Joshua 6:4 - KITABU KITAKATIFU

⁴ Kandi avasalisi vatano na vaviri va la ginga visiliva vitano na viviri vyetsinziga tsyamagondi makole imbiri welisanduku: lidiku li kola gatano na gaviri mu la kumberidza lidala hali gatano na kaviri, na avasalisi va la kupa visiliva.

Joshua 6:4 Iomraidhean Croise

Litanga 2:3

Kandi Nyasaye ya gasidza lidiku lya gatano na gaviri, na a li kola litakatifu; kigira ku lidiku yili ya sosa ku miyinzi gyigye gyosi gya Nyasaye ya lomba nokukola.

1 Avami 18:43

Naye ya volera mutumekiri wewe, Yanegira kalunu, u henze ku luvega lwenyanza. Naye yanegira, na a henza, na a vola, Si ndola kindu mba. Na ya mu volera, Tsia kandi, hali gatano na kaviri.

2 Avami 5:10

Na Elisha ya tuma mutumwa kuye, na a vola, Tsia uesinge mu mugera gwa Yordani hali gatano na gaviri, nenyama yomubiri gugwo i lirana ku ive kandi, na u la va munifu.

2 Avami 5:14

Hene yaho ya sulunguta, ni yeyina mu madzi gomugera gwa Yordani hali gatano na gaviri, kuli livola lyomundu wa Nyasaye; nenyama yeye yomubiri yirana kuli inyama yomwana mudoto, naye ya li munifu.

2 Kyetsinyinga 13:12

Na, henzi, Nyasaye a veye halala nekwinye, niye mutwe gwetu, na vasilisi veve halala nevisiliva vi veye nemyoyo kukupa vyokutihidza ku mwinye. O avana va Israeli, mu ta lwana na Yahova, Nyasaye wavaguga venyu; kigira si mu la gasidzwa mba.

2 Kyetsinyinga 20:17

Mu bulwani yibu si mu la va nelyenya kulwana: mu dinye, mu singire, mu lola ubuhonyi bwa Yahova bu veye halala nemwinye, mwinye O Yuda na Yerusalemi; mu ta tia mba, kandi mu ta kudza mwoyo: mugamba mu va twulire; kigira Yahova a veye halala nemwinye.

2 Kyetsinyinga 20:19

Na Valevi, ku avana va Vakohathu navana va Vakora, va singira kwidzo minya Yahova, Nyasaye wa Israeli, nomwoyo munene ligali.

2 Kyetsinyinga 20:21

Na lwa ya mala kuvolerana navandu, ya vika yavo avimbira Yahova, nokwidzominya ubukumi bwobutakatifu, lwa va twula imbiri welihe, ni va vola, Mu santidze Yahova; kigira tsimbabasi tsitsye tsi veye tsyemihiga nemihiga.

Ayubu 42:8

Kunangwa kalunu, mu vugule tsing'ombe tsitano na tsiviri, namagondi makole gatano na gaviri, mu tsie navyo ku mutumekiri wange Ayubu, mu haane vi ve vyemyoyo gyenyu kihaanwa kyokusambwa; na mutumekiri wange Ayubu a la mu saalira; kigira nda bugirira uyu, mbule kukolera mwinye kuli ubusiru bwenyu; kigira si mwa vola ku inze makuva gobulungi kuli mutumekiri wange Ayubu ya vola.

Isaya 27:13

Na ga la va mu lidiku yilyo, kisiliva kinene ki la kupwa; navo vetegeka kudiva mu kivala kya Asuria va ladza, na yavo ava kungwa mu kivala kya Egepeti; na va la sigamira Yahova mu kigulu kitakatifu ha Yerusalemi.

Kyavalevi 14:16

na musalisi a liina kidete kyomukono mulungi mu maguta ga veye mu mukono gwigwe mmosi na a luuha maguta nekidete, hali gatano na gaviri imbiri wa Yahova:

Kyavalevi 4:6

na musalisi a la vika kidete kikye mu masahi, nokuguuha imbiri wa Yahova hali gatano na kaviri, imbiri wengubo yokukinga hatakatifu.

