Joshua 3:7 - KITABU KITAKATIFU

⁷ Na Yahova ya volera Joshua, Lero ndi nda tanga kukukuminya imbiri wetsimoni tsya Israeli vosi, va duke kumanya, kuli nda li halala na Musa, ni ndiyo nda va halala nive.

Joshua 3:7 Iomraidhean Croise

1 Kyetsinyinga 29:25

Yahova ya kuminya ligali Solomoni imbiri wetsimoni tsya Israeli vosi, nokumuha ubukumi bwobwami bwelifwana lyabwo lya vula kuva ho ku mwami wundi mu Israeli.

2 Kyetsinyinga 1:1

Na Solomoni mwana wa Daudi ya nyola tsingulu mu bwami bwibwe, na Yahova Nyasaye wewe ya li halala naye, na a mu kuminya ligali.

Ayubu 7:17

Mundu a veye ki, u duke kumukuminya, Nokumuvika mu mwoyo gugwo,

Zaburi 18:35

Kandi u mpeye ingavo yobuhonnyi bubwo; Na mukono gugwo mulungi gu ngingi Na ubuhoma bubwo bu nnenehidzi.

Yohana 17:1

Yesu ya vola yaga, na a digulukidza tsimoni tsitsye igulu, na a vola, Dada, isaa i mali kuduka u kuminye Mwana wowo, Mwana a duke kukuminya ive:

Vafilipi 1:20

kuli lihenzerera lyange lyobugulu nelisuuvira lyange mu vyosi si nda legannywa, navutswa ku buluviriri bwosi, kuli madiku gosi kandi ndiyo kalunu, Kristo a la kuminywa mu mubiri gwange, ni ga va ku livamwoyo, kinga ku likudza.

Joshua 1:17

Kuli kwa hulira Musa mu vindu vyosi, ku la hulira ive ndiyo: Yahova Nyasaye wowo a ve halala nive, kuli ya li halala na Musa, yaga geng'ine.

Joshua 1:5

Si ha la va nomundu ku vosi u nyala, kusingira imbiri wowo madiku gosi aga u va mwoyo: kuli nda li halala na Musa, ni ndiyo nda va halala nive; inze ligali si nda ku gehera mba, kandi si nda ku leka mba.

Joshua 1:9

Si nda ku laga? U ve mugulu nomuluviriri; u ta tia, kandi u ta kudza mwoyo: kigira Yahova Nyasaye wowo a veye halala nive hosi ha u tsitsanga.

Joshua 3:6

Kandi Joshua ya volera vasalisi, nokuvola, Mu gingi lisanduku lyelilagana, mu tange kwambuka. Navo va ginga lisanduku lyelilagana, na vimirira avandu.

Joshua 3:8

Na u la laga vasalisi va ginganga Iisanduku lyelilagana, nokuvola, Lwa mu duka ku luginga lwamadzi ga a Yordani, mu la singira mu Yordani.

Joshua 4:14

Ku lidiku yilyo Yahova ya kuminya Joshua imbiri wetsimoni tsya Israeli vosi; navo va mu tia, kuli wa va tidzanga Musa, madiku gosi gelivamwoyo lilye.