Joshua 23:11 - KITABU KITAKATIFU

¹¹ Kunangwa mwelinde bulahi avene, mu duke kuyanza Yahova Nyasaye wenyu.

Joshua 23:11 Iomraidhean Croise

Kutwula 20:6

kandi mba vera tsimbabasi ava yanza inze ni va gumira malago gange, kuduka tsielfu.

Tsing'ano 4:23

U linde mwoyo gugwo netsingulu tsyosi Kigira vyosi vyelivamwoyo vi twula kugwo.

Luka 21:34

Navutswa mwinye mu gelihe gase myoyo gyenyu gyi la minika nobuhuvali nobuhambiki nobunyankani bwelivamwoyo yili, kandi lidiku yilyo li la mu nyola bwangu kuli mutego:

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

1 Vakorintho 16:22

Ku vosi mundu na a ta yanza Mwami, a laamwe lwo Mwami a ladza.

1 Vakorintho 8:3

navutswa ku vosi mundu na a yanza Nyasaye, uyu a manyekana imbiri wewe.

Vafeso 5:15

Kigira yaga mu henze bulahi kuli mu genda, mu ta genda kuli ava ta li nobugeeri navutswa kuli avobugeeri;

Kwidzulitsa 30:16

kuli nku laganga lero kuyanza Yahova Nyasaye wowo, nokugenda ku tsinzira tsitsye, nokugumira malago gege nemiima gyigye nelikalaga lilye, u duke kuva mwoyo nokumedeka, Yahova Nyasaye wowo a duke kukugasidza mu kivala kya wingira mu kukigumira.

Kwidzulitsa 30:20

kuyanza Yahova Nyasaye wowo, kuhulira mwoyo gwigwe, nokuhambana naye; kigira a veye livamwoyo lilyo, nobutambi bwamadiku gogo; u duke kumenya mu kivala kya Yahova yisuhira avaguga vovo, Abrahamu, na Isaka, na Yakobo, kuvaha.

Kwidzulitsa 4:15

Kunangwa mwelinde ligali; kigira si mwa lola lifwana lidiku lya Yahova y a volera mwinye ha Horebu nomiroyo gwa twula hagati ho muliru;

Kwidzulitsa 4:9

Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Vahebraina 12:15

mu henze bulahi gase a la va ho mundu kali mulala u geheye tsimbabasi tsya Nyasaye; gase kitinya kyobululu ki la sibuka nokumunyangidza, na ku yiki vanyingi va kolwe vadamano;

Joshua 22:5

Navutswa mweguluhidze ligali kukola malago na miima gya Musa mutumekiri wa Yahova ya mu laga, kuyanza Yahova Nyasaye wenyu, nokugenda mu tsinzira tsitsye tsyosi, nokugumira amalago gege, nokuhambana naye, nokumutumekira nomwoyo gwenyu gwosi, na roho gwe nyu gwosi.

Joshua 23:10

Mundumulala ku mwinye a la kunga elfu, kigira Yahova Nyasaye wenyu, niye u mu lwaniranga, kuli ya mu volera.

Joshua 23:12

Gase ni mu va ni mwirana inyima, nokuhambana nelitigala lyetsihiri yitsi, tsya tigala hagati henyu, nokukwererana navo, namwinye mu ve halala navo, navo nokuva halala nemwinye;