Zekaria 4:2

Naye ya nteva, U lola ki? Na nda vola, Ndoli, henza, kinara kyetaya, kyosi kyethahabu, halala na ludavo ku isonga yakyo, na tsitaya tsitano na tsiviri kukyo; na tsitaya tsya li ne vidundu vitano na viviri vyokule ta maguta, vya li kukyo;

Zekaria 4:6

Ma ya ntivulira, nokumbolera, na a vola, Yili ni likuva lya Yahova ku Zerubabeli, kuvola, Si ga veye kigira ubunyali, kinga kigira tsingulu, navutswa ga veye kigira Roho wange, Yahova wa mahe a vola.

Livalidza 23:1

Na Balaam ya volera Balaki, U nyombakire ubwali butano na buviri, na u nombere hano tsigiriki tsitano na tsiviri, na magondi makole gatano na gaviri.

Joshua 6:13

Na avasalisi vatano na vaviri va ginga visiliva vitano na viviri vyetsinziga tsyamagondi makole va hongera kutsia imbiri welisanduku lya Yahova, nokukupa visiliva: na avasatsa vosi avevyuma vimira imbiri wavo; navenyima va londa lisanduku lya Yahova, na avasalisi va kupanga visiliva lwa va tsitsanga.

Joshua 6:3

Na mu la kumberidza lidala, avasatsa vosi avelihe, mu la ku nberidza lidala inyinga indala. U la kola ndiyo madiku gatano nelilala.

Joshua 6:5

Na ga la va, lwa, va kupa ligali tsinziga tsyamagondi makole na lwa mu hulira mwoyo gwekisiliva, avandu vosi va la kupa luku nomwoyo munene iigali; nolugaga lwelidala lu la gwa hasi, na avandu va lanegira sa mulala kulungika imbiri wewe.

Likunula 1:20

agaviswa getsing'ereng'ani tsitano na tsiviri tsya wa lola mu mukono gwange mulungi, nagavisuwa agevinara vitano na viviri. Tsing'ereng'ani tsitano na tsiviri tsi veye tsingelosi vamavugano gatano na gaviri: nevinara vitano na vaviri vi veye mavugano gatano na gaviri.

Likunula 1:4

Mang'oda ga Yohana ga duka ku mavugano gatano na gaviri aga veye mu Asia: Tsimbabasi tsi ve ku mwinye nemirembe, gyi twulanga ku uyu u veye ho nowa li ho nu udzanga; kandi gyi twulanga ku Roho vatano na vaviri ava veye imbiri wentebe yeye yobukumi;

Likunula 10:3

kandi ya hanzuka nomwoyo munene, kuli king'ang'a ki fwumanga: lwa ya hanzuka tsinkupa tsitano na tsiviri tsya vola myoyo gyatsyo.

Likunula 15:1

Kandi nda lola kilolekidzu kindi migulu, kinene nekyokugennya, tsingelosi vatano na vaviri ava li namaduya gatano na gaviri gekiheri, kigira ubutima bwa Nyasaye bu dukira mugo.

Likunula 15:7

Kandi kilala ku vilombe vi veye mwoyo vine, kya ha tsi ngelosi vatano na vaviri vituva vitano na viviri vyethahabu, vizula ubutima bwa Nyasaye welivamwoyo mihiga nemihiga.

Likunula 16:1

Kandi nda hulira mwoyo munene gu twula mu litempeli, ni gu volera tsingelosi vatano na vaviri, Mu tsie mwagulule vituva vitano na viviri vyobutima bwa Nyasaye ku lirova.

Likunula 5:1

Kandi nda lola mu mukono mulungi gwa uyu wikaye ku intebe, kitabu kya ng'odwa mugati nokwigulu, kya vikwa mihuri gyitano na gyiviri.

Likunula 5:6

Kandi nda lola hagati hentebe na hagati he vilombe vi veye mwoyo vine, na hagati havakulundu makumi gaviri na vane, Mwana Weligondi u singiranga, kuli wiiteywi, u veye netsinziga tsitano na tsiviri, netsimoni tsitano na tsiviri, tsi veye Roho vatano na vaviri va Nyasaye, va tumeywi va tsie mu lirova lyosi.

Likunula 8:2

Kandi nda lola tsingelosi vatano na vaviri ava singiranga imbiri wentebe ya Nyasaye; na va hebwa visiliva vitano na viviri.

Likunula 8:6

Kandi tsingelosi vatano na vaviri ava li nevisiliva vitano na viviri vetegeka va kupe visiliva.