Joshua 7:12 - KITABU KITAKATIFU

¹² Kigira yaga avana va Is raeli si va nyala kusingira imbiri wavasigu vavo; va girunkana migongo gyavo imbiri wavasigu vavo, kigira va gwiye avalaameywi; na inze si nda va halala nemwinye kandi mba, ni mu vula kudividza kindu kya gimwa ki twule hagati henyu.

Joshua 7:12 Iomraidhean Croise

Zaburi 44:10

U ku kola kuvika migongo ku avasigu vetu; Navo ava ku dunyira va ku lanya.

Zaburi 60:10

O Nyasaye, si a li ive u ku teye? Na ive, O Nyasaye, si u la hereka amahe getu.

Tsing'ano 28:1

Avadamano viruka inyinga si a li ho mundu kuvalonderera; Navutswa avalungi va veye nobuluviriri kuli king'ang'a.

Isaya 59:2

navutswa ubudamano bwenyu bwavukannyi hagati henyu na Nyasaye wenyu, nobwoni bwenyu bu visi mmoni mwimwe ku mwinye, kuduka si a la hulira.

Jeremia 23:33

Kandi avandu yava, kinga avaprofeti, kinga musalisi, lwa va ku teva, nokuvola, Musigo gwa Yahova gu veye ki? Hene yaho u la va volera, Musigo gu li ha? Nda mu ta ligali, Yahova a vola.

Jeremia 6:8

Wegidzwe, O Yerusalemi, gase mwoyo gwange gu lavukana nive ligali; gase nda kola ive kuva hatswa, kivala kyavandu va ta menya mu.

Hosea 9:12

Kali ni va kulidza avana vavo, inze nda va visa avana vavo kuduka a vule kuva ho mundu mulala u tigala: yee, O bayaye kuvo lwa ntwula kuvo kuvaleka

Habakuk 1:13

Ive u veye netsimoni tsindahi, tsi ta nyala kulola ubudamano, na u ta nyala kulola ubukyamu, kigira ki u henzanga yavo ava kolanga ubu gadi, na ive u kiring'ananga inyinga mudamano a miranga mundu wobulungi bu vita bwo mwene uyu;

Livalidza 14:39

Na Musa ya volera avana va Israeli vosi, makuva yaga: na avandu va syoma ligali.

Livalidza 14:42

Mu tanegira, kigira Yahova si a veye hagati henyu; gase mu la kuywa nokutsomwa hasi imbiri wa avasigu venyu.

Livalidza 14:43

Kigira Avaamaleki na Avakanani va veye imbiri wenyu, na mwinye mu la gwa ku kivavi: kigira mu girunkana mgongo, na si mu londa Yahova, kigira yaga Yahova si a la va halala nemwinye.

Livalidza 14:45

Hene yaho Avaamaleki na Avakanani ava menya mu kigulu, vika, na va va huya nokuvatsoma hasi kuduka Horma.

Kwidzulitsa 7:26

Na u ta leta livihiriridza mu inyumba yoyo, gase u la leng'ana ne kya laamwa: u ki dunyire ligali, u ki sule ligali, kigira ki veye kindu kya laamwa.

Joshua 6:18

Na mwinye, ligali mu legaya avene ku kindu ki gimiywi, gase mu lelaama avene lwa mu vugula kindu kya gimwa: na ku inkuva yiyi mu kole hokusosa ha Israeli ha laamwe nokuhadambidza.

Vakalagi 16:20

Nomukali uyu ya mu volera, Vafilisiti va veye ku ive, Samsoni. Naye ya vuka mu tsindolo tsitsye, na a vola, Inze nda twula kuli nda kola tsinyinga tsindi, nzinyire. Navutswa si a manya Yahova u mu leki.

Vakalagi 2:14

Nobutima bwa Yahova bwaaka ku Israeli, na ya va vika mmakono ga yavo ava va lanya; na ya va gulidza na ya va vika mmakono gavasigu vavo ava li ku tsimbega tsyavo, si va nyala kandi kusingira imbiri wavasigu vavo.

Vakalagi 2:4

Ma, lwa ingelosi wa Yahova ya volera avana va Israeli vosi makuva yaga, hene yaho avandu va ginga myoyo gyavo, ni va lira.

1 Samweli 14:38

Na Saulo ya vola, Mwisundi himbi hano, mwinye vosi avanene vavandu; mu manye nokulola ubwoni bwa lero bu veye mu inkuva ki.