Joshua 21:43 - KITABU KITAKATIFU

⁴³ Kunangwa Yahova ya ha Israeli kivala kyosi kya yisuha a la ha avaguga vavo; navo va ki gumira, ni va menya mu.

Joshua 21:43 Iomraidhean Croise

Litanga 12:7

Kandi Yahova ya loleka ku Abram, na a mu volera, Inze nda ha kisukululwi kikyo kivala yiki: naye yombakira ho Yahova ubwali, wa loleka kuye.

Litanga 13:15

kigira kivala yiki kyosi kya u lolanga, nda ha ive, ne kisukululwi kikyo mihiga nemihiga

Litanga 28:4

kandi a ku he ubugasu bwa Abrahamu, ku ive noku kisukululwi kikyo halala na ive; ive u duke kunyola mivandu gyekivala kya u menyanga mu, kya Nyasaye ya ha Abrahamu.

2 Kyetsinyinga 20:8

Navo va menya mukyo, na vomba kira ive mukyo hatakatifu he lieta lilyo, ni va vola,

Nehemia 9:24

Ma avana yavo vingira mu, nokugumira kivala yikyo, na wa guuta ava menya mkivala yikyo imbiri wavo, Vakanani wa va vika mu makono gavo, halala navami vavo, navandu vekivala, va duke kuvakolera kuli venya.

Nehemia 9:8

na wa lola mwoyo gwigwe kuva nobusuuvirifu imbiri wowo, na wa lomba lilagana halala naye kumuha kivala kya Mu kanani, na Muhiti, na Muamori, na Muperizi, na Mujebusi, na Mugiri gashi, kukihaana ku kisukululwi kikye, na u dukidzi makuva gogo; kigira ive u veye mulungi.

Zaburi 105:8

Yidzulitsi lilagana lilye mihiga nemihiga, Likuva lya ya laga ku visukululwi elfu

Zaburi 44:3

Kigira si va nyola miyandu mu kivala nekivavi kyavo avene, Kandi si gwa li mukono gwavo gwa va honnya; Navutswa mukono gugwo mulungi, nomukono gugwo, na ubulavu bwommoni mumwo Kigira wa va vererera.

Zaburi 78:55

Ya kunga avetsihiri imbiri wavo, Ya va gerera miyandu gyavo nomugoye Ya haana tsihiri tsya Israeli kumenya mu mahema gavo.

Kutwula 3:8

na inze nziiki mba honnye ku makono ga Vaegepeti, nokuvatwulidza mu kivala yikyo, va tsie mu kivala kilahi na kinene, kivala ki gangalukanga amaveere na bwuki; ha veye ha Avakanani, na Avahiti, na Avaamori, na Avaperizi, na Avahivi, na Avajebusi.

Jeremia 32:23

na vingira mu, nokukigumira; navutswa si va hulira mwoyo gugwo mba, kandi si va genda mu lilaga lilyo; si va kola kindu kali kilala mu vyosi vya wa va laga va vi kole: kigira yaga u leti kuvo budamano yibu bwosi.

Livalidza 33:53

na mwinye mu la vugula kivala kuva miyandu, nokumenya mu; kigira inze mmali kumuha kivala kuva miyandu gyenyu.

Livalidza 34:2

U lage avana va Israeli, na u va volere Lwa mwingira mu kivala kya Kanani, (yiki ni kivala kya mu gwira kuva miyandu gyenyu, kali kivala kya Kanani kuli tsinzako tsyakyo),

Kwidzulitsa 11:31

Kigira mwinye mu lambuka Yordani mwingire kugumira kivala kya Yahova Nyasaye wenyu a mu ha, na mu la ki gumira, nokumenya mu.

Kwidzulitsa 12:29

Lwa Yahova Nyasaye wov o a la kalaga tsihiri va twule imbiri wowo ha wingiranga kutsigumira, na u va vugula, nokumenya mkivala kyavo;

Kwidzulitsa 17:14

Inyinga u li duka mu kivala kya Yahova Nyasaye wowo a ku ha, kukigumira, na u menye mukyo, nokuvola, Nda vika mwami ku inze, kuli tsihiri tsyosi tsi veye himbi ku inze;

Kwidzulitsa 34:4

Na Yahova ya mu volera, Yiki ni kivala kya ndisuhira Abrahamu, ne Isaka, na Yakobo, ni mbola, Nda ha visukululwi vivyo: ligali mmali kukumannya, navutswa si u lambuka yo mba.

Joshua 1:6

U ve mugulu nomuluviriri; kigira u la lihidza avandu yava miyandu gyekivala kya ndi suhira avaguga vavo nda va ha.

Joshua 21:42

Madala yaga gosi ga li halala, nobwayiru bwalyo bwa kumberidza tsimbega tsyosi: ga li ndiyo ku madala yaga gosi.

Vakalagi 11:24

Si ga dukanga ive kuvugula kya Kemoshu munyasaye wowo ya ku ha kuvugula? Ni ndiyo vosi ava Yahova Nyasaye wetu ya lanya va twule imbiri wetu, kwinye ku la va vugula.

1 Samweli 12:8

Lwa Yakobo yingira Egepeti, navaguga venyu lwa vanira Yahova, hene yaho Yahova ya tuma Musa na Haruni, ava twulidza vaguga venyu va twule Egepeti, na ya va vika hano.