Joshua 3:10 - KITABU KITAKATIFU

¹⁰ Na Joshua ya vola, Ku yaga mu la manya Nyasaye a veye mwoyo a veye hagati henyu, kandi uyu si a li vula kukunga nokutwulidza imbiri wenyu Vakanan, na Vahiti, na Vahivi, na Vaperizi, na Vagirigashi, na Vaamori, na Vajebusi.

Joshua 3:10 Iomraidhean Croise

Litanga 15:21

na Vaamori, na Vakanani, na Vagirigashi, na Vajebusi.

1 Avami 22:28

Na Mikaiya ya mu volera, Nu u va nu wirana nemirembe ligali, Yahova si a vola nomunwa gwange mba. Ya vola, Mu hulire, avandu mwinye mwosi.

2 Avami 19:4

Namusya Yahova Nyasaye wowo a la hulira makuva yaga gosi aga Rabishake, wa mwami wa Asuria munene wewe a tumi kulega Nyasaye u veye mwoyo, namsya Nyasaye a la gondokira amakuva aga Yahova Nyasaye wowo a huliranga: kigira yaga ginga lisaala lilyo kigira litigala lya yavo avatigala.

1 Kyetsinyinga 1:14

na Vajebusi, na Vaamori, na Vagirigashi,

Zaburi 42:2

Mwoyo gwange gu veye nobuluhu ku Nyasaye, ku Nyasaye u veye mwoyo: Nda duka kuloleka imbiri wa Nyasaye inyinga ki?

Zaburi 9:16

Yahova yelolekidzi mwene, a lombi likalaga: Mudamano u tegeywi mu likola lyamakono gege mwene. (Higaion. Selaha)

Kutwula 17:7

Naye ya gulika ha zana Masa, na Meriba, kigira lihing'ana lya avana va Israeli, kandi kigira va geridza Yahova, ni va teva, Yahova a veye hagati hetu, naho mba?

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Kutwula 33:2

na nda tuma ingelosi imbiri wowo, na nda kunga Avakanani, na Avaamori na Avahiti, na Avaperizi, na Avahivi, na Avajebusi:

Isaya 7:14

Ki gira yaga Yahova mwene a la mu ha kilolekidzu; henza, mukana mugima a la vereka, na a livula mwana muyai, na a la mu gulika lieta lilye Imanueli.

Jeremia 10:10

Navutswa Yahova a veye Nyasaye weligali; Nyasaye u veye mwoyo, Mwami wemihiga nemihiga: lirova li degera ku ubutima bwibwe, avetsihiri si va nyala kusingira imbiri wobutima bwibwe.

Hosea 1:10

Navutswa livalidzwa lyavana va Israeli li la duka kuva kuli muyeke gwomunyanza, gu ta nyala kugerwa kinga kuvalidzwa; kandi ga la va, ha makuva yaga ga volwa, Mwinye si mu veye avandu vange, va la volerwa ho, Mwinye mu veye avana va Nya saye welivamwoyo.

Livalidza 13:29

Amaleki va a menya mu kivala kya Kusini; na Avahiti, na Vajebusi, na Vaamori, va menyanga mu kivala kyevigulu; na Avakanani va menya ku luginga lwenyanza, noku luginga lwa Yordani.

Matayo 16:16

Simoni Petro ya tivula, na a vola, Ive u veye Kristo, Mwana wa Nyasaye weliva mwoyo.

Yohana 6:69

Kandi kwinye ku suuviye, na ku manyi, ive u veye Mutakatifu wa Nyasaye.

Kwidzulitsa 31:17

Hene yaho ubutima bwange bu laaka kuvo lidiku yilyo, na nda va leka, na nda visa mmoni mwange kuvo, va duke kumirwa, nobudamano bunyingi nekivi vi la duka kuvo, kuduka va vole lidiku yilyo, Ubudamano bunyingi yibu bu duki ku kwinye si ga veye kigira Nyasaye wetu si a veye hagati hetu?

Kwidzulitsa 5:26

Kigira ku mibiri gyosi, ni bwaha wa hulira mwoyo gwa Nyasaye u veye mwoyo, gu vola kutwula hagati ho muliru, kuli kwinye, na a vula kukudza?

Kwidzulitsa 7:1

Lwa Yahova Nyasaye wowo a ku leta mu kivala kya u tsitsanga kukigumira, nokukunga tsihiri tsinyingi imbiri wowo, Vahiti, na Vagirigashi, na Vaamori, na Vakanani, na Vaperizi, na Muhivi na Vajebusi, tsihiri tsitano na tsiviri tsinene tsyetsingulu kuvita ive;

Kwidzulitsa 7:21

U ta va tia mba; kigira Yahova Nyasaye wowo a veye hagati hoho, Nyasaye munene welitihidza.

1 Vatesalonike 1:9

Kigira avene va vola amakuva getu agolugano lwelingira lyetu ku mwinye; kandi kuli mwa vika ha mugongo misambwa, nokuyeka ku Nyasaye, nokutumekira Nyasaye u veye mwoyo kandi weligali,

Vahebraina 10:31

Li veye likuva lyokutihidza kugwa mu makono ga Nyasaye welivamwoyo.

Joshua 11:3

ku Vakanani ku luvega lwevugwe noku luvega lwemadioli, ku Vaamori, na Vahiti, na Vaperizi, na Vajebusi mu kivala kyevigulu, noku Vahivi isi wa Herimon mu kivala kya Mizipa.

Joshua 12:8

mu kivala kyevigulu, nomu kivala kyekivanda, nomu kivala kyekereremu, mu kivala kyekisulungutu, nomu kyangalangwi, na mu Kusini; Vahiti, na Vaamori, na Vakanani, na Vaperizi, na Vahivi, na Vajebusi):

Joshua 21:45

Ku makuva gosi malahi ga Yahova ya volera avenyumba ya Israeli, likuva kali lilala si lya vula kukolwa; gosi ga dukidzwa.

Joshua 22:31

Na Finehasi mwana wa Eleazaru umusalisi ya volera avana va Rubeni, navana va Gadi, navana va Manase, na a vola, Lidiku lya lero yili ku manya Yahova a veye hagati hetu, kigira si mu hyoye imbiri wa Yahova: kalunu mwinye mu mali kuhonnya avana va Israeli ku mukono gwa Yahova.

Joshua 24:11

Na mwambuka Yordani, nokuduka Yeriko: avasatsa va Yeriko va lwana nemwinye, Vaamori, na Vaperizi, na Vakanani, na Vahiti, na Vagirigashi, na Vahivi, na Vajebusi; nda va vika mmakono genyu.

Joshua 3:9

Na Joshua ya volera avana va Israeli, Hambi hano, mu huliri makuva ga Yahova Nyasaye wenyu.

Joshua 9:1

Na ga duka, avami vosi va li engereka ya Yordani, mu kivala kyevigulu, no mu kivala kereremu noku luginga lwe inyanza inene kuhenza Lebanon, Muhiti, na Mwamori, no Mukanani, na Muperizi, no Muhivi, no Mujebusi, lwa va hulira makuva gevindu yivi;

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 26:6

Hene yaho Daudi ya teva, na a volera Ahimeleku Muhiti, na Abishai mwana wa Zeruia, amwavo wa Joabu, na a vola, Ni bwaha u la sulunguta halala ninze ku Saulo mmahema gege? Abishai ya vola, Inze nda sulunguta halala nive.