Joshua 6:27 - KITABU KITAKATIFU

²⁷ Ni ndiyo Yahova ya li halala na Joshua; lidzominywa lilye lya landa mkivala yikyo kyosi.

Joshua 6:27 Iomraidhean Croise

Litanga 39:21

Navutswa Yahova ya li halala na Yosefa, na a mu vera tsimbabasi imbiri womulindi wenyumba yavahambe.

2 Samweli 7:9

na nda li halala nive hosi ha wa tsia, na nda kalaga avasigu vovo va twule imbiri wowo; na nda ku lombera lieta linene, kuli lieta lya vanene va veye mu lirova.

1 Kyetsinyinga 14:17

Noluyali lwa Daudi lwa landa kuduka mu vivala vyosi; na Yahova ya leta litihidza lilye ku tsihiri tsyosi.

Esther 9:4

Kigira Mordekai ya li munene mu inyumba yomwami, na makuva geli dzominywa lilye ga landa mu tsi provinse tsyosi; kigira mundu uyu Mordekai ya; dasa kugwa munene kuvita.

Matayo 14:1

Inyinga yeyo Herodi mtetrarka ya hulira amakuva ga Yesu,

Matayo 18:20

Kigira ha vaviri va vugani kinga vavaka ku lieta lyange, inze mbeye hagati havo.

Matayo 28:20

mu vegidze kugumira vyosi vya nda mu laga: kandi, henza, inze mbeye haiala nemwinye madiku gosi, kali kuduka ku kiheri kyenyinga.

Matayo 4:24

Amakuva gege ga landa mu Siria yosi: ni va mletera avalwaye vosi, ava li netsinkudzo lugano lugano, nobusaliri, navo ava li na mademone, na va li nendulume, navaleema; naye ya va honnya.

2 Vakorintho 13:14

Tsimbabasi tsyo Mwami Yesu Kristo, nobuyanzi bwa Nyasaye, nelisanga lya Roho Mutakatifu, vi ve nemwinye mwosi.

Kwidzulitsa 31:6

Mu ve avagulu navaluviriri, mu ta va nobutii, kandi mu ta va tia: kigira Yahova Nyasaye wowo, niye u tsitsanga halala nive; si a la ku gehera, kandi si a la ku leka mba.

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

2 Timoteo 4:22

Mwami a ve na roho gugwo. Tsimbabasi tsi ve na ive.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 9:1

Na ga duka, avami vosi va li engereka ya Yordani, mu kivala kyevigulu, no mu kivala kereremu noku luginga lwe inyanza inene kuhenza Lebanon, Muhiti, na Mwamori, no Mukanani, na Muperizi, no Muhivi, no Mujebusi, lwa va hulira makuva gevindu yivi;

Joshua 9:3

Navutswa avandu va Gibeon lwa va hulira makuva yaga gosi aga Joshua ya kola ku avandu va Yeriko, na ava Ai,

Joshua 9:9

Navo va mbolera, Kwinye avatumekiri vovo ku twuli mu kivala kyehali kigira lieta lya Yahova Nyasaye wowo: kigira kwinye ku huliye lidzominywa lilye, na makuva gosi aga ya kola mu Egepeti,

Vakalagi 1:19

Na Yahova ya li halala na Yuda; na ya kunga avamenyi mkivala kyevigulu; navutswa si ya nyala kukunga avamenyi mwivona, kigira va li namagari gekivya.

1 Samweli 18:14

Na Daudi ya kola nobugeeri mu tsinzira tsitsye tsyosi; na Yahova ya li halala naye.

1 Samweli 2:30

Kunangwa Yahova, Nyasaye wa Israeli, a vola, Inze nda vola, Ligali inyumba yoyo, nenyumba yadada wowo, i la genda imbiri wange kazozo: navuts va kalunu Yahova a vola, Inkuva yiyi i veve ihale ku inze; kigira yavo vidzominya inze nda vidzominya, na yavo va lega inze va la v olerwa, si vn veye kindu.