugule vi ve vilanye ku ive; na u lie vilanye vya avasigu vovo, vya Yahova Nyasaye wowo ya ku ha.

Kwidzulitsa 3:2

Na Yahova ya mbolera, U ta mu tia; kigira mmali kukuvikira uyu, navandu veve vosi, nekivala kikye, mmakono gogo; na u la mu kolera kuli ga wa kolera Sihon mwami na Vaamori, wa menya Heshibon.

Joshua 10:1

Na ga duka, lwa Adonizedeku mwami wa Yerusalemi ya hulira kuli Joshua ya vugula lidala lya Ai, kandi kuli a mali kulyononya ligali (kuli ya kola Yeriko nomwami walyo, na ndiyo a koli ku Ai nomwami walyo), kandi kuli avamenyi Gibeon va lombi mirembe na Israeli, na va veye halala havo;

Joshua 10:28

Na Joshua ya vugula lidala lya Makeda ku lidiku yilyo, na a li duya nobwogi bwekivavi, nomwami walyo: na a va dividza ligali na vosi ava veye mwoyo mulyo; si ya leka kali mulala wa tigala; na ya kolera mwami wa Makeda kuli ya kolera mwami wa Yeriko.

Joshua 11:14

Kandi vilanye vyosi vyamadala yago, nemitugu, avana va Israeli va vi vugula kuva lilanya lyavo avene; navutswa va kuya avandu vosi sa mulala nobwogi bwekivayi, kuduka lwa va dividza vosi, si va leka mulala wa herananga.

Joshua 6:21

Navo va dividza ligali vyosi vya li mu lidala, vasatsa na vakali, avana na vasakulu, ing'ombe na ligondi, nesukiri, va viita vyosi nobwogi bwekivavi.

Joshua 8:12

Na ya vugula avandu kuli tsielfu tsitano, na a va vika mu iluku hagati ha Betheli na Ai, ku luvega lwemadioli welidaa.

Joshua 8:14

Na ga duka, mwami wa Ai lwa ya lola likuva yilyo, hene yaho va kola bwangu na va vuka mabwebwe, na vasatsa velidala va twula kulwana na Israeli, uyu na avandu veve vosi, ku inyinga ya lagwa, imbiri we kereremu; navutswa si ya manya va veyo ava koli iluku kuye inyima welidala mba.

Joshua 8:19

Na avandu va kola iluku va vuka bwangu kutwula ha va li, navo va nyagula nonoho lwa ya mala kunyira mukono gwigwe, na vingira mu lidala, nokuligumira; na va kola bwangu kuhambidza lidala muliru.

Joshua 8:24

Na ga duka, lwa Israeli va mala kwiita avandu vosi va Ai, mu bulimu, mu kyangalangwi kya va li mu ku va londerera, navo vosi lwa va gwa ku bwogi bwekivavi, kuduka lwa va dividzwa vosi, Israeli virana Ai, nokuliduya nobwogi bwekivavi.

Joshua 8:3

Kunangwa Joshua ya vuka, na avandu vosi avelihe halala naye, kwanegira Ai: na Joshua ya tovola avandu tsielfu makumi gavaka, avandu avetsingulu nobunyali, na a va tuma mbudiku.

Joshua 8:7

na mwinye mu la vuka mu twule ha mu goneki iluku, nokuvugula lidala: kigira Yahova Nyasaye wenyu a la li vika mmakono genyu.

Joshua 8:8

Na ga la va, lwa mu vugula lidala, mu la hambidze lidala muliru: mu la kola kuli likuva lya Yahova; henzi, mmali ku mu laga.

Joshua 8:9

Na Joshua ya va tuma va tsie; navo va tsia ni va goneka iluku, ni vikala hagati he Betheli na Ai, ku luvega lwemadioli wa Ai: navutswa Joshua ya gona ubudiku yibu hagati ha avandu.

Joshua 9:3

Navutswa avandu va Gibeon lwa va hulira makuva yaga gosi aga Joshua ya kola ku avandu va Yeriko, na ava Ai,