Joshua 23:14 - KITABU KITAKATIFU

¹⁴ Kandi, henzi, inze lero ntsitsanga ku inzira ya vosi velirova: na mwinye mu manya mu myoyo gyenyu gyosi, nomu roho gyenyu gyosi, si ha ve nekindu kali kilala kya vula kuva kyevindu vyosi vilahi vya Yahova Nyasaye wenyu ya vola ku mwinye; vyosi vi dukidzeywi ku mwinye, si ha veye nekindu kali kilala kya vula ho.

Joshua 23:14 Iomraidhean Croise

Litanga 47:29

Na inyinga yelikudza lya Israeli ya duka himbi: naye ya langa mwana wewe Yosefa, na a mu volera, Ni mba ni mberereywi imbiri wetsimoni tsyitsyo, nku goonya u vike mukono gugwo ku ivadzwa yange, u nkolere malahi na ageligali: u ta nta mu Egepeti mba, nku goonyanga;

1 Avami 2:2

Inze ntsitsanga ku inzira yavomulirova vosi: kigira yaga ive u ve wetsingulu, welolekidze mwene kuva mundu musatsa;

1 Avami 8:56

Yahova a gasidzwe, u sosidzi avandu veve Israeli kuli aga ya laga gosi: si lya gwa hasi kali likuva lilala mu lilaga lilye lilahi, lya ya laga no mukono gwomutumekiri wewe Musa.

Ayubu 30:23

Kigira manya u la ndeta kuduka mu likudza Noku inyumba ya lomberwa avelivamwoyo vosi.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Kohelethu 12:5

yee, va la tia kyegi nga, na vyokutihidza ui li va ku inzira; na mulodzi gu la lavidza vi muli, nelidede li la va musigo, na likayirwa si li veye netsingulu kandi; kigira mundu a tsitsanga yengo we limenya madiku gosi, na ava syomanga va tsitsanga yiyi na yiyi mu tsinzira:

Kohelethu 9:10

Ku vyosi kyomukono gugwo gu duka kukola, u ki kole netsingulu tsitsyo tsyosi; kigira si ha veye nemiyinzi, kinga livalidza, kinga limanya, kinga ubugeeri, mu kilindwa kya u tsitsanga mu.

Ezekieli 20:28

Kigira lwa nda mala kuvavika mu kivala yiki, kya nda visuhira nda va ha, hene yaho lwa va lola vigulu vyosi vitambi, nemisala gyosi migumalu, va haana yo vihaanwa vyavo, nokuhaana yo livihiridza lyevihaanwa vyavo; kandi ha zana va kola lifunya muhomo gwavo gu yanzidzanga, nokutsuka vihaanwa vyavo vyevyokunwa.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

Luka 21:33

Ligulu nelirova li la vita: navutswa amakuva gange si ga li vita mba.

Vahebraina 9:27

Kandi kuli avandu va vikirwa likudza inyinga indala, kandi inyima li la duka likalagirwa;

1 Samweli 3:19

Na Samweli ya viruka, na yahova ya li halala naye, na si a leka kindu kali kilala ku makuva gege kugwa hasi.