Joshua 24:18 - KITABU KITAKATIFU

¹⁸ kandi Yahova ya kunga avandu vetsihiri tsyosi va twule imbiri wetu, navo na Vaamori ava menya mu kivala yikyo: kunangwa kwinye kandi ku la tumekira j Yahova; kigira uyu a veye Nyasaye wetu.

Joshua 24:18 Iomraidhean Croise

Zaburi 116:16

O Yahova, ligali mbeye mutume; kiri wowo: Mbeye mutumekiri wowo, mwana womukana mutugwa wowo; Ive u mboholoye ku libofwa lyange.

Kutwula 10:2

kandi u duke kuvola mu matu gomwana wowo, nomu agevisukulu vovo, vya nkoli ku Egepeti, na vilolekidzu vyange vya nkoli hagati havo; mwinye mu duke kumanya inze mbeye Yahova.

Kutwula 15:2

Yahova a veye tsingulu tsyange nolwimbu lwange, Kandi u gweye ubuhonnyi ku inze: Uyu a veye Nyasaye wange, na nda mwidzominya; A veye Nyasaye wa vaguga vange, nda mu kuminya.

Kutwula 23:31

Na nda vika lwako lulwo kutwula Inyanza Inzakanyu kuduka ku inyanza ya Avafilisiti, kandi kutwula ku kyangalangwi ku duka ku Mugera: kigira nda vika avandu avomkivala mu mukono gwenyu; na ive u la va kunga imbiri wowo.

Mika 4:2

Na tsihiri tsinyingi va la tsia nokuvola, Hambi mwinye kwanegire ku kigulu kya Yahova noku inyumba ya Nyasaye wa Yakobo; naye a la kwegidza tsinzira tsitsye, na ku la genda mu tsinzira tsitsye. Kigira lilaga li la twula Zioni, na likuva lya Yahova li la twula Yerusalemi;

Zekaria 8:23

Yahova wa mahe a vola: Mu madiku yago ga la duka, avandu likumi va la gumira, mu vandu vetsinimi tsyosi tsyetsihiri, va la gumira ingubo ya uyu u veye Muyuda nokuvola, Ku la genda halala nive, kigira ku huliye kuli Nyasaye a veye halala na mwinye.

Vikolwa 7:45

Lya vaguga vetu mu inyinga yavo, va li leta halala na Joshua lwa va vugula kivala kyetsihiri, tsya Nyasaye ya kunga imbiri wetsimoni tsyavaguga vetu kuduka ku Daudi;

Kwidzulitsa 10:21

A veye lidzominywa lilyo, na Nyasaye wowo, wa ku kolera vindu yivi vinene vyelitihidza, vyetsimoni tsitsyo tsi loli.

Kwidzulitsa 33:27

Nyasaye wemihiga nemihiga niye ubumenyo bubzoo, Namakono gemihiga nemihiga ga veye isi wowo. Naye ya twulidza musigu imbiri li wowo, Na a vola, Wononye.

Joshua 23:9

Kigira Yahova ya twulidza imbiri wenyu tsihiri tsya li tsinene netsyetsingulu: navutswa mwinye, si ha li nomundu ava singira imbiri wenyukudukalero.

Joshua 24:17

kigira Yahova Nyasaye wetu, niye wa leta kwinye navadada vetu kutwula mkivala kya, Egepeti, kutwula mu inyumba yavatugwa, kandi niye wa kola vilolekidzu vinene imbiri wetsimoni tsyetu, nokukulinda ku inzira yosi ya kwa genda ku, na hagati ha avandu vetsihiri tsyosi, tsya kwa vita mu;

Joshua 24:19

Na Joshua Ya volera avandu. Mwinye si mu nyala kutumekira Yahova; kigira a veye Nyasaye mutakatifu; a veye Nyasaye welikendeka; si a la mu sameha amahyolo genyu kinga ubwoni bwenyu.