Joshua 8:1 - KITABU KITAKATIFU

¹ Ma I anova ya volera Josnua, U ta tia mba, kinga u ta kudza mwoyo: vugula avandu vosi avelihe va tsie halala nive, na mu vuke mwanegire Ai; henza, mmali kuvika mmukono gugwo mwami wa Ai, na avandu veve, nelidala, nekivala kikye;

Joshua 8:1 Iomraidhean Croise

Zaburi 27:1

Yahova a veye ubulavu bwange na ubuhonnyi bwange; Nda tia bwaha? Yahova a veye lugaga lwelivamwoyo lyange; Nda va nobutii ku bwaha?

Zaburi 44:3

Kigira si va nyola miyandu mu kivala nekivavi kyavo avene, Kandi si gwa li mukono gwavo gwa va honnya; Navutswa mukono gugwo mulungi, nomukono gugwo, na ubulavu bwommoni mumwo Kigira wa va vererera.

Zaburi 46:11

Yahova wa amahe a veye halala nekwinye; Nyasaye wa Yakobo a veye kyo kwivisa mu kyetu. [Selaha

Isaya 12:2

Henza, Nyasaye a veye lihonywa lyange; nda suuvira, si nda tia mba: kigira Mwami, Yahova a veye tsingulu tsyange nolwimbu lwange; naye u gwiye lihonywa lyange.

Isaya 43:2

Lwa u vita mmadzi manene, nda va halala nive; nomumigera, gyi la vula kukwina; lwa u genda mmuliru, u la vula kuhya; kandi ulumemo lwomuliru si lu laaka ku ive.

Jeremia 46:27

Navutswa u ta tia mba, O Yakobo mutumekiri wange, kandi u ta timuka inkolo, O Israeli: kigira, henza, nda ku honnya kutwula ihale ligali, nekisukululwi kikyo ki twule mu kivala kyobutugwa bwakyo; na Yakobo a lirana, naye a lehodzeridza nokusosa, kandi si ha veye nowoku mutihidza.

Jeremia 49:3

Kupa tsikwili, O Heshibon, kigira Ai li dividzeywi; mu lire, mwinye vakana va Raba, mwebohe tsingubo tsyamagunia: mu syome, mu nyagule yiyi neyiyi hagati hetsingaga; kigira Malikam a la tsia mu lyadikidzwa, avasalisi veve navanene veve halala.

Danyeli 2:21

Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Danyeli 4:25

ive u la kungwa kutwula ku vandu, na limenya lilyo li la va halala ne tsinyama tsyomwigendanyama, na ive u la kolwa kulia bunyasi kuli ing'ombe, na u la nyola amadzi gelime lyomigulu, na tsinyinga tsitano na tsiviri tsi la vita ku ive; u duke kumanya uyu U Veye Igulu Ku Vyosi wamehi mu bwami bwavandu, na a hedzanga ku uyu wa a yanza.

Danyeli 4:35

na avandu vosi velirova va voleywi si va veye kindu; kandi a kolanga kuli ubulaliri bwibwe ku amahe gomigulu, kandi mu avamenya mu lirova; na si ha li noyu u nyala kugaya mukono gwigwe, kinga kumuteva, U kola ki?

Matayo 8:26

Ya va volera, Kigira ki mu tia, mwinye avelisuuvira likekeke? Hene yaho ya singira, na a gaya imbuudza nenyanza; ni gu va muleng'era munene.

Kwidzulitsa 1:21

Henza, Yahova Nyasaye wowo u viki kivala yiki imbiri wowo: wanegire, u ki gumire, kuli Yahova, Nyasaye wavaguga vovo, ya ku volera: u ta tia kinga u ta kudza mwoyo.

Kwidzulitsa 31:8

Na Yahova, niye u kwimiriranga; a la va halala nive, si a la ku gehera, kandi si a la ku leka mba: u ta tia, kinga u ta henda mwoyo.

Kwidzulitsa 7:18

U ta va tia mba: widzulitse ligali Yahova Nyasaye wowo, kuli ya kola Farao, na Egepeti yosi;

Kwidzulitsa 7:21

U ta va tia mba; kigira Yahova Nyasaye wowo a veye hagati hoho, Nyasaye munene welitihidza.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 10:7

Kunangwa Joshua yanegira kutwula Gilgali, uyu, na avandu velihe vosi halala naye, na vetsingulu na avobunyali vosi.

Joshua 10:8

Na Yahova ya volera Joshua, U ta va tia: kigira mmali kuvavika mmakono gogo, si ha veye nomundu kali mulala muvo u nyala kusingira imbiri wowo.

Joshua 2:24

Na va volera Joshua, Ligali Yahova u viki mmakono getu kivala yiki kyosi; kandi kuvita yaga avamenyi mu kivala yikyo vosi va yenguki kigira kwinye.

Joshua 6:2

Yahova ya volera Joshua, Henza, mbiki Yeriko mmukono gugwo, nomwami walyo, na avandu avaluviriri avobunyali.

Joshua 7:9

Kigira Vakanani na avandu vosi va menya mkivala va la ga hulira na va la ku kumberidza, nokutwulidza lieta lyetu ku lirova: na ive u la kola ki ku lieta lilyo linene?