Joshua 2:9 - KITABU KITAKATIFU

⁹ na ya volera avasatsa yavo, Inze mmanya Yahova u mali kuha mwinye kivala yiki, kandi mmanya ubutii bwokutia mwinye bu gwiye ku kwinye, kandi vosi avamenyi mu kivala yiki va la yenguka imbiri wenyu.

Joshua 2:9 Iomraidhean Croise

Litanga 35:5

Na va samula: na ubutii bwa Nyasaye bwa li ku madala aga va kumbiridza, navo va wla kulonderera avana va Yakobo.

2 Samweli 17:10

Na uyu u veye nobu luviriri, womwoyo gwigwe gu veye kuli mwoyo gweking'ang'a, a la salaluka ligali; kigira Israeli vosi va manya dada wowo a veye muluviriri ligali, na va veye halala naye va veye avandu avelihe.

2 Avami 5:15

Yirana ku mundu wa Nyasaye uyu, nekiganda kikye kyosi, vadza, ni va singira imbiri wewe: na a vola, Henza kalunu, manya si ha veye na Nyasaye mu lirova lyosi, navutswa mu Israeli: kunangwa kalunu, mwadza, u vugule ubugasu ku mukono gwomutumekiri wowo.

2 Avami 7:6

Kigira Yahova ya li na a mala kuvuulira Vasiria muliviti gwelige nda lyamagari, nomuliviti gwetsi parasi, kuli muliviti gwelihe linene ligali: na va volerana avene navene Henza, mwami wa Israeli u lagani navami va Vahiti, navami va Egepeti, litungwa vadze kulwana na kwinye.

Nehemia 6:16

Na ga duka, lwa avasigu vetu vosi va hulira, ma tsihiri tsyosi tsya ku kumbiridza va tia, nokugehidzwa ligali mu tsimoni tsyavo avene; kigira va lola miyinzi yigyo Nyasaye wetu ya gyi kola.

Esther 8:17

Na mu tsiprovinse tsyosi sendala, na mmadala gosi sa lilala, na hosi ha lilaga lyomwami lya duka, Avayuda va li nobuyanzi nobusangali, nelilia neli diku lilahi. Na vanyingi ku vandu vekivala va gwa Avayuda; kigira litihidza lya Avayuda lya va gwira.

Ayubu 19:25

Navutswa inze mmanya Mutungiri wange a veye mwoyo, Noku kiheri a la singira ku lirova.

Zaburi 112:10

Mudamano a la ga lola, na a la verera; A la lumannya amino, na a la saluluka: Lyegomba lyomudamano li la diva.

Zaburi 115:16

Ligulu yili li veye ligulu lya Yahova; Navutswa lirova ya ha avana va avandu.

Kutwula 18:11

Kalunu mmanya Yahova a veye munene kuvita avanyasaye vosi; yee, mu inkuva ya va kola noluyai kuvo.

Kutwula 23:27

Nda tuma litihidza lyange imbiri wowo, na nda dividza avandu vosi ava u duka kuvo, na nda kola avasigu vovo vosi va girunkannye migongo gyavo ku ive.

Kohelethu 8:12

Kali mwoni a kola ubu damano hali mia, nokumeda madiku gege kuva manyingi, navutswa inze manya ligali bu la va bulahi kuvo ava tidzanga Nyasaye, ava tidzanga imbiri wewe:

Isaya 19:1

Ubuliduhu bwa Egepeti. Henza, Yahova a ninanga ku lilesi li gendanga bwangu nokuduka Egepeti: nevifwananyi vyokusigami rwa vya Egepeti vi la dengeya imbiri wewe; nomwoyo gwa Egepeti gu la yenguka hagati hakyo.

Isaya 23:5

Ugusuma lwa gu duka Egepeti, va la henda mwoyo kigira ugusuma gwa Turo.

Jeremia 27:5

Inze nda lomba lirova, navandu netsinyama tsi veye mmoni mwelirova, netsingulu tsyange tsinene nomukono gwange gwa nyirwa; na nda ha yavo ava nda lola bulahi kuvaha.

Nahum 2:10

A veye bugira kindu, nomweri, na hatswa; mwoyo gu saluluka, na masigamo ga kupananga, ne lilumwa li veye mu vikenge vyosi, nomumoni mwavo vosi va saamuki kigira bugenyi.

