Joshua 23:16 - KITABU KITAKATIFU

¹⁶ Lwa mwononya lilagano lya Yahova Nyasaye wenyu, ga ya mu laga, ni mu tsia kutumekira avanyasaye vandi, nokuvasigamira; hene yaho ubutima bwa Yahova bu laaka ku mwinye, na mu la diva bwangu mu twule mu kivala yiki kilahi kya ya mu ha.

Joshua 23:16 Iomraidhean Croise

1 Avami 14:15

Kigira Yahova a la kuya Israeli, kuli kidundu ki hunzulanyangwa mmadzi; na a liha Israeli kumutwulidza mu kivala kilahi yiki kya ya ha vaguga vavo, na a la va salanya engereka wo Mugera, kigira va lomba misala gyemisambwa gyavo, kuvihiriridza Yahova.

1 Avami 9:6

Navutswa ni mu girunkana ku lilonda inze, mwinye kinga avana venyu, ni mu vula kugumira lilaga lyange namalago gange ga nda vika imbiri wenyu, navutswa ni mu tsia kutumekira avanyasaye vandi, nokuvasigamira;

1 Avami 9:7

hene yaho nda kalaga Israeli va twule mu kivala kya nda va ha; nenyumba yiyi, ya ntakasiye lieta lyange, ndi gi syuva ihale netsimoni tsyange; na Israeli a la va uluga no nelieta lyokukyaywa hagati ha avandu vosi.

2 Avami 17:7

Ga li ndiyo, kigira avana va Israeli va kola ubwoni ku Yahova Nyasaye wavo, wa va twulidza mu kivala kya Egepeti, kutwula isi womukono gwa Farao mwami wa Egepeti, na va tia vanyasaye vandi

2 Avami 24:20

Kigira ubutima bwa Yahova vindu yivi vya duka ku Yerusalemi na Yuda, kuduka lwa ya va ta vosi va twule imbiri wewe ligali.

Isaya 24:5

Lirova lyononnyeywi isi wa va menyanga kulyo: kigira vononnya lilaga, nokugirunkannya amalago, nokwononnya lilagana lyemihiga nemihiga.

Jeremia 32:23

na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

Jeremia 32:24

Henza, vitumi, vya dukidzwa ku lidala va duke ku li vugulanelidala lya vikwa mmakono ga Vakalidei va lwananga nalyo, kigira kivavi, nenzala, nobulwaye; na ga wa vola ga dukidzeywi; henza, ive u ga lolanga.

Livalidza 33:56

Na i la va, kuli nda ganagana kuvakolera, nda mu kolera ndiyo.

Kwidzulitsa 17:3

na a tsia kutumekira avanyasaye vandi, nokuvasigamira, kinga liuva, kinga mweli, kinoa vi veye mu lihe lyomigulu, vya inze nda vula kulaga,

Kwidzulitsa 28:15

Navutswa ga la va, nu u va nu u vula kuhulira mwoyo gwa Yahova Nyasaye wowo, kukola malago gege gosi nemiima gyigye gya nku laganga lero, hene yaho vilaamo yivi vyosi vi la duka ku ive, nokukunyola.

Kwidzulitsa 6:15

kigira Yahova Nyasaye wowo u veye hagati hoho, a veye Nyasaye we likendeka; gase ubutima bwa Yahova Nyasaye wowo bu laaka ku ive, na a la kwononya kukutwulidza mu lirova.

Vakalagi 2:14

Nobutima bwa Yahova bwaaka ku Israeli, na ya va vika mmakono ga yavo ava va lanya; na ya va gulidza na ya va vika mmakono gavasigu vavo ava li ku tsimbega tsyavo, si va nyala kandi kusingira imbiri wavasigu vavo.

Vakalagi 2:20

Nobutima bwa Yahova bwaaka ku Israeli; na ya vola, Kigira ihiri yiyi yononnyi lilagana lyange lya nda laga avaguga vavo, na si va hulira mwoyo gwange;

1 Samweli 12:25

Navutswa ni mu va ni mu hongera kukola vidamano, mu la dividzwa, mwinye nomwami wenyu halala.