Joshua 24:10 - KITABU KITAKATIFU

¹⁰ nayutswa inze si nda bugirira kuhulira Balaam; kunangwa ya meda kumugasidza na ndiyo nda mu honnya ku mukono gwigwe.

Joshua 24:10 Iomraidhean Croise

Isaya 54:17

Si ha veye nekiju kya lombwa kuhing'ana nive ki li gasidzwa; noku tsinimi tsyos; lu li vuka ku ive mu likalaga ive u la lu kalagira lu ve lwa mahyolo. Yigyi ni miyandu gya yavo avatumekiri va Yahova, nobulungi bwavo bu twulanga ku inze, Yahova a vola.

Mika 6:5

O avandu vange, mwidzulitse kalunu ga Balaki mwami wa Moabu ya saavira, kandi ga Balaam mwana wa Beoru ya tivula: widzulitse kutwula Shitim kuduka Gilgali, mu duke kumanya likola lilungi lya Yahova.

Livalidza 22:35

Na ingelosi wa Yahova ya volera Balaam, U tsie na avandu yava; navutswa aga nda ku volera, nigo aga u la vola geng'ine. Kunangwa Balaam ya tsia halala na avanene va Balaki.

Kwidzulitsa 23:5

Navutswa Yahova Nyasaye wowo si ya bugirira kuhulira Balaam; Yahova Nyasaye wowo ya girunkanya vilaamo kuva ligasidza ku ive, kigira Yahova Nyasaye wowo ya ku yanza.

Joshua 24:11

Na mwambuka Yordani, nokuduka Yeriko: avasatsa va Yeriko va lwana nemwinye, Vaamori, na Vaperizi, na Vakanani, na Vahiti, na Vagirigashi, na Vahivi, na Vajebusi; nda va vika mmakono genyu.