Joshua 21:45 - KITABU KITAKATIFU

⁴⁵ Ku makuva gosi malahi ga Yahova ya volera avenyumba ya Israeli, likuva kali lilala si lya vula kukolwa; gosi ga dukidzwa.

Joshua 21:45 Iomraidhean Croise

1 Avami 8:15

Na ya vola, Yahova, Nyasaye wa Israeli a gasidzwe, wa volera Daudi dada wange nomunwa gwigwe, naye u mali kuga dukidza nomukono gwigwe, na a vola,

1 Avami 8:20

Na Yahova ya dinyeridza likuva lilye lya ya vola; kigira inze singiye ha bugono bwa dada wange Daudi, ma nzikaye ku intebe yobwa mi ya Israeli, kuli Yahova ya laga, na nyombakiye lieta lya Yahova, Nyasaye wa Israeli, inyumba yiyi.

1 Avami 8:24

u dukidziye dada wange mutumekiri wowo Daudi aga wa mu laga: yee, wa vola nomunwa gugwo, nokugadukidza nomukono gugwo, kuli ga veye lero.

1 Avami 8:56

Yahova a gasidzwe, u sosidzi avandu veve Israeli kuli aga ya laga gosi: si lya gwa hasi kali likuva lilala mu lilaga lilye lilahi, lya ya laga no mukono gwomutumekiri wewe Musa.

Nehemia 9:8

na wa lola mwoyo gwigwe kuva nobusuuvirifu imbiri wowo, na wa lomba lilagana halala naye kumuha kivala kya Mu kanani, na Muhiti, na Muamori, na Muperizi, na Mujebusi, na Mugiri gashi, kukihaana ku kisukululwi kikye, na u dukidzi makuva gogo; kigira ive u veye mulungi.

Isaya 48:3

Inze nzilwadzi vindu vyoku matsyambiri kutwula kale; yee, ga twula mmunwa gwange, na nda ga lang'aminya: nda ga kola nonoho, na ga lombeka.

Livalidza 23:19

Nyasaye si a veye mundu, a vole ububehi, Kandi si a veye mwana womundu, yeganire: A vole, ma a vule kukola? Kinga u tivuye likuva, na a la vula kulidukidza?

1 Vakorintho 1:9

Nyasaye a veye musuuvirifu, wagyira ni mu Iangwa nokuvikwa mu lisanga lyo Mwana wewe Yesu Kristo Mwami wetu.

1 Vatesalonike 5:24

A veye musuuvirifu u langa mwinye, naye a la kola ndiyo.

Tito 1:2

mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

Vahebraina 6:18

ku vindu viviri vi ta nyala kugirunkana, mu yivi si ga nyalika Nyasaye a vole ububehi, ku duke kunyola ubukonyi bwetsingulu, kwinye ava kwirukanga kunyagula kugumira lisuuviridzwa li vikeywi imbiri wetu.

1 Samweli 3:19

Na Samweli ya viruka, na yahova ya li halala naye, na si a leka kindu kali kilala ku makuva gege kugwa hasi.