Joshua 22:27 - KITABU KITAKATIFU

²⁷ navutswa bu la va lilolekidza hagati hetu nemwinye, kandi hagati hevisukululwi vyetu inyima wetu, kuduka kukola ubutumekiri bwa Yahova imbiri wewe nevihaanwa vyokusambwa, halala nevihaanwa vyetu, noku vihaanwa vyetu vyemirembe; avana venyu va vule kuvolera avana vetu mmadiku gadzanga, Mwinye si mu veye nekidieli mu Yahova.

Joshua 22:27 Iomraidhean Croise

Litanga 31:48

Na Labani ya vola, Kitumi yiki ki veye kilolekidzu hagati hange nive lero. Kigira yaga lieta lyakyo lya langwa Galeed:

Litanga 31:52

Kitumi yiki ki ve kilolekidzu, na munara yigu gu ve kilolekidzu, inze si nda vita kitumi yiki kuduka ku ive, kandi ive si u la vita kitumi yiki na munara yigu kuduka ku inze kukola ubudamano.

Zaburi 16:5

Yahova a veye kidieli kyemiyandu kyange, na kye kisanda kyange: Ive u lindanga vindu vyange.

Isaya 19:19

Mu lidiku yilyo bu la va ho mu kivala kya Egepeti ubwali bwa Yahova, noku lwako lwakyo munara gu la va ho ku Yahova.

Kwidzulitsa 12:11

inyinga yeyo ga la vaha Yahova Nyasaye wenyu a la tovola, a vike ho lieta lilye, ha zana yaho mu la hila ho vyosi vya nda mu laga: vihaanwa vyenyu vyokusambwa, nevisyuviriru vyenyu, netsizaka tsyenyu, nevihaanwa vyokudigululwa vyamakono genyu, nevyokulagana vyenyu vyosi vi tovole vya mwa vika ku Yahova.

Joshua 22:10

Na lwa va duka ku kivala ki veve himbi ku Yordani, ki veye mu kivala kya Kanani, avana va Rubeni navana va Gadi nenusu yehiri ya Manase vombaka ubwali himbi Yordani, bwa li ubwali bunene kuhenza ku.

Joshua 22:26

Kunangwa kwa vola, Kwetegeke kwombaka bwali, si bu li bwekihaanwa kyokusamba, kinga bwekihaanwa:

Joshua 22:28

Kunangwa kwa vola, Ga la va lwa va li kuvolera likuva kuli yilyo, kinga kuvolera avandu vevisukululwi vyetu mu madiku gadzanga, kwinye ku la vola, Henza lifwanana lyobwali bwa Yahova, bwavaguga vetu va lomba, si bwa li bwevihaanwa vyokusamba, kinga bwevihaanwa; navutswa bu veye lilolekidza hagati hetu nemwinye.

Joshua 22:34

Navana va Rubeni navana va Gadi va gulika bwali yilu Ed: kigira va vola, bu veye lilolekidza hagati hetu Yahova a veye Nyasaye.

Joshua 24:27

Na Joshua ya volera avandu vosi, Henzi, ligina yili li la va lilolekidza ku kwinye; kigira li huliye amakuva yaga gosi ga Yahova ya ku volera: kunangwa li la va liloekidza ku kwinye, gase mu lambakana Nyasaye wenyu.

1 Samweli 7:12

Hene yaho Samweli ya vugula ligina, nokulisingeridza hagati ha Mizipa na Shen, na ya gulika ligina zana Ebenezeri, na a vola, kuduka kalunu Yahova u ku konyi.