Joshua 6:22 - KITABU KITAKATIFU

²² Ma Joshua ya volera avandu vaviri ava li valuti vekivala, mu tsie mwingire mu inyumba ya wamalaya uyu, mu twulidze mukali uyu, nevindu vyosi vya a veye navyo, kuli mwamwisuhira.

Joshua 6:22 Iomraidhean Croise

2 Samweli 21:2

Nomwami ya langa Vagibeoni, na a va volera (Vagibeoni si va veye ku avana va Israeli, navutswa ku yavo va tigala Vaamori; navana va Israeli va li va visuhiye: na Saulo mu lididikana lilye lya ya li nalyo ku Israeli na Yuda, yenya kuviita);

2 Samweli 21:7

Navutswa mwami ya vererera Mefiboshethu, mwana wa Jonathan mwana wa Saulo, kigira lisuha lya Yahova lya li hagati havo, hagati ha Daudi na Jonathan, mwana wa Saulo.

Zaburi 15:4

Mu tsimoni tsitsye mundu mudamano a legannywa, Navutswa yidzominya yavo ava tia Yahova; Uyu yesuha ku lyekolera ubudamano mwene, na si a girunkannya mba;

Ezekieli 17:13

Na ya vugula mulala ku kisukululwi kyobwami, na a lomba lilagana naye, na ya mwisuhidza, nokuhila avetsingulu vekivala;

Ezekieli 17:16

Kuli inze mbeye mwoyo, Mwami Nyasaye a vola, Ligali ha a menyanga uyu mwami wa mwamehidza, wa ya lega lyesuha lilye, nokwononnya lilagana lilye, kali halala na uyu hagati ha Babuloni a la kudzira ho.

Vahebraina 11:31

Ku lisuuvira Rahabu wamalaya si ya diva halala na yavo ava vula kuhulira, kigira yingiridza avaluti nemirembe.

Joshua 6:17

Na lidala lyosi li la gimwa, lyene na vyosi vi veye mulyo, ku Yahova: na a ta li Rahabu wamalaya, uyu a la va mwoyo, navo vosi ava veye halala naye mu inyumba yeye, kigira ya visa avatumwa va kwa tuma.

Joshua 6:23

Kunangwa avasoleli yavo avaluti vingira, na va twulidza Rahabu, na dada wewe, na mama wewe, na vamwavo veve, na vyosi vya ya li navyo, aviko veve vosi; va va vika kyova hokusosa ha Israeli.

Joshua 9:15

Na Joshua ya va kola mirembe navo nokulomba lilagana halala navo, va va leke kuva mwoyo: na vanene velivugana va visuhira.

Vakalagi 1:25

Naye ya va mannya hokwingira helidala; navo va kuya lidala nobwogi bwekivavi; navutswa va leka mundu uyu a hone na aviko veve vosi.