Joshua 7:26 - KITABU KITAKATIFU

²⁶ Na va vungidza kuye kitumi kinene kyamagina, kuduka lero; na Yahova ya girunkana ku bululu bwobutima bwibwe. Kigira yaga lieta lya ha zana lya langwa, Livona lya Akori, kuduka lero.

Joshua 7:26 Iomraidhean Croise

2 Samweli 18:17

Na va ginga Abisalom, nokumusikisa mbogo bunene mu mulitu, navo va vungidza kuye kitumi kyamagina kinene: ma Israeli vosi viruka sa mulala ya tsia mu lihema lilye.

2 Samweli 21:14

Na va ta vigumba vya Saulo nevigumba vya Jonathan mwana wewe mu kivala kya Benja mini mu Zela, mu kilindwa kya dada wewe Kishi: na va dukidza gosi agomwami ya laga. Na lwenyima ku vaga Nyasaye ya bugirira lisaala kigira kivala.

2 Kyetsinyinga 29:10

Ka lunu ga veye mu mwoyo gwange kulomba lilagana na Yahova, Nya saye wa Israeli, ubutima bwibwe bululu bu duke kutwula ku kwinye.

Ezara 10:14

Avanene vetu va vikirwe livugana lyosi, navandu vosi ava li mu madala ava kwa avakali vageni va tsie ku inyinga ya lagwa, navakulundu velidala se lilala, halala navakalagi valyo, kuduka ubutima bululu bwa Nyasaye wetu bu giru nkanywe bu vule kuva ku kwinye, kuduka inkuva yiyi i heridzwe.

Zaburi 85:4

U kwirannye, O Nyasaye wobuhonnyi bwetu, Nokuheridza ubutima bubwo ku kwinye.

Kutwula 32:12

Kigira ki Avaegepeti va nyala kumoloma, nokuvola, Ya va twulidza ku va kolera ubudamano, a duke kuvitiira mu vigulu, nokuvadividza va vule kuva ku lirova? U girunkane kutwula ku butima bululu bubwo, na weganire ubudamano yibu bwa u veye nabwo ku avandu vovo.

Isaya 40:2

Mu volere Yerusalemi agokuleminya; mu hanzuke kulyo, mu vole, ubulwani bwalyo bu heri, mahyolo gege ga sameheywi, u vuguye mu mukono gwa Yahova hali kaviri kigira ubwoni bwibwe bwosi.

Isaya 65:10

Na Sharon ki la va kego kyevyayo, nelivona lya Akori ha la va hetsing'ombe tsi gona, kigira avandu vange va nyenyi.

Lisyoma lya Jeremia 3:53

Va twulidzi livamwoyo lyange mu inyumba ya hasi ligali, va teye ligina ku inze.

Hosea 2:15

Na nda mu ha milimi gyigye gyemizabibu kutwula ha zana, nelivona lya Akori kuva muhango gwelisuuviridza; naye a la tivulira yo, kuli ya kola mu madiku gobusoleli bwibwe, kandi kuli ya kola ku lidiku lya yanegira kutwula mu kivala kya Egepeti.

Hosea 2:17

Kigira nda twulidza ameta ga Vabaal mmunwa gwigwe, na si va la talwa ku ameta gavo.

Joeli 2:13

Mu tandule mwoyo, mu ta tandula tsingubo tsyenyu, mwirane ku Yahova Nyasaye wenyu; kigira uyu a veye netsimbabasi na livererera, si a vihirirangwa bwangu, a veye netsimbabasi tsinyingi, na yeganiranga ku kivi.

Joeli 2:18

Hene yaho Yahova ya kendekera kivala kikye, na a vererera avandu veve.

Jona 1:15

Kunangwa va vugula Jona, ni va mu ta mu inyanza; na inyanza ya leka kuhinulanywa.

Zekaria 6:8

Ma ya nyanira, nokuvolera inze, na a vola, Henza, tsi tsiye ku luvega lwekivala kya kasikasini tsi neminye mwoyo mu kivala kya kasikasini.

Livalidza 25:8

na ya londa mundu wa Israeli ni yingira mu lihema inyima wewe, na a va tumita vombi, mundu uyu wa Israeli, nomukali hagati heinda yeye. Na ndiyo iplegi ya gaywa mu avana va Israeli.

Kwidzulitsa 13:17

Si ki la handa ku mukono gugwo kindu ku vyosi kya laamwa; Yahova a girunkane kutwula ku ubululu bwobutima bwibwe, a ku vererere, a ku kolere tsimbabasi, na a ku kole kuva avanyingi, kuli yesuhira avaguga vovo;

Kwidzulitsa 13:18

lwa u hulira mwoyo gwa Yahova Nyasaye wowo, nokugumira malago gege gosi ga nku laganga lero, u kole ago bulungi mmoni mwa Yahova Nyasaye wowo.

Joshua 10:27

Na inyinga ya liuva lya yera, Joshua ya laga, navo va va twulidza ku misala, ni va va ta mu luhangaywa ha va li ni vivisa, na va vika magina manene mmunwa gwoluhangaywa, kuduka lidiku lya lero.

Joshua 7:24

Na Joshua, na Israeli vosi halala naye, va vugula Akan mwana wa Zera, nefetha, na ijoho, nekelezera kyethahabu, na avana vayai veve, na avana vakana veve, netsing'ombe tsitsye, netsisukiri tsitsye, na magondi gege, nelihema lilye, na vyosi vya ya li navyo: va vi leta nokuvyanigeridza kuduka mwivona lya Akori.

Joshua 8:29

Na ya sunga mwami wa Ai ku musala kuduka mgolova: na lwa liuva lya yera Joshua ya laga, na va twulidza mubiri gwigwe ku musala, nokuguta ha bwingiriru bwekiribwa kyelidala, ni va vungidza kugwo kitumi kinene kya magina, kuduka lero.