Livalidza 20:14

Na Musa ya tuma avatumwa kutwula Kadesh kutsia ku mwami wa Edom, Amwavo wowo Israeli a vola ndi, Ive u manya lididikana lyosi lya kwa nyola:

Livalidza 20:24

Haruni a la vungidzwa kuva halala na avandu veve; kigira si a lingira mu kivala kya nda ha avana va Israeli, kigira mwa hing'ana na likuva lyange ha amadzi ga Meriba.

Matayo 20:15

Si bu li bulahi inze nkole kuli wa nyanza ku vindu vyange? Naho imoni yoyo i veye indamano kigira inze mbeye mulahi.

Kwidzulitsa 11:25

Si ha la va nomundu u nyala kusingira imbiri wenyu: Yahova Nyasaye wenyu a la vika litihidza lyenyu nelitengidza lyenyu ku kivala kyosi kya mu sena ku, kuli ya mu volera.

Kwidzulitsa 2:25

Lero nda tanga kuvika litihidza lilyo nelitibwa lilyo ku avandu va veye isi weligulu hosi, lwa va hulira makuva gogo, va la degera, na va la henda mwoyo kigira ive.

Kwidzulitsa 28:10

Navandu vosi velirova va la lola ndi, ive u langwa ku lieta lya Yahova, na va la ku tia.

Kwidzulitsa 32:8

Inyinga U-veye-lgulu-Ligali ya haana miyandu ku vetsihiri, Lwa yavukanya avana vavandu, Ya vika tsinzako tsyavandu Kuli livalidzwa lya avana va Israeli.

Vahebraina 11:31

Ku lisuuvira Rahabu wamalaya si ya diva halala na yavo ava vula kuhulira, kigira yingiridza avaluti nemirembe.

Joshua 2:11

Na lwa ikwa nyola amakuva yaga, nonoho rnyoyo gyetu gya yenguka, na roho kali mulala si gwa tigala mu mundu kali mulala, kigira mwinye: kigira Yahova Nyasaye wenyu, uyu niye Nyasaye mu ligulu igulu, nomu lirova hasi.

Joshua 2:24

Na va volera Joshua, Ligali Yahova u viki mmakono getu kivala yiki kyosi; kandi kuvita yaga avamenyi mu kivala yikyo vosi va yenguki kigira kwinye.

Joshua 2:8

Na lwa va kikiri kugona, va tsia kuvo ku inyumba igulu;

Joshua 5:1

Na ga duka, avami vosi va Vaamori, ava li engereka wa Yordani ku luvega lwemadioli, na avami vosi va Vakanani, ava li himbi nenyanza, lwa va hulira kuli Yahova ya kaminya amadzi ga Yordani, ga twule imbiri wa avana va Israeli, kuduka lwa va mala kwambuka, myoyo gyavo gya yenguka, kinga si va li na roho muvo kandi, kigira avana va Israeli.

Joshua 6:2

Yahova ya volera Joshua, Henza, mbiki Yeriko mmukono gugwo, nomwami walyo, na avandu avaluviriri avobunyali.

Joshua 9:10

na gosi aga ya kolera avami vaviri va Vaamori, ava li engereka ya Yordani Sihon mwami wa Heshibon, na Ogu mwami wa Bashan, wa li ha Ashitarothu.

Joshua 9:24

Navo va tivulira Joshua, ni va vola, Kigira kwa volerwa ligali, kwinye avatumekiri vovo, kuli Yahova Nyasaye wowo ya laga mutumekiri wewe Musa kuhaana ku mwinye kivala yiki kyosi, no kudividza avandu vosi vekivala yiki va twule imbiri wenyu; kigira yaga kwinye kwa tia ligali ku livamwoyo lyetu kigira mwinye, na kwa kola inkuva yiyi.

Joshua 9:9

Navo va mbolera, Kwinye avatumekiri vovo ku twuli mu kivala kyehali kigira lieta lya Yahova Nyasaye wowo: kigira kwinye ku huliye lidzominywa lilye, na makuva gosi aga ya kola mu Egepeti,

Vakalagi 7:14

Nowakye uyu ya tivula na a mu volera, Makuva yaga si ga veye kindu kindi navutswa ga veye kivavi kya Gideoni mwana wa Joashu, mundu wa Israeli: Nyasaye u viki Midiani nelihe lyosi mmukono gwigwe.