Joshua 4:6 - KITABU KITAKATIFU

⁶ liduke kuva lilolekidza ku mwinye, lwa, avana venyu va li mu teva ku madiku gadzanga, ni va vola, Kivune kya magina yaga ki veye ki?

Joshua 4:6 Iomraidhean Croise

Zaburi 44:1

Ku huliye na amatu getu, O Nyasaye, Avaguga vetu va ku voleye, Vikolwa vya wa kola mu madiku gavo, Mu madiku ga kale.

Zaburi 71:18

Yee, kali lwa mbeye musakulu nowetsimbudze, u ta ndeka, O Nyasaye, Nduhe mbole tsingulu tsitsyo ku kisukululwi yiki, Na ubunyali bubwo ku vosi avadzanga.

Kutwula 12:14

Na lidiku yili li la va lyokwidzulitsa ku mwinye, na mu la li linda li ve lidiku linene ku Yahova: mu visukululwi vyenyu mu la li linda li ve lidiku linene kuva lilaga lyemihiga nemihiga.

Kutwula 13:14

Kandi ga la va, lwa mwana wowo a la ku teva inyinga yidzanga, na a vola, Ni kindu ki yiki?Ive u la mu volera, Yahova ya ku twulidza mu kivala kya Egepeti nomukono gwetsingulu, mu inyumba yobutugwa.

Kutwula 13:9

Kandi li la va lilolekidza ku ive ku mukono gugwo, na kyokwidzulitsa hagati hetsimoni tsitsyo, lilaga lya Yahova li duke kuva mu munwa gugwo: kigira Yahova u ku twulidzi mu kivala kya Egepeti nomukono gwteingulu.

Kutwula 31:13

U volere avana va Israeli, na u vole, Ligali mu la gumira masabato gange: kigira ga veye kilolekidzu hagati hange na mwinye mu visukululwi vyenyu vyosi; mu duke kumanya inze mbeye Yahova u takasanga mwinye.

Isaya 38:19

Welivamwoyo, welivamwoyo a la kwidzominya, kuli nkolanga lero: Avadada va legidza avana geligali gogo.

Isaya 55:13

Mbugono bwelitagalu mutaragwa gu la mera mu; nobugono bwolutavati ulwuvu lu la mera mu: na ga la va gokuha Yahova lieta, kuva kilolekidzu kyemihiga nemihiga ki ta hera mba.

Ezekieli 20:12

Kandi nda va ha masa bato gange, ga duke kuva lilolekidza hagati hange navo, va duke kumanya inze mbeye Yahova u va takasanga.

Ezekieli 20:20

mu takase masabato gange; nago ga la va kilolekidzu hagati hange nemwinye, mu duke kumanya mbeye Yahova Nyasaye wenyu.

Livalidza 16:38

kali vituva vya avoni yava, aveyononya liva lyavo avene; navyo vi kolwe vibalebale kuva vikuniku vyobwali: kigira vya haanwa imbiri wa Yahova, kigira yaga vi veye vitakatifu; na vi la va kilolekidzu ku avana va Israeli.

Vikolwa 2:39

Kigira lisuuviridza yili li veye ku mwinye, noku vana venyu, noku vosi ava veye hale, ku vosi vo Mwami Nyasaye wetu a la langa vadze kuye.

Kwidzulitsa 11:19

Na mu legidza avana venyu makuva, ku ga vola, lwa wikalanga mu inyumba yoyo, na lwa u gendanga ku inzira, na lwa u gonanga, na lwa u vukanga.

Joshua 22:27

navutswa bu la va lilolekidza hagati hetu nemwinye, kandi hagati hevisukululwi vyetu inyima wetu, kuduka kukola ubutumekiri bwa Yahova imbiri wewe nevihaanwa vyokusambwa, halala nevihaanwa vyetu, noku vihaanwa vyetu vyemirembe; avana venyu va vule kuvolera avana vetu mmadiku gadzanga, Mwinye si mu veye nekidieli mu Yahova.

Joshua 4:21

Naye ya volera avana va Israeli, na a vola, Lwa avana venyu va li teva vadada vavo mu madiku gadzanga, ni va vola, Kivune kyamagina yaga ki veye ki?

Joshua 4:5

na Joshua ya va volera, Mu vite mwimiri imbiri welisanduku lya Yahova Nyasaye wenyu, mu tsie hagati ha Yordani, mu vugule sa mulala ku mwinye ligina lilala kwivega lilye, kuli livalidzwa lyetsihiri tsyavana va Israeli;