Joshua 23:7 - KITABU KITAKATIFU

⁷ mu tingira hagati hetsihiri yitsi, tsya tigala hagati henyu; kandi mu ta tala ameta ga vanyasaye vavo, kinga kumwisuhidza kuvo, kinga kuvatumekira, kinga kwinama imbiri wavo:

Joshua 23:7 Iomraidhean Croise

2 Avami 17:12

na va tumekira vifwananyi, vya Yahova ya va gaya, na a vola, Si mu la kola yaga mba.

2 Avami 5:18

Yahova a samehe inze mutumekiri wowo ku inkuva yiyi; lwa munene wange yingiranga mu inyumba ya Rimon kusigamira mu, ni yidira ku mukono gwange, na inze ndinama mu inyumba ya Rimon lwa ndinama mu inyumba ya Rimon Yahova a samehe mutumekiri wowo mu inkuva yiyi.

2 Kyetsinyinga 7:19

Navutswa ni mu girunkana, nokuleka lilagana lyange na malago gange aga mbiki imbiri wenyu, ni mu tsia kutumekira avanyasaye ava ndi, nokuvasigamira;

Zaburi 16:4

Ubuvereri bwavo bu la medeka, ava haana vihaanwa ku mu nyasaye wundi: Vihaanwa vyavo vyokunwa vyamasahi si nda vi haana Kandi si nda vugula ameta gavo mu munwa gwange.

Kutwula 20:5

u ta vi sigamira mba, u ta vi tumekira mba; kigira inze Yahova Nyasaye wowo mbeye Nyasaye wokukendeka, u vikanga ubudamano bwavadada ku avana, kuduka ku likula lyakavaka kinga lya kane ku yavo ava dunyira inze,

Kutwula 23:13

kandi mu vyosi vya mmu voleye mu hulire: na mu ta tala lieta lya vanyasaye avandi, kandi li ta hulirwa mu munwa gwugwo.

Kutwula 23:33

Si va la menya mu kivala kikyo, gase va la ku kola kukolera inze ubwoni; kigira nu u va nu u tumekira avanyasaye vavo, ligali inkuva yiyi i la va mutego ku ive.

Tsing'ano 4:14

U tingira mu inzira yavadamano, Kandi u ta genda ku inzira yavandu avadamano.

Jeremia 12:16

Na ga la duka, ni va va ni vega ligali va manya tsinzira tsyavandu vange, kwisuha ku lieta lyange, Kuli Yahova a veye mwoyo; kuli vegidza avandu vange kwisuha ku Baal; hene yaho va lombakwa hagati ha vandu vange.

Jeremia 5:7

Nyala ndi kukusameha? Avana vovo va ndeki, na va mali kwisuha ku yava ava ta li avanyasaye. Lwa nda li ni mbigutidzanga vyokulia, va heya, nokuvugana halala viduma neviduma ha tsinyumba tsyavamalaya.

Hosea 2:17

Kigira nda twulidza ameta ga Vabaal mmunwa gwigwe, na si va la talwa ku ameta gavo.

Zefania 1:5

navo ava sigamira amahe gomigulu ku visegese vyetsinyumba; na yavo ava sigamiranga, avesuhiranga Yahova nokwisuha ku Malikam;

Livalidza 32:38

na Nebo, na Baal-meon, (ameta ga yaga ga girunkanywa,) na Sibima: navo va gulika madala aga vombaka ameta gandi.

Livalidza 33:55

Navutswa ni mu vula kukunga avomkivala va twule imbiri wenyu, hene yaho yavo ava mu leka kutigala va la va kuli tsisindani mu tsimoni tsyenyu, na kuli amafwa mu tsimbalu tsyenyu, na va la mu dambidza mu kivala kya mu menya mu.

1 Vakorintho 15:33

M u ta gadwa mba: Ubu hambani ubudamano bwononnyanga miima milahi.

Vafeso 5:11

Kandi mu ta va nelisanga nemiyinzi gyekisundi gyi tivanga, navutswa nubulahi mu gyi kyaye;

Kwidzulitsa 10:20

U tie Yahova Nyasaye wowo, u mu tumekire; na u hambane naye, na wesuhe ku lieta lilye.

Kwidzulitsa 6:13

U tie Yahova Nyasaye wowo; u mu tumekira, na u lisuha ku lieta lilye.

Kwidzulitsa 6:14

Mu ta londa avanyasaye vandi, mu vanyasaye vavandu va veye tsimbega tsyenyu tsyosi;

Joshua 23:12

Gase ni mu va ni mwirana inyima, nokuhambana nelitigala lyetsihiri yitsi, tsya tigala hagati henyu, nokukwererana navo, namwinye mu ve halala navo, navo nokuva halala nemwinye;

Joshua 23:8

navutswa mu hambane na Yahova Nyasaye wenyu, kuli mwa kola kuduka lero.