Joshua 24:20 - KITABU KITAKATIFU

²⁰ Ni mu va ni mu leka Yahova, nokutumekira avanyasaye avageni, hene yaho a la girunkana nokumukolera budamano, nokumudividza, inyima wa ya mu kolera ubulahi.

Joshua 24:20 Iomraidhean Croise

1 Kyetsinyinga 28:8

Kuna ngwa kalunu, imbiri wetsimoni tsya israeli vosi, livugana lya Yahova, kandi mu lihulira lya Nyasaye wetu, mu henze nokwenya amalago gosi ga Yahova Nyasaye wenyu: mu duke kugumira kivala kilahi yiki, nokule kera avana venyu kandi inyima wenyu, ki ve miyandu gyavo mihiga nemihiga.

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

2 Kyetsinyinga 15:2

naye ya twula kutsia kwagana na Asa, na a mu volera, U mbulire, Asa, na vosi va Yuda na Benjamini: Yahova a veye halala na mwinye, lwa mwinye mu veye halala naye; ni mu va ni mu mwenya, a la loleka na mwinye; navutswa ni mu va ni mu mu leka, a la leka mwinye.

Ezara 8:22

Kigira nda li ni mbeye isoni kusava mwami a ku he kiduma kyavasikari, navoku nina ku tsiparasi kukukonya ku va sigu va veye ku inzira, kigira kwa li ni ku voleye mwami, ni ku vola, Mukono gwa Nyasaye wetu gu veye halala na yavo vosi ava mwenyanga, kuvaletera ubulahi; navutswa ubu nyali bwibwe nelivihirirwa lilye li veye ku yavo vosi ava mu lekanga.

Zaburi 89:31

Ni vononnya munwa gwange, Na va vula kugumira amalago gange;

Isaya 1:28

Navutswa ubwoneku bwa yava avamahyolo nobwa yavo avobwoni bu la va inyi nga indala, na yavo vosi ava leka Yahova va la hya.

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Jeremia 17:13

O Yahova, ive kisuuviri kya Israeli, vosi ava lekanga ive va la va isoni. Yavo ava twula ku inze va la ng'odwa mu lirova, kigira va leka Yahova, u veye kisenukiru kyamadzi gelivamwoyo.

Ezekieli 18:24

Navutswa wobulungi lwa a leka ubulungi bwibwe, nokukola ubudamano, nokukola kuli kivihiri kyosi kyomudamano a kolanga, uyu a la hindira? Mu vikolwa vivye vyobulungi vya ya kola vi la vula kwidzulitswa kali kilala kuvyo: mu lihyola lilye lya ya hyola, nomu bwoni bwibwe bwa ya kola, a la kudzira mu.

Vikolwa 7:42

Navutswa Nyasaye ya girunkana na a va leka va tumekire lihe lyomigulu; kuli ga ng'odwa mu kitabu kyavaprofeti Mwa ndetera tsinyama tsinziite netsisadaka Imihiga makumi gane mu kyangalangwi, mwinye venyumba ya Israeli?

Kwidzulitsa 4:25

Lwa u livula avana, navisukulu na lwa mu mala kuva mu kivala madiku manyingi, mu la duka kweyononya, nokulomba kifwananyi kya vadzwa neligondo lyekindu ku vyosi, nokukola ga veye madamano mu imoni mwa Yahova Nyasaye wowo, kumuvihiriridza,

Kwidzulitsa 4:26

nda langa ligulu nelirova kulolekidza ku mwinye lero, mu la duka kudividzwa ligali bwangu ku kivala ha mwambuka Yordani kukigumira; si mu la nyola madiku genyu kuva manyingi kukyo, mu lononywa ligali.

Vahebraina 10:38

Navutswa mulungi wange a la va mwoyo kigira lisuuvira: Kandi ni yirana inyima mwoyo gwange si gu la mu yanza.

Joshua 24:21

Navandu va volera Joshua, Auwa; nayutswa kwinye ku la tumekira Yahova.

1 Samweli 12:15

navutswa ni mu va ni mu vula kuhulira mwoyo gwa Yahova, navutswa mu tinguha lilaga lya Yahova, hene yaho mukono gwa Yahova gu la va ku mwinye, kuli gwa li ku vaguga venyu.

1 Samweli 12:25

Navutswa ni mu va ni mu hongera kukola vidamano, mu la dividzwa, mwinye nomwami wenyu halala.