Joshua 24:7 - KITABU KITAKATIFU

⁷ Navo lwa vanira Yahova ya vika kisundi hagati henyu na Vaegepeti, na ya leta inyanza kuvo, nokuvakunika; netsimoni tsyenyu tsya lola gosi aga nda kola mu Egepeti: na mwa menya mu kyangalangwi amadiku manyingi.

Joshua 24:7 Iomraidhean Croise

Kutwula 14:10

Kunangwa lwa Farao yisunda himbi, avana va Israeli va ginga tsimoni tsyavo, na henza, Avaegepeti va va londerera; navo va tia ligali: na avana va Israeli vanira Yahova.

Kutwula 14:20

nagwo gwa li hagati helihe lya Egepeti na lihe lya Israeli; na lya li ho lilesi na kisundi, navutswa lya kola ubulavu mu budiku: na lilala si lyesunda himbi na lindi mba ubudiku bwosi.

Kutwula 14:31

Na Israeli va lola miyinzi minene gya Yahova ya kola ku Avaegepeti, na avandu va tia Yahova: na va suuvira Yahova, na mutumekiri wewe Musa.

Kwidzulitsa 1:46

Kunangwa mwa menya Kadesh madiku manyingi, kuli madiku ga mwa menya yo.

Kwidzulitsa 2:14

Namadiku ga kwa tsitsanga kutwula Kadesh-barnea, kuduka lwa kwambuka mugera gwa Zeredi, ga li mihiga makumi gavaka na gyitano na gyivaka; kuduka likula lyosi lyavasatsa avelihe lya dividzwa, kuli Yahova ya visuhira.

Kwidzulitsa 29:2

Na Musa yanira ku Israeli vosi, na a va volera, Mu loli vyosi vya Yahova ya kola ku Farao mu kivala kya Egepeti imbiri wetsimoni tsyenvu, uyu na vatugwa veve vosi, nekivala kikye kyosi;

Kwidzulitsa 4:34

Kinga inyinga ki Nyasaye ya tsia kwevugulira ihiri hagati hehiri yindi, neligeridza, nelilolekidza, nevyokugennya, nobulwani, nomukono gwetsingulu, nomukono gwanyirika, nelitihidza linene, kuleng'ana navyosi vya Yahova Nyasaye wenyu ya mu kolera Egepeti imbiri wetsimoni tsyenyu?

Vahebraina 3:17

Kandi ni bwaha ava ya vihirirwa mihiga makumi gane? Si va li yavo ava kola ubwoni, avemibiri gyavo gya gwa mu kyangalangwi?

Joshua 5:6

Kigira avana va Israeli va genda mihiga makumi gane mu kyangalangwi, kuduka ihiri yosi, avandu vasatsa va tsitsanga mu lihe ava twula Egepeti, va li va mala kudiva, kigira si va hulira mwoyo gwa Yahova: navo nivo ava Yahova yisuhira si a la va leka va duke kulola kivala kya Yahova yisuhira vaguga vavo a la ku ha, kivala ki gangulukanga amaveere nobwuki.