Joshua 24:14 - KITABU KITAKATIFU

¹⁴ Kunangwa kalunu mu tie Yahova, nokumutumekira mu libugirira nomu geligali; na mu vike ihale avanyasaye ava vaguga venyu va tumekira engereka ya Mugera, nomu Egepeti; na mu tumekire Yahova.

Joshua 24:14 Iomraidhean Croise

Litanga 17:1

Na lwa Abram ya duka mihiga makumi gatano na gane, na gyitano na gyine, Yahova ya loleka ku Abram, na a mu volera, Mbeye Nyasaye Wanyala Vyosi; Genda imbiri wange, na u ve mudukiru.

Litanga 35:2

Kunangwa Yakobo ya volera avenyumba yeye, na vosi ava li halala naye, Mu vike haluvega avanyasaye avageni ava li halala nemwinye, na mwetakase avene, na mwivike tsingubo tsindi:

2 Avami 20:3

O Yahova, nku saala ligali, mwadza, Widzulitsa kalunu kuli nda genda imbiri wowo mu geligali nomwoyo mudukiru, nokukola amalahi mu tsimoni tsitsyo. Hezekia ya lira ligali.

Ezara 9:11

ga wa laga neminwa gyavatumekiri vovo avoprofeti, lwa wa vola, Kivala kya mu tsitsanga kugumira, ki veye kivala kyobuda mano kigira ububi bwavandu vevivala yivyo, na kigira livihiriridza lyavo, vya vizulitsa ububi bwavo kutwula ku luvega yilu kuduka ku luvega yilu:

Ayubu 1:1

Ya li ho mundu mu kivala kya Uzu, wa langwa Ayubu; mundu uyu ya li mudukiru nomulungi, ya li mulala wa tia Nyasaye, nokwavukana nobudamano.

Ayubu 28:28

Na ya volera mundu makuva yaga, Henza, kutia Yahova, nibwo ubugeeri; Nokutwula ku budamano nilyo limanya.

Zaburi 111:10

Kutia Yahova ni litanga lyobugeeri; Lihulira lilahi li veye ku vosi ava kolanga malngo gege: Lidzominywa lilye li menyanga mihiga nemihiga.

Zaburi 119:1

Va veye nobugasu yavo ava veye nobudukiru ku inzira, Ava gendanga mu likalaga lya Yahova.

Zaburi 119:80

Mwoyo gwange gu ve mudukanu mu malago gogo, Mbule kuvikwa mu tsisoni.

Zaburi 130:4

Navutswa ku ive ha veye ubusa mehi, Ive u duke kutibwa.

Zaburi 81:10

Inze mbeye Yahova Nyasaye wowo, Wa ku twulidza mu kivala kya Egepeti: Kunula ligali munwa gugwo, na inze nda kwizulitsa.

Ezekieli 20:18

Na nda volera avana vavo mu kyangalangwi, Mwinye mu ta genda mu malago ga vadada venyu mba, kandi mu ta henza ku miima gyavo mba, kandi mu tivika bubi ku vifwananyi vyavo mba.

Ezekieli 23:3

navo va tumekira malaya mu Egepeti; va tumekira malaya mu busoleli bwavo; viritu vyavo vya minikira yo, kandi ni yo wetsimbere tsyolukana lwavo tsya hambwa ku.

Hosea 3:5

na lwenyima avana va Israeli va la galuka, nokwenya Yahova Nyasaye wavo, na Daudi mwami wavo, na va ladza nobutii ku Yahova noku bulahi bwibwe mmadiku gekiheri.

Kyavalevi 17:7

Va vule kwiitira amademone tsisadaka tsyavo, aga va kola ubuheyi nago ku ligota. Yili li la va lilaga lyemihiga nemihiga kuvo mu visukululwi vyavo vyosi.

Mika 6:8

Uyu u vuuliranga ive, O mundu, aga veye malahi; na Yahova yenyanga kindu ki ku ive, ni ga ta li likola ubulungi, nokuyanza tsimbabasi, nokugenda nobuhooma halala na Nyasaye wowo?

Luka 8:15

Nobwo mu marova malahi, nava lwa va hulira makuva, va ga gumira nomwoyo mulahi kandi mudoto, vama liama nobwikudziri.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

2 Vakorintho 1:12

Kigira lidzominya lyetu ni yaga, ni li lolekidza lyemyoyo gyetu, kwa menya mu lirova, kandi imbiri wenyu kuvita ligali, mu butakatifu nomu ageligali ga Nyasaye, si ga li mu lidzominywa lyomubiri, navutswa ga veye mu tsimbabasi tsya Nyasaye.

Vafeso 6:24

Tsimba basi tsi ve navo vosi ava yanzanga Mwami wetu Yesu Kristo, neliyanza li ta li nobwoneku.

Kwidzulitsa 10:12

Na ive kalunu, Israeli, Yahova Nyasaye wowo yenya ki ku ive, ni li ta li kutia Yahova Nyasaye wowo, u gende ku tsinzira tsitsye tsyosi, nokumuyanza, nokutumekira Yahova Nyasaye wowo nomwoyo gugwo gwosi naroho gugwo gwosi,

Kwidzulitsa 18:13

U ve mudukiru imbiri wa Yahova Nyasaye wowo li

Kwidzulitsa 6:13

U tie Yahova Nyasaye wowo; u mu tumekira, na u lisuha ku lieta lilye.

Vafilipi 1:10

mu duke kutovola vindu vi veye vilahi; mu ve aveligali kandi ava ta li nelikigitalidza kuduka ku lidiku lya Kristo;

Joshua 24:2

Na Joshua ya volera avandu vosi, na a vola, Yahova Nyasaye wa Israeli, a vola, Avaguga venyu mmadiku goku matsyambiri va menya engereka wa Mugera, navo ni Tera, ise Abrahamu, na a veye kandi ise Nahoro: navo va tumekira avanyasaye vandi.

Joshua 24:23

Kunangwa kalunu, ya vola, Vika haluvega avanyasaye avageni ava veye hagati henyu, mu yekidze myoyo gyenyu ku Yahova, uyu Nyasaye wa Israeli.

1 Samweli 12:14

Ni mu va ni mu tia Yahova, nokumutumekira, nokuhulira mwoyo gwigwe, ni mu yula kutinguha ku lilaga lya Yahova, kandi ni mwinye halala nomwami wamehanga ku mwinye ni mu va avalondi va Yahova Nyasaye wenyu, nobulahi:

1 Samweli 12:24

Mu tie Yahova, yaga geng'ine nokumutumekira ligali nomwoyo gwenyu gwosi; kigira mwidzulitse vindu vinene ndi vya ya mu kolera.

1 Samweli 7:3

Na Samweli ya volera inyumba yosi ya Israeli, na a vola, Mwinye ni mu va ni mwirana ku Yahova nemyoyo gyenyu gyosi, hene yaho mu vike ihale ku mwinye avanyasave vageni, na Ashitarothu va veye hagati henyu, na mu yekidze myoyo gyenyu ku Yahova nokumutumekira yeng'ine; naye a la mu honnya ku makono ga Vafilisiti.